NEHEMIA 10:36 - Buka Helaga (Hiri Motu) 1993

³⁶ “Bona ita ibounai iseda natudia tau vara gunadia be hahelagaia taudia, Dubu Helaga dekenai, do ita abia lao, Dirava dekenai do ita henia, Taravatu lalonai ia torea hegeregerena. Iseda boromakau, mamoe bona nanigosi edia vara guna natudia danu, be Dubu Helaga dekenai, Lohiabada dekenai do ita henia.

NEHEMIA 10:36 Iomraidhean Croise

2 SIVARAI 31:5

Unai oda be Hesekaia ia gwauraia neganai, Israela taudia ese mai edia lalona namo danu gau momo herea idia henia, uiti bona bali edia vara guna anina gaudia, bona uaina, bona olive dehoro, bona hani, bona uma ena anina gaudia ibounai. Gau ibounai idia karoa, karoa 10, vadaeni karoa ta idia mailaia. Idia mailaia gaudia be momo herea.

NEHEMIA 12:44

Unai dina dekenai tau haida idia abia hidi, kohu haboua daiutudia do idia naria totona. Inai daiutudia dekenai Dubu Helaga dekenai idia henia harihari gaudia, bona vara guna uiti bona au huahua, bona karoa 10 dekena amo karoa ta gaudia idia atoa. Unuseni hahelagaia taudia bona Levi taudia edia gaukara davana gaudia idia haboua, taravatu ese ia gwauraia gaudia, hanua ta ta edia biru gabudia idia havaraia hegeregerena. Iuda taudia ibounai ese hahelagaia taudia bona Levi taudia dekenai idia moale bada.

NEHEMIA 13:5

Eliasibi ese daiutu badana ta be Tobaia do ia gaukaralaia totona ia abia hegaegae. Unai daiutu lalonai be guna idia ese inai gaudia idia udaia: Boubou paraoa, bona muramura mai bonana, bona Dubu Helaga ena kohu, bona aniani, uaina, bona olive dehoro edia karoa 10 dekena amo karoa ta, Levi taudia, ane abia taudia, bona iduara gimaia taudia edia gaukara davana gaudia, hahelagaia taudia totona harihari gaudia danu.

ESODO 13:2

“Guna idia vara mero ibounai lau dekenai do umui hahelagaia. Israela edia vara guna mero, ia tau o ubua gauna, vadaeni ia be lauegu.”

ESODO 23:19

“Emui uma dekenai hadoa gaudia edia anina ginigunana umui utua neganai, be namo hereadia do umui mailaia Lohiabada emui Dirava ena dubu dekenai. “Nani ena natuna be iena sinana ena rata lalonai do umui nadua lasi.

ESODO 34:19

Vara guna memero ibounai be lauegu. Boromakau natudia tau vara guna gaudia bona mamoe natudia tau vara guna gaudia danu be lauegu.

MALAKI 3:10

“Umui ese emui kohu bona moni ibounai do umui haria kahana 10, bona unai kahana 10 dekena amo kahana ta do umui mailaia, egu Dubu Helaga dekenai do umui atoa. Unai neganai egu gaukara taudia be mai edia aniani. Lau do umui tohoa karaia. Unai kahana ta lau dekenai do umui henia, vadaeni lauegu kara namona do umui itaia. Lau ese guba ena uindo do lau kehoa, bona gau namodia momo herea umui dekenai do lau bubua diho.

NUMERA 3:13

Badina be Aigupito taudia edia vara guna natudia ibounai lau alaia mase dinana dekenai lau ese Israela taudia edia vara guna natudia lau abia siri, lauegu, taunimanima edia vara guna ibounai, bona mauri gaudia edia vara guna ibounai danu. Idia be helaga, lauegu. To hari inai Israela taudia edia vara guna natudia edia gabu, lau sibona egu, be Levi taudia ese idia abia vadaeni. Lau ese Levi taudia lau abia hidi, idia be lauegu. Lau inai Lohiabada.”

GALATIA 6:6

Dirava ena hadibaia hereva ia tahua tauna ese iena hadibaia tauna dekenai harihari gaudia do ia henia be namo, iena gaukara davana.

DEUTERONOMI 12:6

Unai gabu dekenai do umui lao, emui boubou, gabua gaudia, bona emui boubou gaudia idauidau, bona emui kohu haria kahana 10 dekena amo kahana ta Lohiabada henia gaudia, harihari gaudia idaudia, emui gwauhamata gaudia, bona emui henia kava monina, ma boromakau bona mamoe edia vara guna natudia, inai ibounai do umui abia lao.