NEHEMIA 4:4 - Buka Helaga (Hiri Motu) 1993

⁴ Lau Nehemia ese Dirava lau noia, lau gwau, “Dirava e, edia hereva dika mani oi kamonai. Edia hereva dika be edia kwarana dekenai do oi hamorua diho. “Idia do oi negea diho, vadaeni tuari taudia ese idia do idia abia mauri, mai guia danu, bona idia noho tanona taudia ese edia kohu do idia henaoa.

NEHEMIA 4:4 Iomraidhean Croise

NEHEMIA 5:9

Unai dainai lau gwau, “Emui kara be namo lasi. Umui ese iseda Dirava do umui gari henia ena dala dekenai umui raka noho be namo, idau bese taudia ese ita do idia kirikirilaia garina. Badina inai idau bese taudia ese ita hadikaia dalana idia tahua noho.

SALAMO 79:12

Lohiabada badana e, unai idau bese taudia ese oi dekenai idia hereva dika. Edia dika davana be nega 7 idia dekenai do oi henia lou.

AONEGA HEREVADIA 3:34

Lohiabada ese hekokoroku taudia ia ura henia lasi, to ia ese manau taudia dekenai ia laloa namo.

LALOHISIHISI 1:22

“Edia kara dika ibounai, be oiemu vairanai do oi hedinaraia. Unai neganai edia dika davana do oi henia, egu dika davana oi henia hegeregerena. Badina be lau tai bada noho, bona egu kudouna ia manoka lao noho.”

HOSEA 12:14

Israela taudia ese Lohiabada idia habadua momokani vadaeni. Edia kara dika dainai bema idia mase be namo. Idia ese Lohiabada idia hahemaraia dainai, ia ese edia dika davana do ia henidia.

1 SAMUELA 17:26

Davida ese iena badibadinai idia gini taudia ia nanadaia, ia gwau, “Inai Pilistia tauna do ia alaia mase bona inai hemarai, Israela dekena amo ia kokia tauna be dahaka do ia abia? Badina be inai Pilistia tauna, kopina utua lasi tauna, be daika, ia be Mauri ena Dirava ena tuari orea do ia hereva dika henia?”