NEHEMIA 2:6 - Buka Helaga (Hiri Motu) 1993

⁶ Vadaeni king ese lau dekenai ma ia nanadaia, iena adavana, kwini, be iena badinai ia helai noho neganai, ia gwau, “Bema oi lao neganai, edena negai do oi giroa mai?” Lau ese lauegu lou negana lau hamaoroa, bona king ena lalona ia hegeregere vadaeni lau do ia siaia.

NEHEMIA 2:6 Iomraidhean Croise

NEHEMIA 1:11

Lohiabada e, mani emu kara lauegu guriguri do oi kamonai, oiemu hesiai taudia, oi dekenai idia mataurai henia taudia, edia guriguri danu do oi kamonai. Hari dina dekenai lau dekenai kwalimu do oi henia. King Aratasaseta ena lalona do oi veria, vadaeni ia ese lau dekenai bogahisihisi do ia henia.” Madi, unai dinadia neganai, lau be king Aratasaseta ena uaina kapusi naria tauna.

NEHEMIA 13:6

Unai kara ia vara neganai, lau Nehemia be Ierusalema dekenai lau noho lasi, badina unai be Aratasaseta, Babulonia ena king ena lohia lagani namba 32, bona ia dekenai lau lao, egu repoti ia dekenai henia totona. Dina haida idia lao murinai, lau ese king lau noia, bona ia ese gwaumaoro ia henia,

NEHEMIA 2:4

Vadaeni king ese lau ia nanadaia, ia gwau, “Oiemu noinoi be dahaka?” Unai dainai lau be Guba ena Dirava dekenai lau guriguri.

NEHEMIA 2:5

Unai murinai king dekenai lau haere, lau gwau, “King badana e, bema oi laloa ia hegeregere neganai, bona bema lau dekenai oi laloa namo neganai, mani lau do oi siaia, Iuda dekenai do lau lao. Unuseni lauegu sene taudia idia guria vadaeni, bona lau ura unai gabu do lau haginia lou.”

NEHEMIA 5:14

Lau be Iuda tano ena gavana lagani 12 lalonai, bona unai nega lalonai, king Aratasaseta ena lohia lagani namba 20 ela bona ena lohia lagani namba 32 neganai, lau bona egu tadikakana ese gavana ibounai idia abia aniani ai ania lasi.

ISAIA 58:12

Emui bese taudia ese, emui hanua gunadia, idia hadikaia gaudia, do idia haginia lou, edia badina nadidia gunadia edia latanai. Taunimanima ese umui do idia herevalaia, do idia gwau, ‘Inai taudia ese magu gunadia idia haginia lou, bona idia ese, haida idia hadikaia guna rumadia idia haginia lou.’ ”

ISAIA 61:4

Ma inai taudia ese, idaunegai idia dika hanua bona ruma be do idia haginia lou.

ISAIA 65:24

Idia edia noinoi hereva lau dekenai idia do haorea lasi neganai, lau ese unai noinoi do lau kamonai henia.

DANIELA 9:25

“Inai oi laloa namonamo: Ierusalema haginia lou herevana idia gwauraia ela bona Mesia ia ginidae be lagani ibounai 483 be do idia ore. Ierusalema ena ariara bona magu badadia do idia karaia lou, to nega dika lalonai do idia karaia.