NEHEMIA 12:43 - Buka Helaga (Hiri Motu) 1993

⁴³ Unai dina dekenai boubou gaudia momo idia henia, bona taunimanima be idia moale bada, badina be Dirava ese moale ia henidia momokani. Hahine bona edia natudia danu idia moale bada. Ierusalema dekenai idia moale ena regena bada be daudau gabudia noho taudia ese idia kamonai.

NEHEMIA 12:43 Iomraidhean Croise

2 SIVARAI 20:13

Iuda taudia ibounai be unuseni, Lohiabada ena vairanai idia gini, mai edia natudia maragidia, bona edia adavadia bona natudia danu.

2 SIVARAI 20:27

Vadaeni Iuda bona Ierusalema taudia ibounai be idia giroa lou, bona Iehosapata ese ia gunalaidia. Ierusalema dekenai idia giroa lou, mai edia moale bada danu, badina be Lohiabada ese, idia dekenai idia tuari henia taudia ia halusidia momokani dainai.

2 SIVARAI 7:10

Vadaeni hua namba 7 ena dina namba 23 dekenai Solomona ese taunimanima ia siaia, ta ta edia ruma, edia ruma dekenai idia lao. Idia be mai edia moale bona mai edia lalona namo danu, badina be Lohiabada ese iena hanamoa be Davida bona Solomona bona iena bese Israela dekenai ia henia vadaeni.

ESERA 3:13

Unai dainai unuseni kahirakahira idia noho taudia be idia diba maoro lasi unai regena be dahaka, moale o taitai, badina be taunimanima idia boiboi badabada, bona unai regena be daudau dekenai danu idia kamonai.

NEHEMIA 12:27

Ierusalema ena magu idia hahelagaia neganai, Levi taudia be edia noho gabudia ibounai dekena amo Ierusalema dekenai idia mailaidia, ane do idia abia, mai miusiki danu totona. Idia ese botaia auridia bona gita badadia bona maragidia dekena amo unai magu hahelagaia gaukara idia hanamoa.

NEHEMIA 12:42

bona Maseaia, Semaia, Eleasara, Usisi, Iehohanana, Malekaia, Elama bona Esere danu. Unai neganai ane abia taudia ese ane idia abia, bona Ieserahaia ese ia gunalaidia.

IOBU 34:29

To bema Dirava ese, kara ta ia karaia lasi neganai, daika ese ia do ia gwauraia kerere diba? Bema Dirava ese iena vairana ia hunia neganai, taunimanima be mai edia durua tauna ta lasi.

SALAMO 27:6

Unai dainai lau idia dagedage henia taudia, be do lau halusidia. Vadaeni Lohiabada ena Dubu Helaga lalonai, boubou do lau henia, mai moale danu, bona ane do lau abia, Lohiabada hanamoa anedia.

SALAMO 28:7

Lohiabada be egu goada bona egu kesi. Lau ese ia lau abidadama henia noho. Ia ese lau ia durua noho, bona egu kudouna ia hamoalea noho. Mai moale danu, ane dekena amo Lohiabada do lau hanamoa.

SALAMO 9:2

Mai moale bada danu, oi do lau hanamoa noho. Siahu Ibounai Dirava e, oiemu ladana hanamoa totona, ane do lau abia.

SALAMO 92:4

Badina be, Lohiabada e, oi ese oi karaia kara badadia ese lau idia hamoalea. Oiemu gaukara badadia dainai, mai moale bada danu ane lau abia noho.

ISAIA 61:3

Lohiabada ese lau ia siaia vadaeni, Siona dekenai idia taitai taudia ibounai dekenai be, moale bona laloa namo do lau henia, edia lalohisihisi be do ia ore totona. Bona hanamoa ane do lau henidia, edia laloa metau do ia ore totona. Do idia be au namodia bamona, Lohiabada sibona ese ia hadoa gaudia, bona idia ibounai ese kara maoromaoro do idia karaia. Bona taunimanima ese Dirava ena ladana do idia hanamoa, iena kara badadia dainai.

IEREMIA 31:13

Unai neganai Israela kekeni, be do idia mavaru mai edia moale bada danu, bona uhau, bona tau buruka danu do idia moale bada. Lau ese edia taitai be moale do lau halaoa. Edia lalohisihisi do lau hadokoa, bona moale idia dekenai do lau henia.

IEREMIA 33:11

To inai gabudia dekenai kiri ena regena, bona moale ena regena do umui kamonai lou. Headava matamata tauna bona headava matamata hahine edia gadodia do umui kamonai lou. Ane abia taudia edia gadodia danu do umui kamonai, idia ese hanamoa bouboudia be Lohiabada ena Dubu dekenai do idia mailaia, do idia gwau, ‘Siahu Ibounai Lohiabada do umui hanamoa, badina Lohiabada be namo, bona iena lalokau be nega hanaihanai do ia noho.’ Badina be lau ese inai tano ena noho namo gunana ma do lau henia lou. Lau inai Lohiabada, lau hereva noho.”

NUMERA 10:10

“Emui moale dinadia neganai danu, emui hua matamatana guriguri aria, bona emui guriguri aria haida dekenai danu, umui ese kibi do umui hiriria. Emui gabua ore bouboudia bona maino karaia bouboudia umui henia neganai danu kibi do umui hiriria. Unai neganai lau ese umui do lau laloa bona durua. Lau be Lohiabada, emui Dirava.”

MATAIO 21:15

Dubu biagudia bona taravatu hadibaia taudia ese Iesu ena hoa karadia idia itaia, memero bona kekeni danu edia hereva idia kamonai, Dubu Helaga lalonai idia boiboi, idia gwau, “Hosana, Davida ena natuna ita hanamoa!” Vadaeni idia be badu dikadika.

MATAIO 21:9

Vadaeni taunimanima momo, Iesu vairanai idia raka taudia bona iena murinai idia raka taudia danu idia boiboi, idia gwau, “Hosana, Davida ena natuna e! Lohiabada ena ladanai ia mai noho tauna ita hanamoa. Ataiai momokani ia noho Dirava dekenai, hosana!”

IOANE 16:22

Umui danu, inai harihari be emui lalona idia hisihisi noho, to lau be umui do lau itaia lou, vadaeni emui lalona be do idia moale, bona tau ta ese umui emui moale do ia kokia diba lasi.

EFESO 5:19

Keristani varavara taudia danu do umui herevahereva, salamo dekena amo, ane dekena amo, bona lauma anedia dekena amo. Ane do umui abia, bona Lohiabada do umui hanamoa emui kudouna lalonai.

IAMESI 5:13

Umui emui huanai be tau ta ia hisihisi noho, a? Do ia guriguri be namo. Tau ta ia moale, a? Di-ra-va hanamoa ane do ia abia be namo.

1 SAMUELA 4:5

Lohiabada ena Taravatu Maua be kamepa dekenai ia ginidae neganai, Israela taudia ibounai idia boiboi bada herea. Edia boiboi ena regena ese tano ia hamarerea.