NEHEMIA 13:4 - Buka Helaga (Hiri Motu) 1993

⁴ Inai kara be do ia vara lasi neganai, hahelagaia tauna Eliasibi, Dubu Helaga ena kohu haboua daiutudia ia naria tauna, ese Tobaia danu ia turana karaia.

NEHEMIA 13:4 Iomraidhean Croise

NEHEMIA 12:10

Iosua be Ioiakimi ena tamana, Ioiakimi be Eliasibi ena tamana, Eliasibi be Ioiada ena tamana,

NEHEMIA 12:44

Unai dina dekenai tau haida idia abia hidi, kohu haboua daiutudia do idia naria totona. Inai daiutudia dekenai Dubu Helaga dekenai idia henia harihari gaudia, bona vara guna uiti bona au huahua, bona karoa 10 dekena amo karoa ta gaudia idia atoa. Unuseni hahelagaia taudia bona Levi taudia edia gaukara davana gaudia idia haboua, taravatu ese ia gwauraia gaudia, hanua ta ta edia biru gabudia idia havaraia hegeregerena. Iuda taudia ibounai ese hahelagaia taudia bona Levi taudia dekenai idia moale bada.

NEHEMIA 13:28

Iehoiada ena natuna tau ta, hahelagaia tauna Eliasibi ena tubuna, be Sanubalata, Horono tauna, ena ravana maragina. Unai dainai lau ese Ierusalema dekena amo Iehoiada lau lulua siri.

NEHEMIA 2:10

To Sanubalata, Horono tauna, bona Tobaia, Amono tau badana ta, ese inai sivarai idia kamonai neganai, edia laloa be dika. Idia ura lasi tau ta ese Israela hanamoa totona do ia mai.

NEHEMIA 3:1

Vadaeni Eliasibi, Hahelagaia Tauna Badana, bona iena hahelagaia taudia ese idia toreisi, magu ena Mamoe edia Iduara gabuna idia haginia. Iduara idia atodia haorea neganai idia hahelagaia. Ma magu idia haginia lao ela bona Tau 100 Edia Kohoro, bona Hananele Kohoro, bona inai danu idia hahelagaia.

NEHEMIA 6:1

Sanubalata, bona Tobaia, bona Geseme, Arabia tauna, bona ai idia hadikaia gwauraia taudia idia kamonai ai ese magu ai haorea, bona magu ena matu ibounai ai koua vadaeni. (To gau tamona unai neganai iduara lau haginidia haorea lasi.)