NEHEMIA 13:6 - Buka Helaga (Hiri Motu) 1993

⁶ Unai kara ia vara neganai, lau Nehemia be Ierusalema dekenai lau noho lasi, badina unai be Aratasaseta, Babulonia ena king ena lohia lagani namba 32, bona ia dekenai lau lao, egu repoti ia dekenai henia totona. Dina haida idia lao murinai, lau ese king lau noia, bona ia ese gwaumaoro ia henia,

NEHEMIA 13:6 Iomraidhean Croise

ESERA 6:22

Dina 7 lalonai idia ese mai hatubua gauna lasi paraoa idia ania, mai moale danu, badina be Lohiabada ese ia hamoaledia. Idia moale danu, badina be Lohiabada ese Asuria ena king, Parasa tauna, ena lalona ia ania, vadaeni ia ese Dirava, Israela ena Dirava, ena Dubu Helaga haginia lou gaukara dekenai ia durua.

NEHEMIA 2:1

Hua 4 murinai, hua ladana Nisana lalonai, king Aratasaseta ia aniani neganai, lau ese uaina ia dekenai lau henia. To lauegu lalona ia hisihisi iena vairana dekenai, nega ta lau be unai bamona lasi.

NEHEMIA 5:14

Lau be Iuda tano ena gavana lagani 12 lalonai, bona unai nega lalonai, king Aratasaseta ena lohia lagani namba 20 ela bona ena lohia lagani namba 32 neganai, lau bona egu tadikakana ese gavana ibounai idia abia aniani ai ania lasi.

ESODO 32:1

Israela taudia idia itaia, Mose be ororo dekenai ia noho daudau herea, bona ia giroa mai haraga lasi. Vadaeni Arona dekenai idia haboua, idia hamaoroa, idia gwau, “Mose, Aigupito dekena amo ai ia hakaua tauna dekenai, be dahaka ia vara ai diba lasi. Unai dainai kaivakuku do oi karaia, ia ese ai do ia hakaua totona.”

MATAIO 13:25

To taunimanima idia mahuta neganai badu tauna ia mai, ava dikadia uiti edia huanai ia hadoa, vadaeni ia raka siri.