NEHEMIA 2:17 - Buka Helaga (Hiri Motu) 1993

¹⁷ To hari idia dekenai lau hamaoroa, lau gwau, “Iseda hekwarahi umui itaia, Ierusalema be ia dika vadaeni, bona iena ikoukou be idia gabua ore. “Umui toreisi, namona be Ierusalema ena magu ita haginia lou, vadaeni iseda hemarai be do ia ore.”

NEHEMIA 2:17 Iomraidhean Croise

ESERA 9:9

Ai idia abia mauri mai guia danu, to oi ese ai oi rakatania lasi. Oi ese ai oi bogahisihisi henia, Parasa king edia vairana dekenai, vadaeni idia ese ai dekenai idia laloa namo, bona ai dekenai gwaumaoro idia henia oiemu Dubu Helaga, ia dika vadaeni gauna, do ai haginia lou totona. Lohiabada e, oi ese Iuda bona Ierusalema dekenai noho gabu namona ai dekenai oi henia vadaeni, bona ai oi gimaia noho.

NEHEMIA 1:3

Vadaeni idia ese lau idia hamaoroa, idia gwau, “Babulonia ena abia mauri dekena amo Iuda dekenai idia lao lou, bona Iuda tano idia do noho taudia be idia hekwarahi bada noho, bona idau bese taudia edia vairanai idia hemarai noho. Ierusalema ena magu be ia dika noho, bona magu ena iduara bona ikoukou be lahi ese ia araia ore vadaeni.”

NEHEMIA 2:13

Hanuaboi momokani neganai lau be Koura ena Ikoukou dekena amo hanua badana lau rakatania, Uda Sisia ena Ranu Guri, bona Kukuri ena Ikoukou lau itaia, Ierusalema ena magu ia makohia gauna danu lau itaia, bona magu ena ikoukou bona iduara, lahi ese ia gabua ore gaudia danu lau itaia.

NEHEMIA 2:16

Hanua ena tau badadia be edeseni lau lao, o dahaka lau karaia, idia diba lasi. Lau ese Iuda taudia bona hahelagaia taudia, bona hanua lohia taudia, bona tau badadia, bona dubu hanamoa diba gaukara taudia dekenai hereva ta lau gwauraia lasi.

NEHEMIA 3:15

Salumu Kolohose, Misipa tano ena lohia, ese Ranu Lohilohi ena Ikoukou ia hanamoa. Ia ese iduara ia haginidia lou, bona guhi danu Ikoukou ena ataiai ia atoa. Iduara ta ta lokaia totona auri badadia bona bolta danu ia karaia. Salumu ese danu Sela Ena Gohu dekenai ia noho magu, king ena uma badibadinai, ela bona Davida Ena Hanua dekena amo ia diho ena vadavada, ma ia haginia lou.

SALAMO 102:15

Bese idauidau ese Lohiabada ena ladana do idia gari henia. Tanobada ena king taudia ibounai ese, oiemu hairaina do idia matauraia.

SALAMO 44:13

Aiemai badibadinai noho taudia ese, oiemu kara ai dekenai idia itaia, bona ai dekenai idia hevaseha, bona ai idia kirikirilaia noho.

SALAMO 44:14

Oi ese ai oi hadikaia, vadaeni bese idauidau edia huanai aiemai sivarai be dika. Idia ese edia kwaradia kahana kahana dekenai idia giroagiroa, ai dekenai idia ura lasi ena toana.

SALAMO 79:12

Lohiabada badana e, unai idau bese taudia ese oi dekenai idia hereva dika. Edia dika davana be nega 7 idia dekenai do oi henia lou.

SALAMO 79:4

Ai idia hagegea noho idau bese taudia, ese ai idia hereva dika henia noho. Ai dekenai idia kirikiri, bona ai dekenai idia hevaseha noho.

IEREMIA 24:9

Lau ese idia edia latanai dika bada do lau havaraia dainai, tanobada basileia ibounai taudia be do idia gari bada herea. Taunimanima ese inai Iuda taudia dainai do idia kirikiri, bona do idia hevaseha henidia, do idia hereva dika henidia, bona edia bese ena ladana do idia hadikaia, do lau luludia lao gabudia ibounai edia lalonai.

LALOHISIHISI 2:2

Lohiabada ese Iuda dekenai noho hanua ibounai ia hadikaia ore, ia bogahisihisi henidia lasi. Iuda ena gabu aukadia, tuari dekena amo gimaia gabudia, be Lohiabada ese ia hamakohia vadaeni. Iuda basileia, mai ena lohia taudia danu, be tano dekenai ia hamorudia, mai edia hemarai bada danu.

LALOHISIHISI 3:51

Egu lalona ia hisihisi bada noho, badina lau itaia, egu hanua dekenai noho kekeni badadia, be madi dika idia davaria momokani vadaeni.

ESEKIELA 5:14

“Emui tano be anina lasi dika gabuna do lau halaoa, bona umui idia hagegea besedia dekena amo umui idia raka hanaia taudia ese umui do idia hereva dika henia momokani.

MIKA 7:11

Ierusalema taudia e, emui hanua magudia do umui haginia lou negana be do ia ginidae. Bona unai neganai, emui tano hetoa maka do idia abia lao, bona emui tano do idia habadaia.

1 SAMUELA 11:2

To Nahasa, Amono tauna ia haere, ia gwau, “Maino do ita karaia, to lau ese umui ibounai emui matana idibadia do lau kokia, vadaeni Israela ibounai ese hemarai do idia abia.”