NEHEMIA 5:13 - Buka Helaga (Hiri Motu) 1993

¹³ Vadaeni lau ese egu rami be edia vairana dekenai lau davea, lau gwau, “Inai gwauhamata do idia hamomokania lasi taudia ibounai be Dirava ese edia ruma dekena amo, bona edia gaukara dekena amo, unai bamona do ia negedia ore. Dirava ese unai bamona tauna do ia negea bona bubua momokani, bona ia be gau anina lasi!” Unai neganai hebou taudia ibounai ese “Amen” idia gwauraia, bona Lohiabada idia hanamoa. Bona taunimanima ese edia gwauhamata hegeregerena idia karaia.

NEHEMIA 5:13 Iomraidhean Croise

2 KING TAUDIA 23:3

Iosaia be du badana ena badibadinai ia gini, bona Lohiabada ena vairana dekenai ia gwauhamata, Lohiabada ena dala dekenai do ia raka, bona Lohiabada ena oda bona iena hadibaia hereva, bona iena Taravatu do ia badinaia, mai iena kudouna ibounai, bona mai ena laumana ibounai danu. Ia gwauhamata danu, taravatu hereva, unai Buka lalonai torea gaudia ibounai do ia karaia. Vadaeni unai taunimanima ibounai ese Iosaia danu unai bamona idia gwauhamata.

1 SIVARAI 16:36

Lohiabada, Israela ena Dirava, do ita hanamoa bada noho, hari ia lao bona nega hanaihanai. Vadaeni taunimanima ibounai idia gwau, “Amen,” bona, “Lohiabada ita hanamoa inai!”

NEHEMIA 8:6

Esera ia hereva, ia gwau, “Lohiabada, Dirava badana, do ita hanamoa.” Taunimanima ibounai ese edia imana idia abia isi, idia gwau, “Amen! Amen!” Vadaeni tomadiho totona idia tui diho, bona edia vairana be tano dekenai idia atoa.

SALAMO 119:106

Lau ese lau gwauhamata vadaeni, oiemu hadibaia hereva maoromaorona do lau badinaia, vadaeni inai gwauhamata do lau makohia lasi momokani.

SALAMO 50:14

To lau ura momokani gauna be emui tanikiu, emui boubou gauna korikori be unai. Lau, Siahu Ibounai Dirava dekenai umui karaia vadaeni gwauhamata, edia anina ibounai do umui henia haorea.

SALAMO 76:11

Emui Dirava, Lohiabada, dekenai gwauhamata do umui henia, bona gwauhamata ena anina do umui karaia. Dirava umui hagegea noho taudia ibounai ese, ia dekenai harihari gaudia do umui henia be namo, badina ia dekenai taunimanima idia gari noho.

AONEGA HEREVADIA 28:4

Bema taravatu oi rakatania, oi ese kara dika taudia oi hanamoa noho, to taravatu oi badinaia neganai, oi ese kara dika taudia oi heatu henidia noho.

HADIBAIA TAUNA 5:5

Do oi gwauhamata be ia namo, to do oi gwauhamata, bona anina do oi karaia lasi, be dika.

NUMERA 5:22

Momokani, inai ranu be oiemu bogana dekenai ia diho neganai, oiemu bogana do ia gudu bona oiemu mamuna ruaosi do idia mase. “Hahine ese inai gwauhamata deke-nai do ia haere henia, do ia gwau, ‘Inai gwauhamata be lau abia dae, Lohiabada ese unai bamona do ia karaia be namo.’

MATAIO 10:14

To bema ruma taudia o hanua taudia idia abia dae lasi umui, bona emui hereva idia kamonai lasi, unai gabu do umui rakatania, bona emui aena dekenai ia noho momoru umui negea oho unuseni.

APOSETOLO EDIA KARA 13:51

Vadaeni ruaosi ese edia aena kahu idia negea oho, unai taudia edia kara dika hedinaraia totona, bona Ikonio dekenai idia lao.

APOSETOLO EDIA KARA 18:6

To idia ese iena hereva idia koua mai hereva dikadia danu neganai, Paulo ese iena dabua ena kahu ia negea oho, bona ia gwau, “Vadaeni, umui emui kerere be emui latanai ia noho, lau be kerere lasi. Harihari lau be idau bese taudia dekenai do lau lao.”

1 KORINTO 14:16

Bema emui lauma sibona dekenai Dirava umui tanikiu henia neganai, hebou lalonai ia helai tauna be edena bamona “amen” do ia gwauraia diba? Badina be emui hereva ena anina ia diba lasi.

1 SAMUELA 15:28

Samuela ia gwau, “Lohiabada ese hari dina dekenai Israela basileia be oi dekena amo ia darea vadaeni. Bona oiemu badibadinai tauna ta, oi ia hereaia tauna, dekenai ia henia vadaeni.