NEHEMIA 2:20 - Buka Helaga (Hiri Motu) 1993

²⁰ Vadaeni lau haere, lau gwau, “Guba ena Dirava ese ai dekenai kwalimu do ia henia. Ai be iena hesiai taudia, bona haginia gaukara do ai karaia. To umui be Ierusalema ena tano dekenai mai emu maoro ta lasi, bona inai gabu dekenai mai emui siahu ta lasi.”

NEHEMIA 2:20 Iomraidhean Croise

2 SIVARAI 26:5

Usaia ese Sekaraia ena nega lalonai Lohiabada ia tahua hamatamaia. Sekaraia ese Dirava gari henia dalana be Usaia dekenai ia hadibaia. Bona Usaia ese Lohiabada ia tahua negadia ibounai lalonai, Dirava ese ia durua, bona iena mauri ia hanamoa.

ESERA 4:3

To Serubabele bona Iosua bona Israela iduhu lohia taudia ese idia haere, idia gwau, “Ai ese ai karaia noho Dubu, aiemai Dirava ena, be emui gaukara lasi. Ai Israela taudia sibona ese do ai haginia, Lohiabada, Israela ena Dirava, ena, king Sairasi, Parasa ena king, ese ai dekenai ia oda henia hegeregerena.”

NEHEMIA 1:4

Unai bamona lau kamonai neganai, lau helai diho, bona lau tai. Dina haida lau taitai, bona aniani lau ania lasi, bona Guba ena Dirava dekenai lau guriguri.

NEHEMIA 2:4

Vadaeni king ese lau ia nanadaia, ia gwau, “Oiemu noinoi be dahaka?” Unai dainai lau be Guba ena Dirava dekenai lau guriguri.

ESETA 4:11

“Lau be hegeregere lasi king dekenai do lau raka vareai. Bema king ese tau ta ia boiria mai, unai tau be king ena daiutu lalonai do ia vareai. Bema lasi neganai, bona tau ta ia vareai kava, unai tau be do idia alaia mase. King ena hesiai taudia bona iena basileia taudia ibounai inai taravatu idia diba. To inai taravatu koua totona dala be tamona sibona. Bema king ese iena dagi auna, golo gauna, be tau ta dekenai ia duduia neganai, unai tau be do ia mauri. To dina 30 idia lao vadaeni, bona idia ese lau idia boiria lasi, king dekenai do lau raka vareai totona.”

SALAMO 102:17

Ia ese iena bese ena ogogami taudia edia guriguri, be do ia kamonai, bona edia noinoi do ia laloa.

SALAMO 122:6

Ierusalema ena maino totona do umui guriguri. Lau ura Ierusalema idia ura henia taudia, be do idia noho mai maino danu.

SALAMO 20:5

Oiemu kwalimu dainai, ai be mai moale bada danu do ai boiboi, bona Dirava ena ladana dainai, aiemai pepe do ai abia isi. Lohiabada ese oiemu noinoi ibounai, edia anina be oi dekenai do ia havaraia.

SALAMO 35:27

To lau idia gwauraia maoro, bona idia ura kota do lau uini taudia, be mani emu kara, mai moale bada danu do idia boiboi, do idia gwauraia lou, gwauraia lou, “Lohiabada be namo bada herea momokani, ia ese iena hesiai tauna ia hanamoa noho, mai ena moale bada danu!”

SALAMO 51:18

Dirava e, Siona taudia dekenai do oi bogahisihisi, bona oi ese idia do oi durua. Ierusalema hanua ena magu do oi haginia lou.

ESODO 28:29

“Arona be Helaga Herea Gabuna ia raka vareai neganai, inai kemena dabua, Israela ena iduhu edia ladana ia torea gauna, do ia kwatua. Vadaeni inai dekena amo lau Lohiabada ese egu bese do lau laloatao hanaihanai.

HADIBAIA TAUNA 7:18

To inai ruaosi, kara maoromaoro bada, bona kara dika bada, edia huanai, mai aonega danu do oi raka lao. Badina bema Dirava oi gari henia neganai, ia ese oi do ia hanamoa.

ISAIA 56:5

emui ladadia be egu Dubu Helaga lalonai do idia laloatao nega daudau, bona egu bese taudia ese umui do idia hanamoa bada, to idia ese mai edia natudia taudia do idia hanamoa sisina. Emui ladadia be do idia noho hanaihanai, do idia laloaboio diba lasi momokani.”

LEVITIKO 2:2

Vadaeni Arona ena natuna tau dekenai do ia mailaia. Unai neganai unai hahelagaia tauna ta ese iena imana dekenai paraoa mai ena olive dehoro sisina, bona bonana namona muramura ena pauda ibounai do ia abia, bona unai gau toi be boubou patana ena latanai do ia gabua ore. Unai be Lohiabada dekenai henia ena toana. Unai boubou idia gabua ena bonana be namo herea Lohiabada dekenai.

LEVITIKO 24:7

Inai laini ruaosi edia badinai muramura mai bonana pauda namona momokani do oi atoa. Inai bonana namona muramura be Lohiabada dekenai henia aniani boubouna ena toana, beredi ena gabu ia abia, bona Lohiabada dekenai inai pauda do oi gabua ore.

SEKARAIA 6:14

Unai korona be Lohiabada ena Dubu Helaga lalonai do ia noho, Heledai, Tobaisa, Iedaia bona Iosaia Sepanaia edia kara namo taunimanima ese do idia laloa lou totona.”

NUMERA 10:10

“Emui moale dinadia neganai danu, emui hua matamatana guriguri aria, bona emui guriguri aria haida dekenai danu, umui ese kibi do umui hiriria. Emui gabua ore bouboudia bona maino karaia bouboudia umui henia neganai danu kibi do umui hiriria. Unai neganai lau ese umui do lau laloa bona durua. Lau be Lohiabada, emui Dirava.”

APOSETOLO EDIA KARA 10:31

Ia gwau, ‘Korenelio e, oiemu guriguri be Dirava ese ia kamonai vadaeni, bona oiemu harihari gaudia be Dirava ese ia laloa noho.

APOSETOLO EDIA KARA 10:4

Korenelio ese aneru ia itaia mai gari bada danu, ia gwau, “Lohiabada e, dahaka?” Aneru ia itaia noho, ia gwau, “Oiemu guriguri bona oiemu harihari gaudia be Dirava dekenai idia daekau vadaeni, bona Dirava ese danu oi ia laloa noho.

APOSETOLO EDIA KARA 8:21

Inai gaukara dekenai oi be gabu lasi, badina be oiemu kudouna be maoro lasi Dirava ena vairanai.