NEHEMIA 4:17 - Buka Helaga (Hiri Motu) 1993

¹⁷ Haginia totona kohu idia huaia taudia ese edia imana ta dekenai idia gaukara, ma edia imana ta dekenai tuari gaudia idia dogoatao.

NEHEMIA 4:17 Iomraidhean Croise

NEHEMIA 4:13

Unai dainai lau, Nehemia ese Iuda taudia dekenai tuari kaia, io, bona diba bona peva lau henia, bona magu ia do kwadogi herea gabudia murina dekenai lau atodia, edia iduhu ta ta dekenai.

NEHEMIA 4:16

Unai dina dekena amo ia lao, lauegu gaukara taudia kahana ese magu dekenai idia gaukara, to kahana be edia io, kesi, peva, bona tuari dabua idia abia hegaegae. Bona Iuda taudia edia gunalaia taudia ese, magu idia haginia Iuda taudia ibounai idia durua bona hagoadaia.

NEHEMIA 4:18

Bona magu idia haginia taudia ibounai ese edia gabana dekenai tuari kaia idia kwatua. Kibi do ia hiriria tauna be lau, Nehemia, egu badibadinai ia gini noho.

SALAMO 149:6

Namona be mai boiboi bada danu Dirava do idia hanamoa. Bona matadia rua tuari kaia, be edia imadia dekenai do idia dogoatao noho,

SOLOMONA ENA ANE 3:8

Unai tau 60 ibounai, be tuari kaia iusilaia diba momo, bona tuari dekenai idia manada vadaeni. Edia tuari kaia be ta ta, edia gaba gaudia dekenai idia atoa hegaegae, hanuaboi ena gari gaudia do idia koua totona.

DANIELA 9:25

“Inai oi laloa namonamo: Ierusalema haginia lou herevana idia gwauraia ela bona Mesia ia ginidae be lagani ibounai 483 be do idia ore. Ierusalema ena ariara bona magu badadia do idia karaia lou, to nega dika lalonai do idia karaia.

IOELA 2:8

Idia raka hebou noho, to ta ese ma ta ena dala ia koua lasi. Idia be tuari magu ibounai idia makohia diho noho, bona gau ta ese edia raka ia hadokoa diba lasi.

1 KORINTO 16:13

Umui naria namonamo, abidadama dekenai umui gini goada, metau ibounai lalonai do umui haheauka, do umui goada.

1 KORINTO 16:9

Badina be unai gabu dekenai iduara badana ia kehoa vadaeni, bona hari be gaukara badana bona mai anina ena nega namona. To lauegu dala idia koua gwauraia taudia be momo.

1 KORINTO 9:12

Bema haida ese inai gaudia umui dekena amo idia abia neganai, ai be do ai abia badabada be maoro herea. Momokani ai be mai emai maoro inai bamona gaudia umui dekena amo ai abia. To ai abia lasi. Lasi momokani. Badina ai ura metau ibounai lalonai ai haheauka, Keriso ena Sivarai Namona ena dala do ai koua garina.

2 KORINTO 6:7

Ai be hereva momokani ai harorolaia noho. Aiemai gaukara be Dirava ena siahu dekena amo ai karaia noho. Aiemai kara maoromaoro be tuari gauna emai imana ruaosi dekenai bamona, vadaeni inai bamona ai tuari auka noho, Dirava ena gaukara karaia totona.

FILIPI 1:28

Bona Sivarai Namona ena tuari lalonai do umui gini goada, umui idia tuari henia taudia do umui gari henia lasi. Emui gari lasi idia itaia neganai, do idia diba momokani idia kwalimu diba lasi. Badina be Dirava ese hamauria umui dekenai do ia henia.

2 TIMOTEO 2:3

Keriso Iesu ena tuari tauna namona ta do oi lao. Oiemu dagi ena hisihisi bona metau do oi abia, ai tuari taudia ai abia bamona.

2 TIMOTEO 4:7

Tuari namona lau tuarilaia vadaeni, lauegu heau helulu be ia ore vadaeni, bona lauegu abidadama lau karaia haorea vadaeni.