NEHEMIA 13:1 - Buka Helaga (Hiri Motu) 1993

¹ Unai dina dekenai idia ese Mose ena taravatu buka be taunimanima edia vairana dekenai idia duahia hedinarai. Bona unai neganai idia davaria, ia torea vadaeni, Amono tauna ta o Moaba tauna ta be nega ta Dirava ena orea edia hebou lalonai do ia vareai lasi.

NEHEMIA 13:1 Iomraidhean Croise

2 KING TAUDIA 23:2

Vadaeni king Iosaia ese idia ia hakaua lao Lohiabada ena Dubu Helaga dekenai. Peroveta taudia bona hahelagaia taudia danu ese king idia bamoa, Ierusalema dekenai idia noho taudia ibounai danu, kohu momo taudia bona ogogami. Vadaeni Iosaia ese Taravatu Buka, Lohiabada ena Dubu lalonai idia davaria gauna, ena hereva ibounai, be edia vairanai ia duahia hedinarai.

NEHEMIA 13:23

Unai dinadia lalonai danu lau ese lau itaia Iuda taudia momo ese Asadoda, Amono bona Moaba hahine idia adavaia.

NEHEMIA 2:10

To Sanubalata, Horono tauna, bona Tobaia, Amono tau badana ta, ese inai sivarai idia kamonai neganai, edia laloa be dika. Idia ura lasi tau ta ese Israela hanamoa totona do ia mai.

NEHEMIA 2:19

To Sanubalata, Horono tauna, bona Tobaia, Amono tau badana ta, bona Geseme, Arabia tauna, be idia kamonai, vadaeni ai dekenai idia kirikiri bona idia hereva dika, idia gwau, “Umui be dahaka umui karaia noho? Umui ese king Aratasaseta do umui dagedage henia, a?”

NEHEMIA 4:3

Tobaia, Amono tauna be Sanu-balata ena badibadinai. Vadaeni ia gwau, “Io, idia be dahaka idia haginia noho? Bema uda sisia ta be edia nadi maguna ena latanai ia daekau neganai ia ese do ia veria diho.”

NEHEMIA 8:2

Unai dainai Esera, hahelagaia tauna ese, Taravatu Buka ia abia, unai taunimanima, tau, hahine bona natuna badadia, kamonai diba taudia ibounai edia vairana dekenai ia mailaia.

NEHEMIA 9:3

Bona edia gabu dekenai idia gini neganai, hora toi lalonai, Lohiabada ena Taravatu be Esera ese ia duahia. Ma hora toi lalonai idia edia kara dika idia gwauraia hedinarai, bona Lohiabada, edia Dirava dekenai idia tomadiho.

ISAIA 34:16

Lohiabada ena Buka lalonai do oi tahua, bona inai do oi duahia: Inai manu ta do ia boio lasi, bona manu hahine ta do ia noho kava lasi, to ibounai be mai edia tau. Badina be Lohiabada ena uduna ese inai bamona ia oda henia, bona iena Lauma ese idia do ia haboua, tau bona hahine.

IEREMIA 48:1

Siahu Ibounai Lohiabada, Israela ena Dirava ese inai bamona hereva ia gwauraia Moaba tano totona: “Nebo taudia madi do idia dika, badina be edia hanua be tuari taudia ese, do idia hadikaia ore. Kiriataimi hanua be do ia hemarai bada, tuari taudia ese idia halusia, bona idia abia dainai. Iena kohoro, gabu aukana badana be do idia botaia, do ia moru diho, hemarai gauna do ia lao.

AMOSA 1:13

Lohiabada ia gwau, “Amono taudia be idia kara dika lou, kara dika lou, nega momo. Unai dainai edia kerere davana do lau henidia momokani. Tano haida ma do idia abia totona idia tuari neganai, idia ese Gileada dekenai rogorogo hahine edia bogana be kaia dekenai idia utua kehoa.

NUMERA 22:5

ese iena hesiai taudia ia siaia, Balama Beoro do idia abia mai totona. Balama Beoro be Petoro dekenai, Euperate Sinavai ena badibadinai, Amawa tano dekenai ia noho. Hesiai taudia idia gwau, “Balaki be inai bamona ia gwau, ‘Bese ta Aigupito dekena amo idia mai vadaeni, idia be momo herea, tano ibounai idia koua, bona lauegu tano ena badibadinai idia kamepa noho.

LUKA 10:26

Iesu ia gwau, “Taravatu ena buka lalonai edena bamona ia torea? Edena bamona oi duahia?”

APOSETOLO EDIA KARA 13:15

Mose ena taravatu bona peroveta buka idia duahia murinai, dubu biagudia ese Paulo bona Banaba dekenai hereva idia siaia, idia gwau, “Aiemai varavara e, bema taunimanima hagoadaia hereva ia noho umui dekenai, umui hereva.”

APOSETOLO EDIA KARA 15:21

Badina be sene negana ia mai bona hari, Mose ena taravatu be idia duahia dubu ta ta lalonai, Sabati Dinadia ibounai. Bona Mose ena hereva be hanua ibounai lalonai idia harorolaia noho.”