NEHEMIA 10:32 - Buka Helaga (Hiri Motu) 1993

³² “Ita gwauhamata danu inai, lagani ta ta ibounai ita ta ta ese siliva ena metau 5 garam be Dubu Helaga ena gaukara totona do ita henia.

NEHEMIA 10:32 Iomraidhean Croise

GENESE 28:22

Inai laloatao nadina danu hari lau haginia be Dirava ena ruma dekenai do lau halaoa. Gau ibounai lau dekenai do oi henia be dohore lau haria karaia, kahana ibounai 10, bona kahana ta do lau henia oi dekenai.”

1 SIVARAI 26:27

Tuari dekenai idia abia kohu dekena amo, idia ese haida be harihari gaudia idia hahelagaia, bona Lohiabada ena Dubu Helaga lalonai idia atoa.

NEHEMIA 13:15

Unai neganai lau ese Iuda lalonai taunimanima haida lau itaia, idia ese vain huahua be Sabati Dina dekenai idia moia, bona iuti bona bali idia haboua, bona haida ese uaina, vain huahuadia, fig huahuadia, bona kohu haida danu doniki edia doruna latanai idia atoa, Ierusalema dekenai idia abia vareai. Lau ese idia lau sisiba henia, Sabati Dina dekenai gau ta do idia hoia lasi.

NEHEMIA 13:18

Emui sene taudia be unai bamona idia karaia, bona iseda Dirava ese inai dika ena davana be ita dekenai bona inai hanua badana ena latanai ia henia, ani? To umui ese iena badu ma umui havaraia noho Israela ena latanai, Sabati Dina umui hadikaia noho dainai.”

NEHEMIA 13:21

To lau ese idia lau sisiba henia, lau gwau, “Badina dahaka magu ena vairanai umui kamepa noho? Unai kara do umui karaia lou neganai lau ese umui do lau dogoatao bona guia.” Unai murinai idia be Sabati Dina dekenai idia mai lou lasi.

NEHEMIA 5:10

“Inai danu, lau bona egu tadikakana bona egu hesiai taudia ese moni, bona aniani unai taunimanima dekenai ai heniatorehai vadaeni. To namona be ita ese inai abiatorehai davana mai atoa kau moni abia kara do ita hadokoa.

NEHEMIA 9:14

Oiemu Sabati Dinadia naria dalana danu oi hadibadia, bona oiemu hesiai tauna Mose dekena amo, oiemu taravatu bona oda oi henidia.

ESODO 23:11

To lagani namba 7 lalonai, be tano do umui gaukaralaia lasi, ia noho kava, bona ia dekenai ia tubu anina do umui haboua lasi. Umui dekenai idia noho ogogami taudia ese unai anina do idia ania, bona orena be dagedage gaudia do idia ania diba. Inai bamona kara danu do umui karaia emui vain uma gabudia dekenai bona emui olive hatubua gabudia dekenai danu.

AONEGA HEREVADIA 3:9

Oiemu uma ena anina namodia, be Lohiabada dekenai do oi henia, oiemu matauraia karana Lohiabada dekenai be unai.

2 KORINTO 8:12

Bema tau ta ia ura dikadika harihari gauna do ia henia, Dirava ese inai kara do ia ura henia. Dirava ia diba unai tau ena kohu be hida, bona ia laloa karaia, unai tau ena harihari gauna be iena kohu hegeregerena o lasi. Bema tau ta madi be kohu lasi neganai, Dirava ese unai tau ena henia kara do ia laloa momo lasi.