NEHEMIA 4:14 - Buka Helaga (Hiri Motu) 1993

¹⁴ Lau itaia, Iuda taudia be idia laloa hekwarahi, unai dainai edia gunalaia taudia bona tau badadia lau hamaoroa, lau gwau, “Ita idia tuari henia gwauraia taudia dekenai umui gari lasi. Lohiabada umui laloa noho. Ia be mai siahu bada bona mai garina, vadaeni emui tadikakana taudia dainai, emui natuna dainai, emui adavana dainai, bona emui ruma dainai do umui tuari.”

NEHEMIA 4:14 Iomraidhean Croise

2 SAMUELA 10:12

Do umui gari lasi, do ita laloa goada, mai boga auka danu. Iseda bese dainai, bona iseda Dirava ena hanua ibounai dainai, do ita tuari auka momokani. Namona be Lohiabada ena ura do ia vara.”

2 SIVARAI 32:7

“Do umui goada, do umui boga auka. Asuria king bona iena tuari taudia totona do umui gari lasi, bona idia dainai emui kudoudia do idia manoka lasi. Badina ita dekenai ia noho siahu ese idia edia siahu ia hereaia noho momokani.

NEHEMIA 1:5

Inai bamona lau guriguri, lau gwau, “Lohiabada e, Guba ena Dirava, Dirava badana, bona mai garina. Oi ese oi dekenai idia lalokau henia, bona oiemu oda idia karaia taudia dekenai oi bogahisihisi noho.

IOBU 37:22

Mirigini kahana dekena amo, dina ena diari ia hedinaraia noho, iena toana be golo bamona. Momokani Dirava ena hairaina ia hedinaraia neganai, ita be ita hoa bada noho.

SALAMO 143:5

Dina gunadia lau laloa noho. Oiemu kara gunadia ibounai lau laloa noho. Oiemu imana edia kara badadia ibounai lau laloatao noho.

SALAMO 20:7

Taunimanima haida ese tuari totona, kariota idia abidadama henia noho, ma haida ese hosi idia abidadama henia noho. To ai ese Lohiabada, aiemai Dirava ai abidadama henia noho.

SALAMO 27:1

Lohiabada be lauegu diari, ma ia ese lau ia hamauria noho. Daika dekenai do lau gari? Lohiabada ese mase gaudia ibounai dekena amo, lau ia gimaia noho. Daika garina do lau gari?.

SALAMO 46:11

Siahu Ibounai Dirava be ita dekenai ia noho. Iakobo ena Dirava be iseda heau mauri gabuna.

SALAMO 65:5

Dirava e, oi sibona ese ai oi hamauria, bona noho namona ai dekenai oi henia. Oi ese aiemai guriguri oi kamonai henia vadaeni. Hoa kara badadia oi ese oi karaia vadaeni, ai do oi hamauria totona. Taunimanima tanobada kahana kahana ibounai dekena amo, ese oi dekenai idia abidadama. Davara daudau herea idia hanaia gabudia taudia danu, ese oi idia abidadama henia noho.

SALAMO 66:3

Dirava dekenai do umui gwau, “Oiemu kara be mai gari danu gaudia. Oiemu siahu ia bada herea dainai, oi dekenai idia tuari henia taudia, be oiemu vairana dekenai mai gari danu, oiemu siahu henunai sibodia idia atoa.

SALAMO 66:5

Umui mai, Dirava ena kara do umui itaia. Iena kara taunimanima edia huanai be mai garina karadia.

ESODO 14:14

Lohiabada be umui totona do ia tuari karaia, umui be do umui noho kava sibona.”

ESODO 14:25

Edia kariota edia uili be idia diho miri dekenai, vadaeni kariota idia heau namonamo lasi. Unai dainai Aigupito taudia sibona dekenai idia hereva henia, idia gwau, “Israela taudia edia vairana dekena amo do ita heau, badina be Lohiabada ese durua ia henia idia dekenai, to ia tuari henia ita dekenai.”

HADIBAIA TAUNA 12:1

Oi be eregabe neganai, ia ese oi ia karaia Dirava do oi laloa. Badina be nega dika dinadia do idia ginidae, bona unai neganai do oi gwau, “Lauegu mauri dekenai lau moale lasi.”

DANIELA 11:32

Lalona ania karadia dainai, haida ese edia guriguri karana do idia rakatania, bona idia ese unai king ena ura do idia karaia, to edia Dirava idia diba taudia be do idia goada, bona unai king ena ura do idia negea, mai goada danu.

SEKARAIA 14:3

Unai neganai Lohiabada be do ia toreisi, unai bese idauidau taudia do ia tuari henia, guna neganai ia tuari bamona.

NUMERA 14:9

To Lohiabada do umui tuari henia lasi, bona unai tano taudia do umui gari henia lasi, do ita halusidia haraga. Lohiabada be ita dekenai ia noho, to idia be durua diravana ta lasi. Unai dainai do umui gari lasi.”

MATAIO 10:28

Tauanina be do idia alaia diba, to lauma be do idia alaia diba lasi taudia dekenai do umui gari lasi. To lauma bona tauanina ruaosi lahi ia araia gabuna dekenai do ia alaia mase diba Diravana dekenai be do umui gari, be namo.

DEUTERONOMI 1:21

Umui itaia, Lohiabada, emui Dirava, ese umui ia henia tano be unai. Do umui toreisi, unai tano do umui abia, badina Lohiabada, emui sene taudia edia Dirava ese inai bamona umui ia oda henia vadaeni. Do umui gari lasi, do umui daradara lasi.’

DEUTERONOMI 10:17

Badina be Lohiabada emui Dirava, ese dirava ibounai ia hereaia, siahu taudia ibounai danu ia ese ia hereaia. Ia be Dirava badana, ia be mai ena siahu bada, bona ia be taunimanima ese idia gari henia Diravana. Iena vairana dekenai taunimanima ibounai be hegeregere. Tau ta ese Dirava ena lalona ia veria diba lasi.

HEBERU 13:6

Unai dainai, mai goada danu, inai bamona do ita hereva, “Lohiabada be lauegu durua Tauna, lau be lau gari diba lasi. Taunimanima edena bamona lau do idia hadikaia diba?”

IOSUA 1:9

Oi lau hamaoroa vadaeni, ani, do oi goada bona do oi boga auka. Do oi gari lasi, bona oiemu lalona do ia manoka lasi, badina be lau Lohiabada, oiemu Dirava, ese oi loaloa gabudia ibounai dekenai oi do lau bamoa noho.”

GUNALAIA TAUDIA 3:27

Unuseni Ehuda ese kibi ia hiriria Eparaima Ororo dekenai. Vadaeni Israela taudia be ia danu ororo dekena amo idia diho lao, bona Ehuda ese idia ia gunalaia.