NEHEMIA 2:19 - Buka Helaga (Hiri Motu) 1993

¹⁹ To Sanubalata, Horono tauna, bona Tobaia, Amono tau badana ta, bona Geseme, Arabia tauna, be idia kamonai, vadaeni ai dekenai idia kirikiri bona idia hereva dika, idia gwau, “Umui be dahaka umui karaia noho? Umui ese king Aratasaseta do umui dagedage henia, a?”

NEHEMIA 2:19 Iomraidhean Croise

NEHEMIA 13:28

Iehoiada ena natuna tau ta, hahelagaia tauna Eliasibi ena tubuna, be Sanubalata, Horono tauna, ena ravana maragina. Unai dainai lau ese Ierusalema dekena amo Iehoiada lau lulua siri.

NEHEMIA 2:10

To Sanubalata, Horono tauna, bona Tobaia, Amono tau badana ta, ese inai sivarai idia kamonai neganai, edia laloa be dika. Idia ura lasi tau ta ese Israela hanamoa totona do ia mai.

NEHEMIA 4:1

Ai Iuda taudia ese Ierusalema ena magu ai haginia sivarai be Sanubalata ia kamonai neganai, ia be ia badu momokani, vadaeni ia ese Iuda taudia ia kirikirilaia.

NEHEMIA 6:6

Revareva ena hereva anina be inai: “Bese idauidau edia huanai idia herevalaia noho, bona Geseme ese danu ia gwauraia noho, oi bona Iuda taudia ese do umui dagedage, bona unai dainai magu umui haginia noho, bona oi ura Iuda edia king dagi do oi abia.

NEHEMIA 6:9

Idia ibounai idia ura ai idia hagaria momokani, ai ese magu gaukara dekenai do ai manoka bona gaukara do ai hadokoa totona. Unai lau diba dainai lau ese lau gaukara goada momokani.

IOBU 30:1

Ma Iobu ia hereva, ia gwau, “To harihari egu mauri lagani henunai taudia, ese lau dekenai idia hevaseha noho. Edia tamadia be anina lasi taudia dainai, egu mamoe naria sisia naria taudia, edia gaukara karaia totona idia hegeregere lasi.

SALAMO 123:4

Nega daudau herea, be noho kava bona mai edia hekwarahi lasi taudia ese, ai idia hevaseha henia, bona hekokoroku taudia be mai dagedage danu, ai dekenai idia hereva dika vadaeni.

SALAMO 79:4

Ai idia hagegea noho idau bese taudia, ese ai idia hereva dika henia noho. Ai dekenai idia kirikiri, bona ai dekenai idia hevaseha noho.

SALAMO 80:6

Oi ese idau bese taudia oi koua lasi, vadaeni idia ese tuari idia karaia noho, aiemai tano do idia abia totona, bona ai dekenai idia tuari taudia ese, ai dekenai idia hereva dika henia noho.

SALAMO 80:7

Siahu Ibounai Dirava e, ai do oi abia dae lou! Ai dekenai do oi bogahisihisi, bona ai do oi durua, vadaeni mauri do ai davaria!

ISAIA 36:5

Oi gwau tuari ena dala oi diba, bona oi tuari goada diba, to oiemu hereva be anina lasi. Daika dekenai oi abidadama henia dainai lau dekenai oi dagedage noho?

IEREMIA 20:8

Lau ese oiemu hereva lau gwauraia negana ibounai, be lau boiboi, bona oi ese egu gadona oi habadaia, lau gwau, “Tuari ia mai noho! Umui ese dika do umui davaria!” Taunimanima ibounai ese, inai hereva idia kamonai neganai, lau idia hereva dika henia, bona lau idia hahemaraia noho.

IEREMIA 41:10

Vadaeni Isamaela ese Misipa dekenai idia noho taudia ibounai ia abia mauri, king ena natuna hahine ibounai, bona Misipa dekenai idia do noho taudia ibounai. Unai taudia be Nebusaradana, gima taudia edia biaguna ese Gedalaia Ahikama ena naria henunai ia atodia taudia ibounai. Isamaela Netanaia ese ia abidia mauri, bona idia danu ia toreisi, Amono taudia edia tano dekenai do idia hanaia gwauraia.

MATAIO 9:24

Vadaeni ia hamaorodia, ia gwau, “Ibounai umui raka siri murimuri dekenai, kekeni be ia mase lasi, inai be ia mahuta.” To idia ese idia kiri Iesu dekenai.

MAREKO 5:40

Idia kiri ia dekenai, to Iesu ese idia ibounai ia lulua murimuri dekenai. Unai kekeni ena tamana bona sinana, bona iena bamona taudia sibona, ia hakaua lao kekeni ia hekure gabunai.

LUKA 23:2

Ia dekenai idia samania hamatamaia, idia gwau, “Inai tau ai davaria, aiemai bese taudia dekenai ia hereva henia mai goada danu, Kaisara ena takisi moni henia totona ia gwauatao, bona sibona ia gwauraia ia be Keriso, king ta.”

IOANE 19:12

Unai hereva dainai Pilato ese Iesu ruhaia dalana ia tahua. To Iuda taudia be idia boiboi, idia gwau, “Unai tau bema oi ruhaia, oi be Kaisara ena turana lasi! Bema tau ta ia gwau ia be king, ia ese Kaisara ia hadikaia inai!”

APOSETOLO EDIA KARA 24:5

Inai tau Paulo ai davaria, ia be kerere havaraia tauna. Iuda taudia tanobada kahana ibounai dekenai, edia huanai heai ia havaraia noho. Bona ia be Nasareta orea edia gunalaia tauna.

HEBERU 11:36

Ma haida be idia dagedage henidia taudia ese idia kirikirilaidia, idia kwadidia, auri dekenai idia guidia, bona dibura ruma lalonai idia koudia.