NEHEMIA 13:10 - Buka Helaga (Hiri Motu) 1993

¹⁰ Lau be lau davaria danu, Levi taudia edia gaukara davana idia henia lasi. Unai dainai Levi taudia bona ane abia taudia, gaukara idia karaia taudia, be idia heau vadaeni, ta ta edia uma, edia uma dekenai idia lao vadaeni.

NEHEMIA 13:10 Iomraidhean Croise

2 SIVARAI 31:4

Bona king Hesekaia ese Ierusalema dekenai noho taudia ia oda henia, idia ese hahelagaia taudia bona Levi taudia edia gaukara davana korikori do idia henia, idia ese Lohiabada ena Taravatu do idia tahua bona badinaia, mai maoromaoro bona mai momokani totona.

NEHEMIA 10:37

“Ita ese danu lagani ta ta ibounai iseda uiti ena anina vara guna dekena amo karaia paraoa keke, be hahelagaia taudia, Dubu Helaga dekenai, do ita abia lao. Iseda uaina matamata, olive dehoro matamata, bona au huahua idauidau edia vara guna gaudia danu, idia dekenai do ita henia. “Iseda tano ena anidia danu do ita karoa, karoa 10, bona unai 10 dekena amo, karoa ta be iseda Dirava ena Dubu dekenai do ita abia lao, Levi taudia dekenai do ita henia.

NEHEMIA 10:39

“Israela taudia bona Levi taudia ese harihari gaudia, aniani bona uaina bona olive dehoro, be Dubu Helaga ena kohu haboua daiutudia dekenai do idia atoa vareai. Unai daiutudia dekenai Dubu ena kohu haida idia noho, bona hahelagaia taudia, Dubu gaukara idia karaia noho taudia, bona iduara gimaia taudia, bona ane abia taudia danu unuseni idia noho. “Iseda Dirava ena Dubu Helaga do ita naria namonamo momokani. Do ita laloaboio lasi momokani.”

NEHEMIA 12:47

Vadaeni Serubabele bona Nehemia edia nega lalonai, Israela taudia ibounai ese Dubu Helaga ena ane abia taudia bona iduara gimaia taudia edia gaukara davana be dina ta ta ibounai idia henia. Ma Israela taudia ese, edia davana karoa 10 ena karoa ta dekena amo, Levi taudia ibounai dekenai harihari gaudia helagadia idia henia. Bona unai Levi taudia ese, unai edia gaukara davana karoa 10 dekena amo, karoa ta be hahelagaia taudia dekenai idia henia.

ISAIA 43:23

Umui ese emui mamoe, be lau dekenai umui mailaia lasi, do umui gabua totona. Emui boubou gaudia dekena amo lau umui hanamoa lasi. Lau ese boubou karadia umui dekena amo lau noia lasi, unai be metau umui dekenai dainai, bona bonana namo muramura danu lau noia lasi, do umui hesiku garina.

MALAKI 3:8

“Vadaeni umui dekenai danu lau henanadai inai: Bema tau ta ese Dirava dekena amo do ia henaoa, inai be maoro, a? Lasi momokani! To umui ese inai bamona umui karaia noho. Ma lau dekenai umui henanadai lou, umui gwau, ‘Edena bamona ai ese oiemu gau ai henaoa?’ “Lau haere inai: Taravatu ia gwau, umui ese emui kohu ena kahana ta lau dekenai do umui henia, to lau dekenai umui henia lasi.

NUMERA 35:2

“Israela taudia do oi hamaoroa, do idia abia tano lalonai, Levi taudia dekenai hanua haida do idia henia, mai tano danu, edia boromakau bona mamoe do idia ubua totona.

DEUTERONOMI 12:19

Do umui naria namonamo, Levi taudia do umui laloaboio lasi, emui tano dekenai umui noho dinadia ibounai.