NEHEMIA 4:23 - Buka Helaga (Hiri Motu) 1993

²³ Lau bona lauegu tadikaka, bona lauegu hesiai taudia, bona lau idia gimaia taudia, ai ibounai be hanuaboi neganai aiemai dabua ai kokia lasi. To ai ta ta ibounai be nega ibounai aiemai tuari gaudia ai kwatua noho.

NEHEMIA 4:23 Iomraidhean Croise

NEHEMIA 4:22

Unai neganai, lau ese gaukara idia naria taudia lau hamaoroa, idia bona edia gaukara taudia ibounai be hanuaboi neganai Ierusalema dekenai do idia noho. Unai bamona dekenai, ai ese Ierusalema be hanuaboi neganai ai gimaia, to dina neganai ai gaukara.

NEHEMIA 5:1

Unai neganai taunimanima momo, tau, mai edia adavadia danu ese edia varavara Iuda taudia dekenai idia maumau.

NEHEMIA 5:16

Lau ese danu Ierusalema ena magu haginia gaukara lau karaia goada, bona tano ta lau abia lasi. Egu hesiai taudia danu be magu haginia gaukara idia karaia.

NEHEMIA 7:2

lau ese egu tadina Hanani bona kohoro ena biaguna Hananaia lau abia hidi, Ierusalema naria gaukara do idia karaia totona. Hananaia be abidadama tauna bona Dirava ia gari henia tauna, bona iena kara maoromaoro ese taunimanima momo edia kara maoromaoro ia hereaia.

IOELA 2:8

Idia raka hebou noho, to ta ese ma ta ena dala ia koua lasi. Idia be tuari magu ibounai idia makohia diho noho, bona gau ta ese edia raka ia hadokoa diba lasi.

1 KORINTO 15:10

To Dirava ena hariharibada dainai, lau be harihari aposetolo dagi lau karaia noho. Bona lau dekenai ia henia hariharibada be ia henia kava lasi, badina be gaukara bada herea lau karaia vadaeni, aposetolo taudia ibounai lau hereaia vadaeni. To inai be lauegu goada dekenai lasi, Dirava ena hariharibada be lau danu ia noho, ia ese ia karaia.

GUNALAIA TAUDIA 5:11

Kamonai! Ranu gabudia dekenai idia kiri hebou taudia, edia gadodia do umui kamonai. Lohiabada ena kwalimu mai siahu bada karadia idia herevalaia noho. Israela tuari taudia edia kara maoromaoro, bona edia kwalimu danu idia herevalaia noho! Tuari totona Lohiabada ena taudia, be hanua ta ta dekena amo idia raka mai.

GUNALAIA TAUDIA 9:48

Vadaeni Abimeleka be Salamona Ororo dekenai ia daekau lao, ia bona iena tuari taudia ibounai. Abimeleka ese ira ta ia abia, au rigi haida ia utua, bona lahi au totona ikumi ia karaia, iena pagana dekenai ia atodia. Iena tuari taudia danu ia ese ia hamaoroa, ia gwau, “Lauegu kara umui itaia vadaeni. Inai kara hegeregerena umui danu do umui karaia. Karaharaga!”