NEHEMIA 10:39 - Buka Helaga (Hiri Motu) 1993

³⁹ “Israela taudia bona Levi taudia ese harihari gaudia, aniani bona uaina bona olive dehoro, be Dubu Helaga ena kohu haboua daiutudia dekenai do idia atoa vareai. Unai daiutudia dekenai Dubu ena kohu haida idia noho, bona hahelagaia taudia, Dubu gaukara idia karaia noho taudia, bona iduara gimaia taudia, bona ane abia taudia danu unuseni idia noho. “Iseda Dirava ena Dubu Helaga do ita naria namonamo momokani. Do ita laloaboio lasi momokani.”

NEHEMIA 10:39 Iomraidhean Croise

2 KING TAUDIA 7:10

Unai dainai idia be hanua dekenai idia lao, hanua magu ikoukou gimaia taudia dekenai idia boiboi, idia hamaoroa, “Suria taudia edia kamepa dekenai ai lao, unuseni tau ta ai itaia lasi, bona regena ta ai kamonai lasi. Hosi bona doniki sibona idia noho, idia ruhaia lasi. Palai ruma be mai kohu danu idia noho, Suria taudia ese gau ibounai idia rakatania kava.”

2 SIVARAI 31:11

Hesekaia ese ia oda henia, Lohiabada ena Dubu lalonai daiutu haida do idia abia hegaegae. Vadaeni idia ese daiutu haida idia abia hegaegae.

2 SIVARAI 31:12

Unai neganai taunimanima ese mai maoromaoro bona momokani danu edia harihari gaudia, bona edia karoa 10 dekena amo karoa ta, idia hahelagaia gaudia, idia mailaia. Inai gau ia naria bona gimaia tauna badana be Konanaia, Levi tauna, iena iharuana be iena tadina Simei.

NEHEMIA 12:47

Vadaeni Serubabele bona Nehemia edia nega lalonai, Israela taudia ibounai ese Dubu Helaga ena ane abia taudia bona iduara gimaia taudia edia gaukara davana be dina ta ta ibounai idia henia. Ma Israela taudia ese, edia davana karoa 10 ena karoa ta dekena amo, Levi taudia ibounai dekenai harihari gaudia helagadia idia henia. Bona unai Levi taudia ese, unai edia gaukara davana karoa 10 dekena amo, karoa ta be hahelagaia taudia dekenai idia henia.

SALAMO 122:9

Lau be Lohiabada, iseda Dirava ena Ruma lau laloa noho. Unai dainai Dirava lau noia noho, ia ese Ierusalema do ia hanamoa bada.

NUMERA 18:26

Levi taudia do oi hamaoroa, inai bamona: “Umui ese Israela taudia edia gau edia karoa 10 amo karoa ta, Lohiabada ese umui dekenai ia henia gauna, umui abia neganai, umui ese unai kohu do umui haria karoa 10, bona karoa ta be Lohiabada dekenai do umui henia.

NUMERA 18:30

Umui ese namo momokani gaudia umui henia murinai, do noho gaudia be umui emui, hegeregere biru tauna ese iena aniani bona huahua namo herea Lohiabada dekenai ia henia ore, bona do noho gaudia be ia sibona ena.

DEUTERONOMI 12:17

Inai gaudia be emui noho gabudia lalonai umui ania diba lasi momokani: Lohiabada dekenai umui henia gaudia ibounai, hegeregere emui uiti, o emui uaina, o emui olive dehoro, umui haria kahana 10 ena kahana ta gaudia, o emui boromakau o emui mamoe natuna vara guna, o emui gwauhamata gaudia, o emui harihari gaudia, o lalo namo dainai, Lohiabada dekenai umui henia gaudia.

HEBERU 10:25

Iseda guriguri hebou kara do umui hadokoa lasi, haida ese idia hadokoa bamona. To umui ta ta emui Keristani varavara taudia edia lalona do umui hagoadaia, oibe, inai kara do umui habadaia be namo. Badina be Lohiabada ena Dina be kahirakahira do ia ginidae.