NEHEMIA 2:7 - Buka Helaga (Hiri Motu) 1993

⁷ Vadaeni king dekenai ma lau nanadaia, lau gwau, “Bema oi ura neganai, mani revareva haida do oi torea, Euperate Sinavai ena dina diho kahana ena gavana taudia dekenai do lau henia totona. Unai neganai idia ese gwaumaoro do idia henia, lau ese tano do lau raka hanaia ela bona Iuda do lau abia.

NEHEMIA 2:7 Iomraidhean Croise

ESERA 6:6

Vadaeni king Dariuse ese Parasa taudia edia revareva davana ia siaia, ia gwau, “Tatenai, Euperate Sinavai ena dina diho kahanai ena gavana, bona Setara Bosenai, mai emui tau badadia danu Euperate ena dina diho kahana dekenai umui noho taudia e, umui kamonai:

ESERA 7:21

“Inai danu, lau king Aratasaseta ese moni naria taudia ibounai Euperate Sinavai ena dina diho kahanai lau oda henia inai: Gau ibounai hahelagaia tauna Esera, Guba ena Dirava ena Taravatu hadibaia tauna ese umui dekenai ia gwauraia gaudia, be do umui henia haraga.

ESERA 8:22

Sedira bema Parasa king lau noia neganai, ia ese tuari taudia bona hosi guia taudia ai danu do ia siaia, ai hadikaia gwauraia taudia dekena amo do idia gimaia totona. To ia dekenai noia totona lau hemarai, badina ai ese nega ta king ai hamaoroa, ai gwau, “Aiemai Dirava ese ia dekenai idia abidadama henia taudia ia hanamodia noho, to ia dekena amo idia raka siri taudia dekenai ia badu, mai siahu danu.”

ESERA 8:36

Hahelagaia taudia ese danu Parasa ena king ese ia henidia oda pepa be Euperate Sinavai ena dina diho kahana basileia ena gavana bona lohia taudia dekenai idia henia. Bona unai dainai inai lohia taudia ese Iuda taudia, bona Dubu Helaga tomadiho gaukara idia durua.

NEHEMIA 2:9

King ese tuari lohia taudia, bona hosi guia taudia lau dekenai ia siaia, vadaeni Euperate Sinavai dina diho kahanai gavana taudia dekenai lau ginidae, revareva lau henia.

NEHEMIA 3:7

Idia edia badibadinai, Melataia, Gibeona tauna, bona Iadono, Meronoto tauna, bona Gibeona bona Misipa taudia ese magu idia hanamoa. Inai be Euperate Sinavai ena dina diho kahana basileia ena siahu henunai idia noho taudia.