NEHEMIA 4:2 - Buka Helaga (Hiri Motu) 1993

² Iena turana taudia bona Samaria tuari taudia edia vairana dekenai ia hereva, ia gwau, “Inai Iuda, manoka taudia be dahaka idia karaia noho? Ierusalema do idia haginia lou, a? Idia laloa edia boubou karadia dekena amo unai haginia gaukara be dina tamona lalonai do idia haorea, a? Lahi ese ia gabua ore nadi dikadia dekena amo, hanua idia haginia nadidia idia halaoa, a?”

NEHEMIA 4:2 Iomraidhean Croise

ESERA 4:4

Vadaeni unai tano taudia ese Iuda taudia edia lalodia idia hamanokaia toho, bona idia hagaridia toho, edia gaukara do idia koua totona.

NEHEMIA 12:27

Ierusalema ena magu idia hahelagaia neganai, Levi taudia be edia noho gabudia ibounai dekena amo Ierusalema dekenai idia mailaidia, ane do idia abia, mai miusiki danu totona. Idia ese botaia auridia bona gita badadia bona maragidia dekena amo unai magu hahelagaia gaukara idia hanamoa.

NEHEMIA 12:43

Unai dina dekenai boubou gaudia momo idia henia, bona taunimanima be idia moale bada, badina be Dirava ese moale ia henidia momokani. Hahine bona edia natudia danu idia moale bada. Ierusalema dekenai idia moale ena regena bada be daudau gabudia noho taudia ese idia kamonai.

NEHEMIA 4:10

To Iuda taudia idia gwau, “Ai be metau gaudia momo ai huaia noho dainai aiemai goada ia ore lao. Momoru be bada herea. Ai be hegeregere lasi magu do ai haginia.

NEHEMIA 6:15

Iuda taudia ese magu haginia lou gaukara be dina 52 lalonai idia haorea, unai be hua ladana Elulu ena dina namba 25 dekenai idia haorea.

SALAMO 83:4

Idia ese inai bamona idia hereva noho, idia gwau, “Umui mai, unai bese do ita hadikaia ore, vadaeni Israela ena ladana be, taunimanima ese do idia laloaboio ela bona hanaihanai.”

IEREMIA 26:18

“Hesekaia be Iuda ena king neganai, peroveta tauna Mika, Moresete hanua tauna ese Iuda taudia ia hamaoroa, ia gwau, ‘Siahu Ibounai Lohiabada ia gwau: Ierusalema be momoru kava gabuna do ia lao, bona Siona be anina lasi tano bamona do ia lao, uma totona do idia geia ore. Bona hari Dubu Helaga ena ororo be uda gabuna do ia lao.’

IEREMIA 33:24

“Taunimanima edia hereva oi kamonai, idia gwau, lau ese Israela bona Iuda bese ruaosi lau abia hidi vadaeni, to hari idia ruaosi lau negea vadaeni? Unai dainai idia ese egu bese taudia idia negea vadaeni, idia gwau idia be bese ta lasi idia edia vairanai.

DANIELA 9:25

“Inai oi laloa namonamo: Ierusalema haginia lou herevana idia gwauraia ela bona Mesia ia ginidae be lagani ibounai 483 be do idia ore. Ierusalema ena ariara bona magu badadia do idia karaia lou, to nega dika lalonai do idia karaia.

HABAKUKU 3:2

Lohiabada e, oiemu kara ena sivarai lau kamonai vadaeni, bona oiemu siahu dekenai lau gari noho. Oiemu kara badadia, gunaguna oi karaia gaudia, mani inai nega danu lalonai do oi karaia lou. Momokani aiemai dika dainai oi badu noho. To oi be bogahisihisi Diravana, vadaeni ai dekenai mani do oi bogahisihisi.

SEKARAIA 12:8

Unai nega lalonai, lau Lohiabada ese Ierusalema noho taudia do lau naria, bona edia goada lasi taudia danu, be goada do idia abia, Davida ena goada hegeregerena. Bona Davida ena tubuna taudia ese Ierusalema taudia do idia gunalaia, Lohiabada ena aneru bamona, oibe, Dirava sibona ese idia ia gunalaia bamona.

SEKARAIA 4:10

“Dubu haginia gaukara idia hamatamaia dina dekenai gaukara maragina sibona idia karaia dainai do umui badu henidia lasi. Badina idia ese Serubabele ena imana dekenai ena ginimaoro levolo idia itaia neganai, do idia moale bada noho.” Aneru ese lau dekenai ia gwau, “Unai lamepa 7 edia anina be Lohiabada ena matana, tanobada ena kahana ibounai dekenai idia itaia noho.”

1 KORINTO 1:27

To tanobada ena kavakava gaudia be Dirava ese ia abia hidi, aonega taudia do ia hahemaraia totona. Bona tanobada ena manoka gaudia danu Dirava ese ia abia hidi, goada taudia do ia hahemaraia totona.