NEHEMIA 3:14 - Buka Helaga (Hiri Motu) 1993

¹⁴ Malekaia Rekaba, Bete Hakereme tano ena lohia, ese Kukuri Ena Ikoukou ia hanamoa. Ia ese magu ia haginia lou, ikoukou ia atoa, bona lokaia totona, auri badadia bona bolta danu ia karaia.

NEHEMIA 3:14 Iomraidhean Croise

2 SAMUELA 4:2

Isiboseta be mai ena tuari orea maragidia biagudia rua, edia ladana be Banaha bona Rekaba. Idia ruaosi be Rimono, Beroto tauna ena natuna. Inai Beroto hanua be Beniamina iduhu ena hanua ta.

2 KING TAUDIA 10:15

Iehu ese ma ia toreisi, bona dala dekenai Iehonadaba Rekaba danu idia hedavari. Vadaeni Iehu ese Iehonadaba ia hanamoa, ia gwau, “Oi ese lauegu kara oi ura henia momokani noho, lau ese oiemu kara lau ura henia momokani hegeregerena, a?” Iehonadaba ese ia haere, ia gwau, “Io.” Iehu ia gwau, “Bema unai bamona, oiemu imana lau dekenai oi henia.” Vadaeni Iehu, ese iena kariota dekenai Iehonadaba ia abia daekau.

1 SIVARAI 6:40

Simea be Mikaela ena natuna tau, Mikaela be Baseia ena natuna tau. Baseia be Malekaia ena natuna tau.

NEHEMIA 12:31

Lau Nehemia ese Iuda ena lohia taudia be magu ena latanai lau hakaudia daekau, bona lau oda henidia, idia ese orea badadia rua do idia gunalaia, ane abia taudia, hanua ena kahana ibounai do idia raka, bona mai ane danu Dirava do idia hanamoa. Orea ginigunana be idiba kahanai idia raka lao, magu ena latanai, ela bona Boromakau Kukuri ena Ikoukou.

NEHEMIA 2:13

Hanuaboi momokani neganai lau be Koura ena Ikoukou dekena amo hanua badana lau rakatania, Uda Sisia ena Ranu Guri, bona Kukuri ena Ikoukou lau itaia, Ierusalema ena magu ia makohia gauna danu lau itaia, bona magu ena ikoukou bona iduara, lahi ese ia gabua ore gaudia danu lau itaia.

NEHEMIA 3:9

Idia edia badibadinai, be Repaia Huru, Ierusalema ena tano kahana ena lohia tauna ese magu ia hanamoa.

IEREMIA 6:1

Beniamina taudia e, Ierusalema dekena amo do umui heau mauri! Tekoa dekenai kibi do umui hiriria! Bete Hakereme dekenai pepe do umui abia isi! Badina be dika bada, be mirigini kahana dekena amo ia mai noho. Hanua ena gau ibounai hadikaia ore kara, be kahirakahira do ia vara.