NEHEMIA 5:15 - Buka Helaga (Hiri Motu) 1993

¹⁵ Gavana taudia gunadia, lau idia gunalaia taudia, ese takisi metauna taunimanima dekena amo idia abia, dina ta ta ibounai siliva moni 40, bona aniani bona uaina danu. Edia hesiai taudia ese danu taunimanima idia dagedage henidia. To lau ese Dirava lau gari henia dainai, unai bamona lau karaia lasi.

NEHEMIA 5:15 Iomraidhean Croise

GENESE 20:11

Vadaeni Aberahamo ia haere, ia gwau, “Badina be lau laloa inai gabu dekenai Dirava dekenai matauraia kara be lasi, vadaeni lau laloa be, lauegu adavana totona dohore idia alaia mase lau.

GENESE 42:18

Dina ihatoina dekenai Iosepa ese ia hereva henidia, ia gwau, “Inai bamona umui karaia, vadaeni dohore umui mauri, badina be lau danu Dirava dekenai lau gari.

NEHEMIA 5:16

Lau ese danu Ierusalema ena magu haginia gaukara lau karaia goada, bona tano ta lau abia lasi. Egu hesiai taudia danu be magu haginia gaukara idia karaia.

NEHEMIA 5:9

Unai dainai lau gwau, “Emui kara be namo lasi. Umui ese iseda Dirava do umui gari henia ena dala dekenai umui raka noho be namo, idau bese taudia ese ita do idia kirikirilaia garina. Badina inai idau bese taudia ese ita hadikaia dalana idia tahua noho.

IOBU 31:23

Lau be Dirava dekenai lau gari dainai, unai bamona kara lau karaia lasi momokani.

SALAMO 112:1

Lohiabada do umui hanamoa. Lohiabada dekenai ia gari tauna be namo. Lohiabada ena taravatu ia moalelaia noho tauna danu be namo.

SALAMO 147:11

To Lohiabada ese, ia dekenai idia gari henia taudia ia moalelaia noho. Iena noho hanaihanai lalokauna dainai, ia idia abidadama henia taudia, be Lohiabada ese ia moalelaia noho.

AONEGA HEREVADIA 16:6

Tau ta ena bogahisihisi kara bona abidadama kara dainai, Dirava ese iena kara dika do ia gwauatao, bona bema Lohiabada oi gari henia neganai, oi be kara dika dekena amo oi siri noho.

AONEGA HEREVADIA 29:12

Bema king ta ese hereva koikoi ia kamonai henia neganai, iena basileia taudia ibounai do idia kara dika.

ISAIA 50:10

Umui emui huana dekenai, daika ese Lohiabada dekenai ia gari noho? Bona daika ese Lohiabada ena Hesiai Tauna ia kamonai henia noho? Sedira umui raka dalana be ia dibura noho, diari sisina lasi, to Lohiabada do umui abidadama henia, emui Dirava do umui badinaia momokani.

IEREMIA 32:9

Vadaeni unai tano Anatoto dekenai be egu tadikakana Hanamele dekena amo lau hoia, siliva moni ibounai 17 davana dekenai.

LALOHISIHISI 5:8

Guna aiemai hesiai gaukara idia karaia taudia ese, ai idia biagua noho, bona tau ta ese edia siahu dekena amo ai ia hamauria diba lasi.

MATAIO 5:47

Bema emui turana sibona do umui hanamoa, emui namo be edena bamona do ia bada? Dika taudia danu unai bamona idia karaia noho.

2 KORINTO 11:9

Bona umui dekenai lau noho neganai nega haida lau be moni hegeregere lasi, to umui dekenai lau noia lasi. Badina be lau dekenai idia hegeregere lasi gaudia be Makedonia Keristani taudia ese lau dekenai idia siaia mai. Hekwarahi o metau umui dekenai lau henia lasi, bona vaira neganai danu do lau henia lasi.

2 KORINTO 12:13

Edena gau ekalesia orea ibounai lau henia, to umui dekenai lau henia lasi, a? Inai gau tamona sibona, ani, lauegu gaukara davana lau noia lasi. Mani emui kara, inai lauegu dika tamona do umui gwauatao, a?

1 SAMUELA 8:15

Emui uma edia anina bona emui vain edia anina do ia haria, kahana 10, vadaeni kahana ta do ia abia, iena ruma naria taudia bona iena hesiai taudia dekenai do ia henia.