NEHEMIA 4:6 - Buka Helaga (Hiri Motu) 1993

⁶ Unai dainai, magu ai haginia noho, bona nega daudau lasi lalonai magu ibounai ena ataiai lata korikori ena kahana be ai haorea, badina taunimanima idia gaukara goada, mai edia kudouna ibounai danu.

NEHEMIA 4:6 Iomraidhean Croise

1 SIVARAI 29:14

Davida ese Lohiabada ma ia hanamoa, ia gwau, “To lau be daika, bona egu orea taudia be daika, vadaeni ai ese inai harihari gaudia bada herea ai henia diba? Badina be gau ibounai be oi dekena amo idia mai noho, bona oi sibona oiemu gau, be ma ai henia lou vadaeni oi dekenai.

1 SIVARAI 29:3

Ma inai danu, egu Dirava ena Dubu lau lalokau henia noho dainai, inai Dubu totona lau haboua kohu edia latanai, be lau sibona egu kohu korikori, golo bona siliva, be egu Dirava ena Dubu dekenai lau henia inai:

2 SIVARAI 29:36

Hesekaia bona taunimanima ibounai be idia moale, badina Dirava ese iena bese taudia ia durudia dainai, idia ese unai kara ibounai idia karaia haorea haraga.

NEHEMIA 4:5

Edia kara dika do oi gwauatao lasi, bona edia kara dika do oi laloaboio lasi, badina be idia ese oi idia habadua, magu haginia taudia edia vairanai.”

NEHEMIA 4:7

To Sanubalata bona Tobaia, bona Arabia bona Amono bona Asadoda taudia ese Ierusalema ena magu ena matu bona ena makohia gabudia idia hanamoa noho sivarai idia kamonai neganai idia badu momokani.

NEHEMIA 6:15

Iuda taudia ese magu haginia lou gaukara be dina 52 lalonai idia haorea, unai be hua ladana Elulu ena dina namba 25 dekenai idia haorea.

SALAMO 110:3

Oi ese oi dekenai idia dagedage taudia, be do oi tuari henidia dinana dekenai, oiemu orea taudia ese oi dekenai do idia haboua, bona mai edia ura kwalimu danu oi do idia durua. Daba maragi neganai paripari ia hedinarai bamona, oiemu durua taudia be oi dekenai do idia haboua, ororo helagana dekenai.

SALAMO 122:3

Ierusalema be idia ese idia haginia lou, hanua badana. Iena toana be namo, badina be idia haginia namonamo vadaeni.

HAGAI 1:14

Unai dainai Lohiabada ese inai taudia ibounai edia laumadia ia hatoreisia: Serubabele Sealetiele, Iuda ena gavana tauna, Iosua Iehosadaka, Hahelagaia Tauna Badana, bona Babulonia ena hesiai mai guia danu dekena amo idia giroa mai taudia ibounai. Inai taudia idia haboua mai, bona Siahu Ibounai Lohiabada, edia Dirava, ena Dubu Helaga idia haginia hamatamaia.

FILIPI 2:13

Badina be Dirava ese umui emui lalona dekenai ia gaukara noho. Ia ese ura namodia bona goada umui dekenai ia henia noho, vadaeni iena ura karadia do umui karaia.

HEBERU 13:21

Vadaeni, inai maino Diravana ese gau namodia ibounai umui dekenai do ia henia, bona idia dekena amo umui do ia hanamoa momokani. Vadaeni umui ese iena ura do umui karaia. Bona namona be Dirava ese Iesu Keriso ena siahu dekena amo, iseda lalona dekenai do ia gaukara, vadaeni Dirava hamoalea karadia do ita havaraia. Keriso dekenai hairai bada do ia noho ela bona hanaihanai. Amen.