NEHEMIA 13:3 - Buka Helaga (Hiri Motu) 1993

³ Israela taudia ese inai taravatu buka ena hereva idia kamonai neganai, idia ese idau bese taudia dekena amo idia vara taudia be Israela ena hebou dekena amo idia atoa siri.

NEHEMIA 13:3 Iomraidhean Croise

ESERA 10:11

Unai dainai, emui kerere be Lohiabada, emui sene taudia edia Dirava, ena vairanai do umui gwauraia hedinarai, bona iena ura do umui karaia. Inai tano idia noho idau bese taudia dekena amo do umui raka siri, bona bema idau bese hahine umui adavaia vadaeni, umui ese idia do umui atoa siri.”

ESERA 9:2

Iuda taudia ese idau bese hahine idia adavaia noho, bona unai dainai Dirava ena bese helagana be inai tano taudia danu idia mikisi hebou. Bona inai kara dika idia karaia guna taudia be lohia taudia bona taunimanima gunalaia taudia.”

NEHEMIA 10:28

“Ita, Israela bese taudia hahelagaia taudia, Levi taudia, Dubu Helaga gimaia taudia, Dubu Helaga ane abia taudia, Dubu Helaga ena hesiai taudia, bona Dirava ena Taravatu hegeregerena, inai tano dekenai noho idau bese taudia dekena amo ita raka siri noho taudia, bona iseda adavadia bona iseda natudia, mai edia aonega hegeregerena ibounai ese,

NEHEMIA 9:2

Israela taudia be idau bese taudia ibounai dekena amo idia raka siri vadaeni. Edia kwarana dekenai kahu idia negea, edia lalohisihisi hedinaraia totona. Unai neganai danu idia gini, edia kara dika, bona edia sene taudia edia kara dika idia gwauraia hedinarai.

SALAMO 119:11

Oiemu hereva be egu kudouna lalonai lau hunia noho, oi dekenai do lau kara dika lasi totona.

SALAMO 119:9

Uhau tauna be edena bamona mai goevagoeva danu do ia noho? Ia ese oiemu taravatu do ia kamonai henia.

ESODO 12:38

Orea idauidau taudia momo herea danu ese idia bamoa lao, mai mamoe bona nani bona boromakau momo herea danu.

AONEGA HEREVADIA 6:23

Badina edia oda be lamepa bamona, bona edia hadibaia hereva be diari, bona edia matakani be mauri dalana.

NUMERA 11:4

Bona idau taudia, idau bese taudia haida, be Israela taudia danu idia laolao hebou. Inai taudia be vamu idia ura henia dikadika dainai idia maumau. Unai dainai Israela taudia danu idia taitai hamatamaia lou, idia gwau, “Vamu be edeseni do ita abia?

ROMA 3:20

Badina be Dirava ena vairanai tau ta lasi be maoromaoro Taravatu ia badinaia dekena amo. Lasi, to Taravatu ena gaukara korikori be inai: Ia ese taunimanima dekenai ia hadibaia idia be dika vadaeni.

IAMESI 1:27

To Keristani tauna ena kara goevagoeva bona momokani, Tamana Dirava ena vairanai be inai: Bema tamana bona sinana lasi maragidia bona vabu be mai edia hisihisi, ia ese do ia naridia. Bona tanobada ena kara mirodia dekena amo do ia raka siri.