NEHEMIA 5:1 - Buka Helaga (Hiri Motu) 1993

¹ Unai neganai taunimanima momo, tau, mai edia adavadia danu ese edia varavara Iuda taudia dekenai idia maumau.

NEHEMIA 5:1 Iomraidhean Croise

NEHEMIA 4:23

Lau bona lauegu tadikaka, bona lauegu hesiai taudia, bona lau idia gimaia taudia, ai ibounai be hanuaboi neganai aiemai dabua ai kokia lasi. To ai ta ta ibounai be nega ibounai aiemai tuari gaudia ai kwatua noho.

IOBU 34:28

Idia ese ogogami taudia idia hadikaia dainai, ogogami taudia ese Dirava dekenai idia taitai, bona Dirava ese edia taitai ia kamonai.

ESODO 3:7

Lohiabada ma ia gwau, “Momokani, lauegu bese taudia edia hisihisi Aigupito dekenai lau itaia vadaeni. Edia biagudia ese hekwarahi idia henidia noho dainai idia taitai, be lau kamonai vadaeni, badina be edia hisihisi lau diba vadaeni.

ISAIA 5:7

Badina Siahu Ibounai Lohiabada ena vain uma be Israela besena, bona Lohiabada ese ia hadoa vain be Iuda taudia. Lohiabada ese inai bese edia huanai kara namodia ia tahua, to ala-ala kara sibona ia itaia. Lohiabada ese edia kara maoromaoro ia tahua, to idia ese idia hadikaia taudia edia taitai sibona, be Lohiabada ese ia kamonai.

IEREMIA 34:8

King Sedekaia bona Ierusalema taudia ese gwauhamata taravatuna idia gwauraia, edia hesiai mai guia danu taudia, Heberu taudia, do idia ruhaia negea. Inai hereva be lau Ieremia dekenai ia ginidae.

ESEKIELA 45:9

Lohiabada Dirava ia gwau, “Umui Israela ena king taudia e, egu bese taudia umui dagedage bona hisihisi henidia karadia do umui hadokoa. Kota maoromaoro, bona kara maoromaoro danu do umui karaia. Umui ese egu bese taudia edia tano dekena amo do umui luludia lou lasi. Lau, Lohiabada Dirava ese umui lau hamaoroa noho inai.

MALAKI 2:13

Ma umui karaia noho kara ta lau herevalaia inai: Lohiabada ese emui boubou gaudia ia abia dae lasi dainai, umui tai momo, mai boiboi bada danu. Bona emui matana ranu be Lohiabada ena boubou patana ena latanai idia bubua diho noho.

LUKA 18:7

Unai dainai, Dirava ese ia abia hidi taudia, dina bona hanuaboi ia dekenai idia taitai taudia, be idia dekenai idia badu taudia edia davana do ia henia lasi, a? Dirava ese iena taudia do ia durudia haraga lasi, a?

APOSETOLO EDIA KARA 7:26

Kerukeru, heatu taudia, Israela taudia rua, be Mose ese ia itaia, ia ura edia heatu ia koua, bona maino karaia. Idia dekenai ia hereva, ia gwau, ‘Tatau e, umui be varavara, badina dahaka umui sibona umui hadikaia noho?’

IAMESI 5:4

Umui kamonai, emui uma lalonai idia gaukara taudia edia davana umui henidia lasi. Unai dainai mai boiboi danu idia maumau noho. Emui uma ena anina idia utua taudia edia taitai be Dirava, Siahu Ibounai Lohiabada ia kamonai vadaeni.