NEHEMIA 13:26 - Buka Helaga (Hiri Motu) 1993

²⁶ Idia dekenai lau hamaoroa, lau gwau, “Solomona, Israela ena king, be unai bamona hahine dainai ia kerere, ani? Bese momo edia huanai Solomona sibona be namo herea, king ta ia hegeregerena lasi. Dirava ese Solomona ia lalokau henia, bona Dirava ese Israela ena kahana ibounai ena king ia halaoa. To Solomona ese kara dika dekenai ia moru, idau bese hahine taudia dainai.

NEHEMIA 13:26 Iomraidhean Croise

1 KING TAUDIA 21:25

Ahaba ese sibona ia hoia momokani, Lohiabada ena vairanai kara dika do ia karaia totona. Tau ta ese guna unai bamona ia karaia lasi, Ahaba hegeregerena. Ahaba ese unai bamona ia karaia, badina be iena adavana Iesebele ese Ahaba ena lalona ia veria dainai.

1 KING TAUDIA 3:12

Unai dainai lau ese oiemu noinoi hegeregere do lau karaia. Lau ese aonega bona diba bada oi dekenai do lau henia. Tau ta be oi hegeregere ia hedinarai lasi guna, bona oiemu mauri dinadia murinai danu be tau ta oi hegeregere do ia hedinarai lasi.

1 KING TAUDIA 3:13

Bona oi noia lasi gaudia danu oi dekenai do lau henia: Kohu momo bona hemataurai. Unai dainai king ta be oi danu do ia hegeregere lasi, oiemu mauri dinadia ibounai lalonai.

1 KING TAUDIA 4:1

King Solomona be Israela ena kahana ibounai ena king.

2 SIVARAI 1:12

Unai dainai aonega bona diba bada be oi dekenai do lau henia. Ma danu lau ese kohu momo, bona taunimanima edia mataurai be oi dekenai do lau henia. Momokani lau gwau, king ta lasi, oi do vara lasi negana king ta, o oiemu murinai do ia vara king ta, ese do oi abia kohu bona mataurai hegeregerena do ia davaria diba lasi.”

2 SIVARAI 9:22

King Solomona ese kohu momo dekenai bona aonega dekenai king ibounai ia hereaia momokani.

AONEGA HEREVADIA 31:3

Oiemu goada be hahine dekenai, sihari henidia totona do oi haorea lasi. Hahine unai bamona ese, king taudia idia hadikaia ore vadaeni.

HADIBAIA TAUNA 7:26

Vadaeni gau ta ena mamina ena dika, ese mase ena mamina ena dika ia hanaia. Unai gau be hahine ta, ia ese lalokau ia henia gwauraia, to ia be tarapu, o reke ta bamona. Bona iena imana ese oi do idia rosia, seini ese oi do ia kwatua bamona. Tau ta bema ia ese Dirava ia hamoalea neganai, ia ese unai hahine dekena amo do ia heau mauri. To kara dika tauna, be unai hahine ese do ia abia, bona guia.