NEHEMIA 13:15 - Buka Helaga (Hiri Motu) 1993

¹⁵ Unai neganai lau ese Iuda lalonai taunimanima haida lau itaia, idia ese vain huahua be Sabati Dina dekenai idia moia, bona iuti bona bali idia haboua, bona haida ese uaina, vain huahuadia, fig huahuadia, bona kohu haida danu doniki edia doruna latanai idia atoa, Ierusalema dekenai idia abia vareai. Lau ese idia lau sisiba henia, Sabati Dina dekenai gau ta do idia hoia lasi.

NEHEMIA 13:15 Iomraidhean Croise

2 SIVARAI 24:19

Lohiabada ese peroveta taudia idia dekenai ia siaidia, edia sisiba do idia kamonai, bona ia dekenai do idia giroa lou totona. To taunimanima ese peroveta taudia edia sisiba hereva idia kamonai henia lasi.

NEHEMIA 10:31

“Bona bema idau bese taudia ese Sabati Dina o dina helagana ta dekenai kohu o uiti idia mailaia, do ita hoia totona, ita ese do ita hoia lasi. “Lagani namba 7 ibounai lalonai uma anina do ita haboua lasi, bona iseda heniatorehai ibounai do ita gwauatao, bona laloaboio ore.

NEHEMIA 10:32

“Ita gwauhamata danu inai, lagani ta ta ibounai ita ta ta ese siliva ena metau 5 garam be Dubu Helaga ena gaukara totona do ita henia.

NEHEMIA 13:16

Turo taudia, Ierusalema dekenai idia noho, ese gwarume bona hoihoi gaudia idauidau be hanua badana lalonai idia abia vareai, Sabati Dina dekenai Iuda taudia dekenai bona Ierusalema lalonai idia hoia.

NEHEMIA 13:21

To lau ese idia lau sisiba henia, lau gwau, “Badina dahaka magu ena vairanai umui kamepa noho? Unai kara do umui karaia lou neganai lau ese umui do lau dogoatao bona guia.” Unai murinai idia be Sabati Dina dekenai idia mai lou lasi.

NEHEMIA 9:29

Oi ese idia oi sisiba henia, oiemu Taravatu do idia kamonai henia totona, to idia be hekokoroku, oiemu oda idia badinaia lasi. Oiemu Taravatu badinaia dalana be mauri dalana, to idia ese mai laloa auka danu, oiemu ura idia karaia lasi, oiemu Taravatu idia kamonai henia lasi.

IOBU 39:12

Oi abidadama henia, oi laloa ia be do ia giroa mai, bona oiemu uiti, be uiti kwadia gabuna dekenai do ia mailaia, a?

SALAMO 50:7

“Egu bese taudia e, do umui kamonai, bona do lau hereva. Israela e, lau ese oi do lau samania. Lau be Dirava, emui Dirava.

ESODO 31:12

Lohiabada ese Mose ia oda henia, ia gwau,

ESODO 31:16

Israela taudia ese inai Sabati Dina do idia matauraia ela bona hanaihanai, badina ia be umui ese lau danu gwauhamata taravatuna umui karaia ena toana.

ESODO 34:21

“Dina 6 do umui gaukara, to dina namba 7 be do umui laga-ani. Uma karaia totona tano makohia neganai, bona anina haboua neganai danu, be dina namba 7 dekenai do umui laga-ani.

ESODO 35:2

Pura ibounai lalonai dina 6 do umui gaukara, to dina namba 7 be do ia helaga. Ia be Dina Helagana bona laga-ani ena dina, lau Lohiabada egu dina. Bema tau ta be unai dina dekenai ia gaukara neganai ia be do umui alaia mase.

AONEGA HEREVADIA 28:4

Bema taravatu oi rakatania, oi ese kara dika taudia oi hanamoa noho, to taravatu oi badinaia neganai, oi ese kara dika taudia oi heatu henidia noho.

ISAIA 58:13

Lohiabada ia gwau, “Sabati Dinana do umui hahelagaia momokani, bona umui sibona emui ura karadia, be unai Dina dekenai do umui karaia lasi. Unai Dina dekenai do umui laolao lasi, do umui gaukara lasi, bona do umui hereva kava lasi.

IEREMIA 17:24

Lohiabada ma ia gwau, “To bema umui ese lau umui kamonai henia namonamo, bona Sabati Dina dekenai inai hanua ena magu iduara dekena amo maduna ta do umui huaia lasi, bona bema Sabati Dina do umui hahelagaia, bona Sabati lalonai gaukara ta do umui karaia lasi,

IEREMIA 17:27

“To bema lau umui kamonai henia lasi, Sabati Dina do umui hahelagaia lasi neganai, bona Sabati Dina dekenai maduna ta do umui huaia, Ierusalema ena magu iduara dekena amo umui abia vareai, unai neganai, lau ese lahi dekenai, Ierusalema ena magu iduara do lau gabua. Inai lahi ese danu Ierusalema ena king bona lohia taudia edia rumadia do ia gabua ore. Tau ta ese do ia habodoa diba lasi.”

IEREMIA 42:19

Lau Ieremia be ma lau hereva, lau gwau, “Lohiabada ese umui Iuda dekenai do noho taudia ia hamaoroa vadaeni, Aigupito dekenai do umui lao lasi. Unai dainai umui lau sisiba henia goada inai:

ESEKIELA 20:13

To Israela bese taudia ese tano kaukau dekenai lau idia dagedage henia. Idia ese egu taravatu idia utua, bona egu oda, idia kamonai henidia taudia ese mauri idia davaria gaudia, be idia negea. Egu Sabati Dina be idia ese idia hamiroa momokani. “Vadaeni lau laloa, egu badu mai siahu danu be edia latanai do lau bubua diho, bona do lau hadikadia ore, tano kaukau dekenai.

AMOSA 8:5

Umui be inai bamona umui hereva, umui gwau, “Namo inai dina helagadia do idia ore haraga, vadaeni iseda aniani gaudia do ita hoidia diba. Bona Sabati Dina be edena negai do ia ore, vadaeni hoihoi gabuna dekenai ma do ita hoihoi? Unai neganai ita hoia gaudia edia davana do ita habadaia, bona sikele maoromaoro lasi do ita gaukaralaia, hoihoi taudia do ita koia totona, ani?

MIKA 6:3

Vadaeni Lohiabada ia hereva, ia gwau, “Lauegu bese taudia e, edena kerere umui dekenai lau karaia? Dahaka metau umui emui latanai lau atoa, a? Lau dekenai do umui haere.

APOSETOLO EDIA KARA 2:40

Hereva momo dekenai danu Petero ese idia ia sisiba henia, bona ia hereva goadagoada, ia gwau, “Inai nega noho gagevagageva taudia dekena amo umui heau mauri.”

APOSETOLO EDIA KARA 20:21

Iuda taudia bona Helene taudia danu dekenai lau sisiba henia goada edia lalona do idia giroa Dirava dekenai, bona Lohiabada Iesu do idia abidadama henia.

GALATIA 5:3

Ma lau be umui lau sisiba henia lou, lau gwau: Bema tau ta ese kopina utua kara ia abia neganai, ia ese Taravatu ta ta ibounai do ia badinaia, mase garina.

EFESO 4:17

Unai dainai, Lohiabada ena ladana dainai umui lau sisiba henia, harihari ia lao, Dirava diba lasi taudia bamona umui noho lasi. Idia edia laloa be anina lasi.

DEUTERONOMI 8:19

“To Lohiabada, emui Dirava do umui laloaboio lasi, bona idau dirava murinai do umui raka lasi, edia hesiai gaukara umui karaia lasi, bona idia dekenai do umui tomadiho henia lasi. Bema inai bamona umui karaia, hari dina umui dekenai lau sisiba, do umui mase momokani.

1 TESALONIKA 4:6

Bona umui ese inai bamona kara dika do umui karaia lasi emui Keristani varavara tauna dekenai, ia do umui koia lasi, bona iena adavana do umui abia lasi. Badina be Lohiabada ese inai bamona idia karaia taudia edia dika davana do ia henidia momokani. Inai bamona ai ese umui ai sisiba henia guna, ani?