NEHEMIA 13:9 - Buka Helaga (Hiri Motu) 1993

⁹ Bona lau oda henia, unai daiutu be do idia hagoevaia. Vadaeni lau ese Dirava ena Dubu ena kohu be unai daiutu ena lalonai ma lau atodia lou, bona boubou paraoa bona muramura mai bonana danu.

NEHEMIA 13:9 Iomraidhean Croise

2 SIVARAI 29:5

Vadaeni Hesekaia ese idia dekenai ia hamaoroa, ia gwau, “Levi taudia e, lau dekenai umui kamonai! Umui ese sibona do umui hahelagaia, bona Lohiabada, emui sene taudia edia Dirava ena Dubu Helaga do umui hahelagaia. Gabu helagana idia hamiroa gaudia ibounai do umui abia lao murimurina dekenai.

NEHEMIA 10:37

“Ita ese danu lagani ta ta ibounai iseda uiti ena anina vara guna dekena amo karaia paraoa keke, be hahelagaia taudia, Dubu Helaga dekenai, do ita abia lao. Iseda uaina matamata, olive dehoro matamata, bona au huahua idauidau edia vara guna gaudia danu, idia dekenai do ita henia. “Iseda tano ena anidia danu do ita karoa, karoa 10, bona unai 10 dekena amo, karoa ta be iseda Dirava ena Dubu dekenai do ita abia lao, Levi taudia dekenai do ita henia.

NEHEMIA 12:45

Badina be idia ese Dirava ena hesiai gaukara idia karaia, bona hagoevaia karadia danu idia karaia Dirava ena oda hegeregerena. Levi ane abia taudia, bona iduara gimaia taudia ese danu edia gaukara idia karaia, king Davida bona iena natuna Solomona ese idia gwauraia hegeregerena.

ESEKIELA 40:38

Unai murimuri kahanai ia noho magu ese ia hagegea ariara gabuna dekenai daiutu ta ia noho, mirigini kahana magu iduara, lalona gauna, ena badibadinai. Inai daiutu ena iduara be magu iduara ena dehe lalonai ia vareai, bona inai ruma lalonai boromakau, mamoe bona gabua ore totona boubou gaudia idia huria.