NEHEMIA 5:5 - Buka Helaga (Hiri Motu) 1993

⁵ “Unai aiemai varavara Iuda taudia bona ai, be bese tamona. Bona aiemai natudia bona idia edia natudia be hegeregere, ani? To aiemai natudia be hesiai taudia totona ai hoia noho. Aiemai natudia hahine haida danu be madi ai hoia vadaeni, hesiai mai guia danu idia noho. To ai be dala lasi idia do ai hoia lou, badina be tau haida ese aiemai umadia bona vain umadia idia abia vadaeni.”

NEHEMIA 5:5 Iomraidhean Croise

GENESE 29:14

Vadaeni Labana ese ia hamaoroa, ia gwau, “Momokani, oi be lauegu turiana ena turiana, bona lauegu hidiona ena hidiona.” Unai dainai, Iakobo be ia danu idia noho hua tamona.

GENESE 37:27

Namo inai Isamaela taudia dekenai do ita hoia, iseda imana dekenai ita hadikaia lasi, badina ia be iseda tadina momokani, iseda hidiona bona iseda rarana.” Vadaeni iena tadikaka taudia ese, iena hereva idia abia dae.

2 KING TAUDIA 4:1

Peroveta taudia edia orea tauna ta ena vabu ese Elisaia dekenai ia tai henia, ia gwau, “Oiemu hesiai tauna, egu adavana be ia mase vadaeni. Oi ese oi diba vadaeni, ia be Dirava ia gari henia tauna ta. To ia be mai ena abiatorehai, bona ia heniatorehai tauna ese unai abiatorehai abia lou totona, egu natuna mero ruaosi do ia abia lao, iena hesiai memero, mai guia danu idia do ia halaoa totona.”

AONEGA HEREVADIA 22:7

Kohu momo tauna ese ogogami tauna ia biagua noho, bona moni ia abiatorehai tauna ese, heniatorehai tauna ena hesiai gaukara ia karaia noho.

ISAIA 50:1

Lohiabada ese ia hereva, ia gwau, “Umui laloa lau ese egu bese lau siaia lao, hegeregere tau ta ese iena hahine ia siaia lao bamona, ia negea neganai? Bema unai bamona umui laloa, negea totona pepana be edeseni? Umui laloa, umui lau hoia bamona, hesiai mai guia taudia do umui lao totona? Hegeregere tau ta bamona, ia ese iena natuna ia hoia, hesiai mai guia maragidia do idia lao, a? Lasi momokani! Umui be hesiai mai guia danu dekenai umui lao, ena badina korikori be sibona emui kara dika dainai. Unai idau taudia ese edia gabu dekenai umui idia abia lao, ena badina korikori, be emui kerere sibona dainai.

ISAIA 58:7

Hitolo taudia dekenai emui aniani do umui henia, bona ogogami taudia, edia ruma be lasi taudia, be emui ruma dekenai do umui hakaua vareai. Bona mai edia dabua lasi taudia dekenai dabua do umui henia. Bona bema emui varavara taudia be durua idia ura neganai, idia dekena amo do umui hunia lasi.

MATAIO 18:25

Iena moni ia hegeregere lasi dainai, iena biaguna ese ia hereva, ia bona iena adavana bona iena natuna do idia hoia, iena abiatorehai ena davana totona.