NEHEMIA 2:1 - Buka Helaga (Hiri Motu) 1993

¹ Hua 4 murinai, hua ladana Nisana lalonai, king Aratasaseta ia aniani neganai, lau ese uaina ia dekenai lau henia. To lauegu lalona ia hisihisi iena vairana dekenai, nega ta lau be unai bamona lasi.

NEHEMIA 2:1 Iomraidhean Croise

GENESE 40:11

Farao ena kapusi be lauegu imana dekenai, vadaeni vain ena huahua lau abidia, lau gigia, ranuna be Farao ena kapusi dekenai ia diho, vadaeni kapusi be Farao ena imana dekenai lau atoa.”

GENESE 40:21

Vadaeni uaina bubua memero ia naridia tauna ena dagi ia henia lou, ia ese kapusi Farao ena imana dekenai ma ia atoa.

ESERA 4:7

Ma danu, Aratasaseta be Parasa ena king neganai, Bisilama bona Miteredata bona Tabele, mai edia bamona taudia ese samania pepa ta king dekenai idia torea. Inai revareva be Arama ena revareva bona gado dekenai idia torea.

ESERA 7:1

Lagani haida murinai, Aratasaseta be Parasa ena king neganai, tau ta ladana Esera ia noho. Esera ena sene tauna be hahelagaia tauna, Arona. Esera be Seraia ena natuna. Seraia be Asaraia ena natuna, Asaraia be Hilekaia ena natuna.

ESERA 7:7

Vadaeni king Aratasaseta ena king lagani namba 7 lalonai, Esera bona Israela taudia haida be Babulonia dekena amo Ierusalema dekenai idia mai. Esera danu idia mai taudia be hahelagaia taudia, bona Levi taudia, bona Dubu ena ane abia taudia, Dubu iduara naria taudia, bona gaukara taudia haida.

NEHEMIA 1:1

Nehemia, Hakalaia ena natuna ese ia karaia karadia ena sivarai be inai: Aratasaseta ena king lagani namba 20, hua ladana Kisileve lalonai lau Nehemia, be Susa hanua badana dekenai lau noho.

NEHEMIA 1:11

Lohiabada e, mani emu kara lauegu guriguri do oi kamonai, oiemu hesiai taudia, oi dekenai idia mataurai henia taudia, edia guriguri danu do oi kamonai. Hari dina dekenai lau dekenai kwalimu do oi henia. King Aratasaseta ena lalona do oi veria, vadaeni ia ese lau dekenai bogahisihisi do ia henia.” Madi, unai dinadia neganai, lau be king Aratasaseta ena uaina kapusi naria tauna.

ESETA 3:7

King Ahasuero ena lohia lagani namba 12, hua ginigunana, hua ladana be Nisana, lalonai, Hamana ia oda henia, vadaeni iena vairana dekenai laki gadara ta, ladana Puru idia karaia. Inai bamona idia karaia, Hamana ese Iuda taudia do ia alaia mase ena dina namona bona hua namona, be do ia diba totona. Vadaeni unai laki dekena amo idia davaria dina namona be hua namba 12, ena ladana be Adara, ena dina namba 13.

DANIELA 9:25

“Inai oi laloa namonamo: Ierusalema haginia lou herevana idia gwauraia ela bona Mesia ia ginidae be lagani ibounai 483 be do idia ore. Ierusalema ena ariara bona magu badadia do idia karaia lou, to nega dika lalonai do idia karaia.