NEHEMIA 3:8 - Buka Helaga (Hiri Motu) 1993

⁸ Idia edia badibadinai, be Usiele Harahaia, golo ia gaukaralaia tauna ta, ese magu ma kahana ta ia hanamoa, bona iena badibadinai be Hananaia, muramura mai bonana namo karaia tauna ese magu ma kahana ia hanamoa. Idia ese Ierusalema ena magu idia haginia lou ela bona Labana Bada Maguna.

NEHEMIA 3:8 Iomraidhean Croise

GENESE 50:2

Vadaeni Iosepa ese iena hesiai taudia haida, muramura gaukara idia diba taudia ia hamaorodia, iena tamana ena tauanina do idia hagoevaia. Muramura mai bonana namo dekena amo do idia dahua, ia bodaga haraga lasi totona, bona dabua aukana dekenai do idia kumia, vadaeni unai bamona idia karaia.

NEHEMIA 12:38

Dirava hanamoa orea iharuana be lauri kahana dekena amo idia lao, bona lau, Nehemia be idia edia murinai lau raka, orea kahana taudia danu lau lao. Magu ena latanai ai raka, Amu ena Kohoro ataiai kahana dekena amo ela bona Lababana Bada ena Magu.

ESODO 30:25

Inai muramura ibounai do umui mikisi, vadaeni dehoro helagana do ia lao. Do umui mikisi namonamo, muramura ia karaia tauna korikori ese ia karaia bamona, vadaeni dehoro helagana do umui halaoa.

HADIBAIA TAUNA 10:1

Bema muramura mai ena bonana namo lalonai, lao idia mase neganai, unai muramura ena bonana do ia dika. Unai bamona danu, kavakava sisina ese aonega, bona taunimanima matauraia kara ia hadikaia noho.

ISAIA 46:6

Taunimanima ese edia puse idia kehoa, bona golo idia abia. Idia ese sikele dekenai siliva ena metau idia abia. Idia ese golo ia gaukaralaia tauna idia hamaoroa, dirava ta do ia karaia. Unai neganai unai dirava dekenai idia tomadiho henia!