NEHEMIA 12:1 - Buka Helaga (Hiri Motu) 1993

¹ Hahelagaia taudia bona Levi taudia, Serubabele Sealetiele bona Iosua danu Babulonia ena hesiai mai guia danu dekena amo idia giroa mai, be inai: Seraia, Ieremia, Esera.

NEHEMIA 12:1 Iomraidhean Croise

ESERA 3:2

Unai neganai Iosua Iosadaka, iena bamona hahelagaia taudia danu, bona Serubabele Sealetiele, mai ena varavara taudia danu idia toreisi, Israela ena Dirava ena boubou patana idia haginia, ia latanai boubou gaudia do idia gabua, Dirava ena tau Mose ese ia torea taravatu hegeregerena.

ESERA 3:8

Dirava ena Dubu Helaga ena gabu, Ierusalema dekenai idia giroa lou ena lagani iharuana bona hua iharuana lalonai, Serubabele Sealetiele bona Iosua Iosadaka ese Dubu haginia lou gaukara idia hamatamaia. Serubabele bona Iosua idia durua taudia be edia tadikaka taudia, hahelagaia taudia bona Levi taudia, bona abia mauri dekena amo Ierusalema dekenai idia giroa lou taudia ibounai. Idia ese Levi taudia, edia mauri lagani be 20 idia hanaia taudia, idia abia hidi, Lohiabada ena Dubu haginia gaukara do idia naria totona.

ESERA 4:2

Vadaeni unai taudia be Serubabele bona iduhu lohia taudia dekenai idia lao, idia gwau, “Mani emui kara ai ese umui danu Dubu Helaga do ita haginia hebou, badina ai ese emui Dirava ai tomadiho henia noho, umui hegeregerena. Bona Esarahadona, Asuria ena king ese ai ia siaia, iniseni do ai noho totona. Iniseni ai ginidae neganai ia mai bona harihari, ai ese Dirava dekenai boubou gaudia ai henia noho.”

ESERA 5:2

Vadaeni Serubabele Sealetiele bona Iosua Iosadaka ese unai peroveta taudia edia hereva idia kamonai neganai, idia toreisi, Dirava ena Dubu Helaga Ierusalema dekenai idia haginia lou hamatamaia. Bona unai peroveta taudia ruaosi ese idia durudia.

ESERA 7:7

Vadaeni king Aratasaseta ena king lagani namba 7 lalonai, Esera bona Israela taudia haida be Babulonia dekena amo Ierusalema dekenai idia mai. Esera danu idia mai taudia be hahelagaia taudia, bona Levi taudia, bona Dubu ena ane abia taudia, Dubu iduara naria taudia, bona gaukara taudia haida.

NEHEMIA 11:36

Levi taudia edia orea haida Iuda tano dekenai idia noho, be Beniamina tano dekenai idia hanaia lao, Beniamina taudia danu idia noho hebou.

NEHEMIA 12:10

Iosua be Ioiakimi ena tamana, Ioiakimi be Eliasibi ena tamana, Eliasibi be Ioiada ena tamana,

NEHEMIA 12:2

Amaraia, Maluku, Hatusu.

NEHEMIA 7:7

Idia edia gunalaia taudia be Serubabele, Iosua, Nehemia, Asaraia, Ramaia, Nahamani, Morodekai, Bilesana, Misaperete, Bigevai, Nehumu bona Banaha. Israela iduhu, bona ta ta edia tau be hida, Babulonia dekena amo Iuda dekenai idia giroa mai, be inai:

HAGAI 1:1

King Dariuse ena king lagani iharuana lalonai, hua namba 6 ena dina ginigunana dekenai, Lohiabada ese peroveta tauna Hagai dekena amo hereva ia gwauraia. Inai hereva be Iuda ena gavana, Serubabele Sealetiele, bona Iosua Iehosadaka, Hahelagaia Tauna Badana totona.

HAGAI 1:12

Vadaeni Serubabele Sealetiele bona Hahelagaia Tauna Badana, Iosua Iehosadaka, bona Babulonia ena hesiai mai guia danu dekena amo idia giroa mai taudia ibounai ese Lohiabada ese ia oda henidia kara idia karaia. Idia ese Lohiabada ena vairanai idia gari, bona iena hesiai tauna, peroveta tauna Hagai idia kamonai henia.

HAGAI 1:14

Unai dainai Lohiabada ese inai taudia ibounai edia laumadia ia hatoreisia: Serubabele Sealetiele, Iuda ena gavana tauna, Iosua Iehosadaka, Hahelagaia Tauna Badana, bona Babulonia ena hesiai mai guia danu dekena amo idia giroa mai taudia ibounai. Inai taudia idia haboua mai, bona Siahu Ibounai Lohiabada, edia Dirava, ena Dubu Helaga idia haginia hamatamaia.

HAGAI 2:2

“Serubabele Sealetiele, Iuda ena gavana, Iosua Iehosadaka, Hahelagaia Tauna Badana, bona Babulonia ena hesiai mai guia danu dekena amo idia giroa mai taudia ibounai do oi hereva henia. Idia do oi nanadaia, do oi gwau,

SEKARAIA 6:11

Idia ese oi dekenai idia henia siliva bona golo dekena amo korona ta do oi karaia, bona Hahelagaia Tauna Badana, Iosua Iehosadaka, ena kwarana dekenai do oi atoa.