NEHEMIA 5:10 - Buka Helaga (Hiri Motu) 1993

¹⁰ “Inai danu, lau bona egu tadikakana bona egu hesiai taudia ese moni, bona aniani unai taunimanima dekenai ai heniatorehai vadaeni. To namona be ita ese inai abiatorehai davana mai atoa kau moni abia kara do ita hadokoa.

NEHEMIA 5:10 Iomraidhean Croise

NEHEMIA 10:32

“Ita gwauhamata danu inai, lagani ta ta ibounai ita ta ta ese siliva ena metau 5 garam be Dubu Helaga ena gaukara totona do ita henia.

NEHEMIA 5:11

Hari dina dekenai, edia uma gabudia, edia vain umadia, edia olive umadia, bona edia ruma do umui henidia lou. Bona umui gwauraia vadaeni atoa kau moni, karoa 100 ta ta dekena amo, moni o aniani o uaina o olive dehoro, idia dekena amo umui gwauraia abiatorehai davana, do umui henidia lou.”

NEHEMIA 5:7

Lau laloa namonamo guna, vadaeni lau ese taunimanima edia gunalaia taudia bona lohia taudia lau gwau henia momokani, lau gwau, “Umui ese emui varavara taudia dekena amo abiatorehai ena atoa kau moni umui abia noho.” Lau ese hebou bada herea lau boiria, inai hepapahuahu do lau hamaoromaoroa totona.

NEHEMIA 5:9

Unai dainai lau gwau, “Emui kara be namo lasi. Umui ese iseda Dirava do umui gari henia ena dala dekenai umui raka noho be namo, idau bese taudia ese ita do idia kirikirilaia garina. Badina inai idau bese taudia ese ita hadikaia dalana idia tahua noho.

SALAMO 15:5

Ia ese iena moni ia heniatorehai lasi, atoa kau davana abia totona. Bona kerere lasi tauna hadikaia totona, taunimanima ese moni idia henia gwauraia neganai, unai tau ese unai moni ia abia dae lasi. Unai bamona ia karaia tauna, be do ia gini goada noho, gau ta ese ia do ia hadikaia lasi.

ISAIA 58:6

“Lasi! Aniani ania lasi taravatu, lau ese lau ura henia gauna, be inai bamona: Dagedage ena seini ibounai do umui kokia, bona kota maoromaoro lasi kara ese ia guia taudia do umui ruhaia.

ESEKIELA 18:13

Bona bema ia dekena amo ia abiatorehai tauna ese iena abiatorehai ia henia lou neganai, unai tau namona ena natuna dikana ese atoa kau moni danu ia abia. “Inai bamona ia karaia noho tauna be do ia mauri, a? Lasi momokani. Ia ese unai kara dikadia ibounai ia karaia vadaeni, unai dainai ia be do ia mase. Bona iena mase be sibona ena kerere dainai.

ESEKIELA 18:7

Ia ese tau ta ia koia lasi, bona tau ta ena kohu ia henaoa lasi. Bema tau ta ese ia dekena amo ia abiatorehai neganai, ia ese unai abiatorehai ena toana gauna ia henia lou. Ia ese hitolo taudia dekenai aniani ia henia, bona dabua lasi taudia dekenai dabua ia henia.

ESEKIELA 18:8

Bema tau ta ese ia dekena amo ia abiatorehai bona ia henia lou, vadaeni inai tau namona ese atoa kau moni ia abia lasi. Bema ia ese kota ia naria neganai, iena kota be mai maoromaoro bona momokani danu. Ia ese kara dika dekena amo ia raka siri noho.

MIKA 2:1

Palani dikadia umui laloa noho taudia e, dika bada herea momokani do umui davaria! Umui be hanuaboi neganai umui mahuta lasi, to umui ese kara dikadia do umui karaia dalana umui laloa noho. Bona dabai umui toreisi, unai kara be umui karaia momokani, badina dala umui davaria vadaeni.

2 KORINTO 5:11

Vadaeni, Lohiabada ai gari henia dainai, ai ese taunimanima ai sisiba henia goada, do idia abidadama henia totona. Aiemai laloa ibounai be Dirava ia diba, ia diba aiemai laloa be maoromaoro momokani. Lau ura bada umui danu umui diba aiemai laloa be maoromaoro momokani.

2 KORINTO 5:20

Unai dainai ai be Keriso ena hereva gwauraia hedinarai taudia, Dirava ese aiemai uduna dekena amo umui dekenai ia noia noho. Vadaeni Keriso ena ladana dainai umui ai noia, Dirava do umui dagedage henia lou lasi, to ia danu do umui turana karaia.

2 KORINTO 6:1

Ai be Dirava danu ai gaukara hebou dainai, umui ai noia goada inai bamona, “Umui ese Dirava ena hariharibada umui abia vadaeni, be umui negea kava lasi.”

DEUTERONOMI 15:2

Inai bamona do umui karaia: Moni heniatorehai taudia ta ta ese edia varavara Israela taudia dekenai idia heniatorehai gauna do idia gwauatao, edia moni abia lou totona do idia laloa o do idia tahua lasi. Badina be Lohiabada ese abiatorehai ena davana ia gwauatao vadaeni.