NEHEMIA 13:16 - Buka Helaga (Hiri Motu) 1993

¹⁶ Turo taudia, Ierusalema dekenai idia noho, ese gwarume bona hoihoi gaudia idauidau be hanua badana lalonai idia abia vareai, Sabati Dina dekenai Iuda taudia dekenai bona Ierusalema lalonai idia hoia.

NEHEMIA 13:16 Iomraidhean Croise

NEHEMIA 13:15

Unai neganai lau ese Iuda lalonai taunimanima haida lau itaia, idia ese vain huahua be Sabati Dina dekenai idia moia, bona iuti bona bali idia haboua, bona haida ese uaina, vain huahuadia, fig huahuadia, bona kohu haida danu doniki edia doruna latanai idia atoa, Ierusalema dekenai idia abia vareai. Lau ese idia lau sisiba henia, Sabati Dina dekenai gau ta do idia hoia lasi.

NEHEMIA 13:17

Vadaeni Iuda ena lohia taudia lau gwau henia, lau gwau, “Inai kara dika be dahaka dainai umui karaia noho, Sabati Dina umui hadikaia noho?

ESODO 20:10

To dina namba 7 be laga-ani ena dina, Lohiabada emui Dirava ena. Unai dina dekenai do umui gaukara lasi, umui o emui natudia, o emui hesiai tauna, o emui hesiai hahine, o emui boromakau, o idau tauna emui hanua dekenai ia noho.

ESODO 23:12

“Dina 6 do umui gaukara, to dina namba 7 ena lalonai do umui gaukara lasi. Inai dekena amo emui boromakau bona emui doniki danu do idia laga-ani, bona emui hesiai taudia davana lasi, bona emui huana dekenai noho idau tauna be idia laga-ani dainai, edia goada do idia abia lou.

DEUTERONOMI 5:14

To dina namba 7 be Sabati Dina helagana, Lohiabada emui Dirava ena. Unai dina dekenai do umui gaukara lasi, umui o emui natuna, o emui hesiai tauna, o emui hesiai hahine, o emui boromakau, o emui doniki, o emui ubua gauna ta, o idau tauna emui hanua dekenai ia noho. Badina emui hesiai tauna bona emui hesiai hahine be do idia laga-ani danu, umui ese umui laga-ani hegeregerena.