NEHEMIA 3:26 - Buka Helaga (Hiri Motu) 1993

²⁶ bona Opele ena ororo dekenai idia noho Dubu Helaga hesiai taudia ese magu ma idia hanamoa lao, ela bona Ranu ena Ikoukou ena dina daekau kahanai, bona unai ataiai kohoro ia vaira henia gabuna dekenai.

NEHEMIA 3:26 Iomraidhean Croise

1 SIVARAI 9:2

Iuda taudia ese edia hanua ta ta dekenai idia giroa mai hamatamaia neganai, dagi lasi Israela taudia, hahelagaia taudia, Levi taudia, bona Dubu Helaga ena hesiai gaukara taudia haida danu idia mai.

2 SIVARAI 27:3

Iotama ese Lohiabada ena Dubu Helaga ena Ataiai Iduara ia haginia lou, bona Ierusalema ena magu, Opele ena kahana dekenai, gaukara bada ia karaia, magu hagoadaia totona. ruma momo ia haginia.

2 SIVARAI 33:14

Unai murinai Manase ese Davida ena Hanua ena magu, murimuri kahana gauna, ia haginia lou, Gihona ena Ranu Lohilohi Gabuna ena dina diho kahanai, koura lalonai, ela bona Gwarume ena Iduara. Bona Ierusalema ena kahana ladana Opele ia hagegea magu danu ia hagoadaia. Unai magu edia ataiai lata ia habadaia momokani. Manase ese danu tuari biagudia, be Iuda hanua mai edia magu ta ta ibounai dekenai ia atodia, tuari taudia ese unai hanuadia do idia gimaia totona.

NEHEMIA 10:28

“Ita, Israela bese taudia hahelagaia taudia, Levi taudia, Dubu Helaga gimaia taudia, Dubu Helaga ane abia taudia, Dubu Helaga ena hesiai taudia, bona Dirava ena Taravatu hegeregerena, inai tano dekenai noho idau bese taudia dekena amo ita raka siri noho taudia, bona iseda adavadia bona iseda natudia, mai edia aonega hegeregerena ibounai ese,

NEHEMIA 11:21

To Dubu Helaga ena hesiai taudia be Opele ena ororo dekenai idia noho, bona Siha bona Gisipa ese unai hesiai taudia idia biagua.

NEHEMIA 12:37

Ranu Lohilohi ena Ikoukou dekenai idia ginidae, vadaeni maoromaoro vadavada dekenai idia daekau lao, Davida ena Hanua dekenai, bona Davida ena ruma idia hanaia. Bona magu ena latanai ma idia raka lao ela bona Ranu ena Ikoukou, dina ia daekau kahana dekenai idia ginidae.

NEHEMIA 3:27

Unai taudia edia murinai, Tekoa taudia ese magu kahana idia hanamoa, unai kohoro ia vaira henia gabunai, ela bona Opele ena magu.

NEHEMIA 8:1

Hua namba 7 lalonai, Israela taudia be ibounai edia hanua ta ta dekenai idia noho lou. Unai hua ena dina ginigunana dekenai idia ibounai Ierusalema dekenai idia haboua, Ranu ena Ikoukou ena ariara lalonai. Vadaeni idia ese Taravatu hadibaia tauna Esera idia hamaoroa, Mose ena Taravatu Buka, Lohiabada ese Israela dekenai ia henia gauna, do ia mailaia.

NEHEMIA 8:16

Unai dainai taunimanima idia raka lao, rigi idia gogoa, au raurau ruma maragidia idia karaia totona. Vadaeni edia ruma guhi latanai, edia ruma ariara gabudia lalonai, Dirava ena Dubu Helaga ena magu lalonai ariara, bona Ranu ena Ikoukou ena ariara dekenai, bona Eparaima ena Ikoukou ena ariara dekenai danu unai au raurau ruma maragidia ibounai idia haginia.

NEHEMIA 8:3

Unai Ranu ena Ikoukou ena ariara lalonai Esera ese Taravatu ia duahia, daba rere negana ela bona dina tubu, bona idia ibounai ese unai hereva idia kamonai namonamo.

ISAIA 32:14

King ena rumai danu, be taunimanima do idia noho lasi, bona hanua badana dekena amo, taunimanima ibounai do idia raka siri momokani. Ruma ibounai, bona idia naridia kohoro be do idia dika momokani, ela bona hanaihanai. Uda doniki bona mamoe be unuseni edia aniani do idia tahua.