NEHEMIA 2:8 - Buka Helaga (Hiri Motu) 1993

⁸ Bona revareva ta danu, Asapa, king ena uda naria tauna dekenai, vadaeni ia ese au do ia henia, Dubu Helaga ena kohoro ena ikoukou, bona hanua ena magu, bona lau do lau noholaia ruma haginia gaudia.” Vadaeni king ese lau noia gaudia ibounai lau dekenai ia henia, badina be Dirava ese iena durua namona lau dekenai ia henia dainai.

NEHEMIA 2:8 Iomraidhean Croise

GENESE 32:28

Inai Tau ma ia gwau, “Harihari ia lao bona hanaihanai oiemu ladana be Iakobo lasi, oiemu ladana be Israela, badina be Dirava danu bona taunimanima danu oi rosia helulu, daika do ia kwalimu totona, bona oi ese oi kwalimu vadaeni.”

ESERA 5:5

To Iuda ena lohia taudia be edia Dirava ese idia ia naria noho, vadaeni Parasa lohia taudia ese edia gaukara idia hadokoa lasi. Badina idia gwau revareva ta Dariuse dekenai do idia siaia guna, iena oda do idia diba totona.

ESERA 6:22

Dina 7 lalonai idia ese mai hatubua gauna lasi paraoa idia ania, mai moale danu, badina be Lohiabada ese ia hamoaledia. Idia moale danu, badina be Lohiabada ese Asuria ena king, Parasa tauna, ena lalona ia ania, vadaeni ia ese Dirava, Israela ena Dirava, ena Dubu Helaga haginia lou gaukara dekenai ia durua.

ESERA 6:8

Inai danu, lau ese umui lau oda henia, edia Dubu haginia totona Iuda taudia do umui durua. Dubu haginia gaukara ena davana be dina ta ta ibounai do umui henia, vadaeni gaukara do ia metaira lasi. Inai moni be emui Euperate Sinavai kahana taudia dekena amo takisi dekenai do umui gogoa.

ESERA 7:6

Inai Esera be Babulonia dekena amo Ierusalema dekenai ia daekau mai. Ia be hadibaia tauna ta, bona ia be Mose dekenai Lohiabada, Israela ena Dirava ese ia henia Taravatu ia diba momokani. King Aratasaseta ese Esera ena ura ibounai ia karaia, badina be Lohiabada, iena Dirava be Esera dekenai ia noho.

ESERA 7:9

Esera be hua namba 5 ena dina ginigunana dekenai Ierusalema dekenai ia ginidae.

NEHEMIA 7:2

lau ese egu tadina Hanani bona kohoro ena biaguna Hananaia lau abia hidi, Ierusalema naria gaukara do idia karaia totona. Hananaia be abidadama tauna bona Dirava ia gari henia tauna, bona iena kara maoromaoro ese taunimanima momo edia kara maoromaoro ia hereaia.

AONEGA HEREVADIA 21:1

Lohiabada ese king ena lalona ia biagua noho, Lohiabada ese ia hakaua noho, ia ese sinavai ena ranu ia haheaua noho hegeregerena.

HADIBAIA TAUNA 2:5

Uma ma haida danu lau karaia, bona huahua audia idauidau be unai uma lalonai lau hadoa.

HADIBAIA TAUNA 2:6

Lau ese ranu gabudia lau geia egu uma huahua audia do lau hapariparia totona.

ISAIA 66:14

Inai kara umui itaia neganai, emui kudoudia do idia moale, bona emui tauanidia do idia goada lao, rei matamata bamona. Vadaeni taunimanima be do idia diba Lohiabada ese, iena hesiai taudia ia durua noho. To lau Lohiabada ese lau idia tuari henia gwauraia taudia, do lau badu henidia.”

DANIELA 1:9

Dirava ese lalo namo ia henia Asipenasa dekenai, vadaeni ia ese Daniela dekenai ia bogahisihisi henia.

APOSETOLO EDIA KARA 26:22

To Dirava dekena amo durua lau davaria, unai negana ia mai bona harihari. Bona inai dainai iniseni lau gini, taunimanima ibounai dekenai lau haroro, maragidia bona badadia. Lau be idau hereva lau gwauraia lasi, lau be peroveta taudia bona Mose, guna idia ese idia hereva gaudia sibona lau gwauraia noho.

APOSETOLO EDIA KARA 7:10

Bona Dirava ese Iosepa ena hisihisi ibounai dekena amo ia hamauria, bona toana namo bona aonega Iosepa dekenai ia henia, Farao, Aigupito ena king ena vairanai. Vadaeni Farao ese Iosepa dekenai siahu ia henia, ia be Aigupito ena gavana badana, bona Farao ena ruma taudia edia lohia.

2 KORINTO 8:16

Dirava lau hanamoa, badina be ia ese Tito ena kudouna dekenai ia gaukara, vadaeni Tito ena laloa umui dekenai be lauegu laloa hegeregerena. Ia danu ese umui ia lalokau henia.