NEHEMIA 2:13 - Buka Helaga (Hiri Motu) 1993

¹³ Hanuaboi momokani neganai lau be Koura ena Ikoukou dekena amo hanua badana lau rakatania, Uda Sisia ena Ranu Guri, bona Kukuri ena Ikoukou lau itaia, Ierusalema ena magu ia makohia gauna danu lau itaia, bona magu ena ikoukou bona iduara, lahi ese ia gabua ore gaudia danu lau itaia.

NEHEMIA 2:13 Iomraidhean Croise

2 SIVARAI 26:9

Inai danu, Usaia ese Ierusalema ena magu dekenai, kohoro bona gabu aukadia ia haginia, magu ena Kona Iduara bona Koura Iduara edia badibadinai, bona magu ena kona gabudia ibounai dekenai, tuari do ia vara neganai, do idia goada totona.

NEHEMIA 1:3

Vadaeni idia ese lau idia hamaoroa, idia gwau, “Babulonia ena abia mauri dekena amo Iuda dekenai idia lao lou, bona Iuda tano idia do noho taudia be idia hekwarahi bada noho, bona idau bese taudia edia vairanai idia hemarai noho. Ierusalema ena magu be ia dika noho, bona magu ena iduara bona ikoukou be lahi ese ia araia ore vadaeni.”

NEHEMIA 12:31

Lau Nehemia ese Iuda ena lohia taudia be magu ena latanai lau hakaudia daekau, bona lau oda henidia, idia ese orea badadia rua do idia gunalaia, ane abia taudia, hanua ena kahana ibounai do idia raka, bona mai ane danu Dirava do idia hanamoa. Orea ginigunana be idiba kahanai idia raka lao, magu ena latanai, ela bona Boromakau Kukuri ena Ikoukou.

NEHEMIA 2:12

Lau ese tau ta lau hamaoroa lasi Dirava ese Ierusalema hanamoa totona gaukara lau dekenai ia henia. Vadaeni hanuaboi neganai lau toreisi, ruma lau rakatania, lau bona tau haida lau danu. Aiemai guia gaudia be lasi, doniki tamona sibona, lau ese lau guia gauna.

NEHEMIA 2:15

Bona hanuaboi lalonai koura dekena amo ma lau lao, magu lau itaia, vadaeni lau giroa, Koura ena Ikoukou dekena amo, hanua badana ma lau raka vareai, lau giroa lou.

NEHEMIA 2:17

To hari idia dekenai lau hamaoroa, lau gwau, “Iseda hekwarahi umui itaia, Ierusalema be ia dika vadaeni, bona iena ikoukou be idia gabua ore. “Umui toreisi, namona be Ierusalema ena magu ita haginia lou, vadaeni iseda hemarai be do ia ore.”

NEHEMIA 2:3

vadaeni lau haere, lau gwau, “King do ia mauri hanaihanai! Lalohisihisi ena toana lau dekenai ia noho, ena badina be lauegu sene taudia edia guria gabuna ena hanua be ia dika, bona iena magu ena iduara bona ikoukou be lahi ese ia araia ore vadaeni.”

IEREMIA 5:10

“Lau ese tuari taudia do lau siaia, egu bese taudia edia vain umadia do idia utua diho, to do idia hadikadia ore lasi. Do lau oda henidia, idia ese vain rigidia do idia veria diho, badina idia be lau, Lohiabada, egu rigina lasi.