NEHEMIA 11:1 - Buka Helaga (Hiri Motu) 1993

¹ Bese gunalaia taudia be Ierusalema dekenai idia noho. Taunimanima oredia ese laki gadara dekena amo idia abia hidi, taunimanima 10, 10, dekena amo ta, ta, be hanua helagana dekenai do idia noho, to oredia 9 be edia hanua korikori ta ta dekenai do idia noho.

NEHEMIA 11:1 Iomraidhean Croise

1 SIVARAI 26:13

Bese ta ta ibounai, badadia o maragidia, ese laki idia gadara, bona inai laki ese ia hedinaraia edena iduara, edena iduara do idia gimaia.

1 SIVARAI 8:28

Unai taudia be iduhu gunalaia taudia, bona lohia taudia edia uru lalonai. Idia be Ierusalema dekenai idia noho.

1 SIVARAI 9:1

Israela taudia ibounai edia ladana be buka dekenai idia torea, edia uru ta ta lalonai. Inai buka be Israela Ena King Edia Sivarai Bukana. Iuda taudia ese idia kara dika dainai, idia be, tuari taudia ese Babulonia dekenai idia abidia lao, unuseni idia noho.

1 SIVARAI 9:2

Iuda taudia ese edia hanua ta ta dekenai idia giroa mai hamatamaia neganai, dagi lasi Israela taudia, hahelagaia taudia, Levi taudia, bona Dubu Helaga ena hesiai gaukara taudia haida danu idia mai.

1 SIVARAI 9:3

Iuda taudia, bona Beniamina, bona Eparaima bona Manase iduhu taudia haida danu be Ierusalema dekenai noho totona idia mai, taudia be inai:

NEHEMIA 10:34

“Ita ese danu, hahelagaia taudia, bona Levi taudia, bona taunimanima ese lagani ta ta ibounai, laki gadara dekena amo do ita davaria, daika bona daika iduhu taudia ese lahi gabua audia do idia mailaia, iseda Dirava ena Dubu Helaga lalonai, Lohiabada ena bouboudia do idia gabua totona, Taravatu lalonai idia torea hegeregerena.

NEHEMIA 11:18

Levi taudia ibounai 284 be hanua helagana, Ierusalema dekenai idia noho.

NEHEMIA 4:22

Unai neganai, lau ese gaukara idia naria taudia lau hamaoroa, idia bona edia gaukara taudia ibounai be hanuaboi neganai Ierusalema dekenai do idia noho. Unai bamona dekenai, ai ese Ierusalema be hanuaboi neganai ai gimaia, to dina neganai ai gaukara.

SALAMO 122:5

Inai Ierusalema dekenai be Israela ena king taudia ese, edia bese taudia idia kota henia.

SALAMO 122:6

Ierusalema ena maino totona do umui guriguri. Lau ura Ierusalema idia ura henia taudia, be do idia noho mai maino danu.

AONEGA HEREVADIA 16:33

Edia dala diba totona taunimanima ese, laki gadara idia karaia noho, to Dirava sibona ese edia dala ia havaraia noho.

ISAIA 48:2

Umui gwau umui be hanua helagana ena noho taudia, bona umui gwau, umui ese Israela ena Dirava umui abidadama henia noho. Iena ladana be Siahu Ibounai Lohiabada.

ISAIA 52:1

Ierusalema e, do oi noga, do oi goada lou, Dirava ena hanua helagana e, oiemu dabua mai hairaidia do oi karaia lou! Badina be Dirava idia diba lasi taudia be oiemu magu iduara do idia raka vareai lou lasi.

MATAIO 27:53

Edia guria gabudia idia rakatania, bona Iesu ena toreisi lou murinai idia be Hanua Helaga dekenai idia lao, unuseni taunimanima momo ese idia itadia.

MATAIO 4:5

Vadaeni Satani ese Hanua Helaga dekenai Iesu ia hakaua lao, Dubu Helaga ena atai dekenai ia haginia.

APOSETOLO EDIA KARA 1:24

Gabeai idia guriguri, idia gwau, “Lohiabada e, taunimanima ibounai edia lalona be oi diba, inai tau ruaosi, mani oi hedinaraia daika be oi ese oi abia hidi, inai aposetolo gaukara bona hesiai gaukara do ia abia,

APOSETOLO EDIA KARA 1:26

Vadaeni nadi rua dekena amo abia hidi laki gadara idia karaia, bona Mataia ena nadi ia uini. Unai dainai aposetolo taudia 11 ese Mataia idia abia vareai aposetolo edia orea lalonai.

IOSUA 18:10

Vadaeni Iosua be Silo dekenai unai Israela taudia totona laki gadara ia karaia, Lohiabada ena vairanai. Unai gabu dekenai Iosua ese tano ia haria, bona Israela taudia edia iduhu ta ta dekenai edia tano korikori ia henia.