NEHEMIA 2:18 - Buka Helaga (Hiri Motu) 1993

¹⁸ Lau hamaorodia danu, lauegu Dirava be lau dekenai ia noho, lau ia durua noho, namo do lau havaraia totona. King Aratasaseta ese lau dekenai ia hamaoroa gaudia danu, be idia dekenai lau hamaoroa. Vadaeni idia gwau, “Namona be ita toreisi, ita haginia lou.” Unai dainai unai gaukara namona idia hamatamaia.

NEHEMIA 2:18 Iomraidhean Croise

2 SAMUELA 2:7

Do umui goada, do umui boga auka. Emui king Saulo be ia mase, bona Iuda taudia ese edia king be lau idia halaoa vadaeni.”

1 SIVARAI 11:10

Davida ena goada taudia edia lohia taudia edia ladana be inai: Idia ese, bona Israela taudia ibounai ese Davida idia durua, king siahu do ia abia totona, Lohiabada ese ia gwauhamata hegeregerena. Davida ena basileia idia hagoadaia noho taudia be inai:

1 SIVARAI 19:13

Do umui gari lasi, do ita laloa goada, mai boga auka danu. Iseda bese dainai, bona iseda Dirava ena hanua ibounai dainai, do ita tuari auka momokani. Namona be Lohiabada ena ura do ia vara.”

2 SIVARAI 32:5

Hesekaia ese mai goada danu Ierusalema ena magu, idia makohia gabudia, ia haginia lou, bona kohoro haida be magu ena latanai ia haginia. Magu ena murimurinai danu be Hesekaia ese magu ta ma ia haginia, bona Milo ena kohoro ia ha-aukaia, Davida ena Hanua lalonai. Hesekaia ese danu tuari gaudia bona kesi momo herea ia karaia.

ESERA 6:22

Dina 7 lalonai idia ese mai hatubua gauna lasi paraoa idia ania, mai moale danu, badina be Lohiabada ese ia hamoaledia. Idia moale danu, badina be Lohiabada ese Asuria ena king, Parasa tauna, ena lalona ia ania, vadaeni ia ese Dirava, Israela ena Dirava, ena Dubu Helaga haginia lou gaukara dekenai ia durua.

NEHEMIA 2:8

Bona revareva ta danu, Asapa, king ena uda naria tauna dekenai, vadaeni ia ese au do ia henia, Dubu Helaga ena kohoro ena ikoukou, bona hanua ena magu, bona lau do lau noholaia ruma haginia gaudia.” Vadaeni king ese lau noia gaudia ibounai lau dekenai ia henia, badina be Dirava ese iena durua namona lau dekenai ia henia dainai.

EFESO 6:10

Lauegu hereva dokona be inai: Lohiabada ena siahu dekena amo do umui siahu, bona Lohiabada ena goada dekena amo do umui goada.

FILIPI 2:13

Badina be Dirava ese umui emui lalona dekenai ia gaukara noho. Ia ese ura namodia bona goada umui dekenai ia henia noho, vadaeni iena ura karadia do umui karaia.

1 SAMUELA 23:16

Unai neganai Saulo ena natuna Ionatana ia toreisi, Davida dekenai ia lao, Horese dekenai, ia ese Davida ena abidadama Dirava dekenai do ia hagoadaia totona.