NEHEMIA 10:34 - Buka Helaga (Hiri Motu) 1993

³⁴ “Ita ese danu, hahelagaia taudia, bona Levi taudia, bona taunimanima ese lagani ta ta ibounai, laki gadara dekena amo do ita davaria, daika bona daika iduhu taudia ese lahi gabua audia do idia mailaia, iseda Dirava ena Dubu Helaga lalonai, Lohiabada ena bouboudia do idia gabua totona, Taravatu lalonai idia torea hegeregerena.

NEHEMIA 10:34 Iomraidhean Croise

1 SIVARAI 24:5

Eleasara besena bona Itamara besena ruaosi be mai edia Helaga Gabuna naria taudia, bona mai edia Dirava ena hereva hadibaia taudia. Unai dainai tau ta ta dekenai dagi henia dalana be laki gadara dekena amo.

1 SIVARAI 24:7

Unai orea 24 edia lohia taudia, laki ese ia abia hidi tauna ginigunana ela bona ia abia hidi tauna dokona, edia dagi do idia abia totona, be inai bamona: 1. Iehoiaribi 2. Iedaia 3. Harimi 4. Seorimi 5. Malekaia 6. Miamini 7. Hakoso 8. Abaisa 9. Iesua 10. Sekanaia 11. Eliasibi 12. Iakimi 13. Hupa 14. Iesebeaba 15. Biliga 16. Imere 17. Hesiri 18. Hapisese 19. Petahaia 20. Iehesekele 21. Iakini 22. Gamulu 23. Delaia 24. Masaia.

2 SIVARAI 2:3

Solomona ese king Hirama, Turo ena king, dekenai hereva ia siaia, ia gwau, “Sida audia be guna egu tamana Davida dekenai oi siaia, iena noho ruma do ia haginia totona. Mani emui kara, tamagu dekenai oi karaia hegeregerena, lau dekenai danu do oi karaia.

ESERA 3:5

Ma danu, idia ese idia gabua boubou gaudia idauidau idia henia, Hua Matamata Aria gaudia, bona Lohiabada tomadiho negadia ibounai idia henia gaudia, bona edia harihari gaudia, Lohiabada idia lalokau henia dainai henia gaudia, inai boubou gaudia ibounai idia henia.

NEHEMIA 11:1

Bese gunalaia taudia be Ierusalema dekenai idia noho. Taunimanima oredia ese laki gadara dekena amo idia abia hidi, taunimanima 10, 10, dekena amo ta, ta, be hanua helagana dekenai do idia noho, to oredia 9 be edia hanua korikori ta ta dekenai do idia noho.

NEHEMIA 13:31

Bona boubou edia lahi audia abia dalana be lau ese lau karaia namonamo, taunimanima ese edia nega, edia nega korikori dekenai do idia mailaia. Taunimanima ese edia tano anidia, uiti bona au huahua, mage guna harihari gaudia mailaia dalana danu, be lau ese lau karaia namonamo. Egu Dirava e, inai lauegu kara ibounai do oi laloatao, bona idia dainai mani lau do oi hanamoa.

AONEGA HEREVADIA 18:18

Bema goada taudia rua ese idia kota neganai, laki gadara dekena amo unai kota idia hamaoromaoroa diba.

ISAIA 40:16

Lebanona ena uda lalonai idia noho boromakau ibounai, be hegeregere lasi Lohiabada ena boubou gauna ta do idia lao. Bona Lebanona ena uda lalonai idia noho audia ibounai, be hegeregere lasi Lohiabada ena gabua boubou ena lahi do idia karaia.

LEVITIKO 24:5

“Paraoa namo herea, iena metau 12 kilogaram do oi abia, beredi ibounai 12 do oi gabua.

LEVITIKO 24:6

Inai beredi be Lohiabada ena vairanai do oi atodia, laini rua dekenai, golo namo herea patana ena latanai, laini ta be beredi 6, ma laini ta be beredi 6.

NUMERA 28:2

“Israela taudia do oi hamaoroa, egu boubou gaudia, lahi dekenai umui gabua ore, lau totona edia bonana be namo gaudia, do umui laloa noho, bona lau dekenai do umui henia noho, edia nega korikori dekenai.

APOSETOLO EDIA KARA 1:26

Vadaeni nadi rua dekena amo abia hidi laki gadara idia karaia, bona Mataia ena nadi ia uini. Unai dainai aposetolo taudia 11 ese Mataia idia abia vareai aposetolo edia orea lalonai.

IOSUA 9:27

To unai dina dekenai Iosua ese Gibeona taudia be au utua bona ranu huaia taudia ia halaodia, Israela taudia edia, bona Lohiabada ena boubou patana ena, Lohiabada ese tomadiho totona ia abia hidi gabuna dekenai. Bona Gibeona taudia ese unai bamona idia karaia noho ia mai bona hari dina.