NEHEMIA 13:25 - Buka Helaga (Hiri Motu) 1993

²⁵ Lau ese unai Iuda taudia lau gwau henia, lau hereva dika henidia, bona edia huina lau veria murimuri dekenai. Unai neganai lau oda henia, idia ese Dirava ena ladana dekenai do idia gwauhamata, idau bese hahine do idia adavaia lou lasi, bona idia ese edia natudia tau be idau bese taudia edia natudia hahine dekenai headava totona do idia henia lasi momokani. Bona idia ese idau bese taudia edia natudia tau be do idia abia lasi edia natudia hahine adavaia totona.

NEHEMIA 13:25 Iomraidhean Croise

2 KING TAUDIA 2:24

Elisaia ese iena vairana ia giroa, vadaeni Lohiabada ena ladana dekenai, unai memero ia gwauraia dika. Vadaeni bea hahine rua be uda dekena amo idia raka mai, memero 42 idia alaia mase.

ESERA 10:5

Vadaeni Esera ia toreisi, ia ese hahelagaia taudia bona Levi taudia edia gunalaia taudia, bona Israela taudia ibounai ia oda henia, Sekanaia ia gwauraia karana karaia totona do idia gwauhamata. Bona idia ese unai bamona idia gwauhamata.

ESERA 7:26

Bema tau ta ese oiemu Dirava ena Taravatu, o king ena taravatu ia kamonai lasi neganai, iena kerere davana do oi henia haraga. Oi ese iena kerere davana, mase oi gwauraia diba, o iena tano dekena amo do oi siaia lao, idau tanobada ta dekenai do ia noho, o iena kohu do oi kokia lao, o dibura ruma dekenai do oi atoa, ia noho.”

NEHEMIA 13:11

Unai dainai lau ese lohia taudia lau gwau henia, lau gwau, “Badina dahaka Dubu Helaga ena gaukara umui durua lasi?” Unai neganai Levi taudia bona ane abia taudia be Dubu Helaga dekenai lau abia mai lou, bona edia gaukara ta ta lau henidia lou.

NEHEMIA 13:17

Vadaeni Iuda ena lohia taudia lau gwau henia, lau gwau, “Inai kara dika be dahaka dainai umui karaia noho, Sabati Dina umui hadikaia noho?

NEHEMIA 13:24

Idia edia natudia orea kahana be Asadoda gado o gado ta idia hereva, to Iuda gado idia hereva diba lasi.

NEHEMIA 5:13

Vadaeni lau ese egu rami be edia vairana dekenai lau davea, lau gwau, “Inai gwauhamata do idia hamomokania lasi taudia ibounai be Dirava ese edia ruma dekena amo, bona edia gaukara dekena amo, unai bamona do ia negedia ore. Dirava ese unai bamona tauna do ia negea bona bubua momokani, bona ia be gau anina lasi!” Unai neganai hebou taudia ibounai ese “Amen” idia gwauraia, bona Lohiabada idia hanamoa. Bona taunimanima ese edia gwauhamata hegeregerena idia karaia.

NEHEMIA 5:6

Lau Nehemia ese edia maumau bona edia hereva lau kamonai neganai lau be badu momokani.

SALAMO 119:53

Lau ese dika taudia lau itaia, idia ese oiemu taravatu idia utua noho. Unai lau itaia neganai egu lalona ia badu momokani.

SALAMO 15:4

Ia ese, Dirava ese ia negea tauna ia ura lasi, to ia ese, Dirava idia gari henia taudia ia hanamoa noho. Sedira ia ese do ia davaria, iena gwauhamata hereva do ia badinaia, be auka herea, to ia be idau lasi, do ia badinaia noho.

ESODO 34:16

Bona Israela taudia edia natudia tau ese unai bese idauidau hahine do idia adavaia lasi. Badina unai hahine ese edia dirava idia tomadiho henia neganai, unai Israela taudia ese lau do idia rakatania, vadaeni edia adavana edia dirava do idia tomadiho henia garina.

AONEGA HEREVADIA 28:4

Bema taravatu oi rakatania, oi ese kara dika taudia oi hanamoa noho, to taravatu oi badinaia neganai, oi ese kara dika taudia oi heatu henidia noho.

ISAIA 50:6

Egu doruna idia botaia taudia dekenai lau koua gwauraia lasi, bona idia ese lau idia hereva dika henia neganai, edia hereva lau hadokoa gwauraia lasi. Idia ese egu auki huina idia veria, bona egu vairana dekenai idia kanudia neganai, lauegu vairana lau hunia lasi.

DEUTERONOMI 6:13

“Lohiabada emui Dirava dekenai do umui gari, iena gaukara do umui karaia, bona iena ladana dekenai emui gwauhamata do umui karaia.

DEUTERONOMI 7:3

Unai bese taudia ta do umui adavaia lasi, umui emui natudia kekeni be edia uhau taudia dekenai do umui henidia lasi, bona edia natudia kekeni do umui abidia lasi emui uhau totona.

IOSUA 23:12

Badina be bema Lohiabada dekena amo umui raka siri, bona inai idau bese taudia, emui huanai do noho taudia danu bema umui turana karaia, bona idia danu umui headava neganai,