NEHEMIA 10:30 - Buka Helaga (Hiri Motu) 1993

³⁰ “Ita ese iseda natudia hahine be idau bese taudia dekenai do ita henidia lasi, bona idia edia natudia hahine do ita abia lasi, iseda natudia tau do idia adavaia totona.

NEHEMIA 10:30 Iomraidhean Croise

2 KING TAUDIA 23:25

Nega gunadia lalonai, king ta be lasi Iosaia hegeregere, Lohiabada ena hesiai gaukara ia karaia mai ena laumana ibounai, mai ena kudouna ibounai, bona mai ena goada ibounai danu, Mose ena taravatu ibounai hegeregere. Bona Iosaia ena dina murinai danu king ta lasi ia toreisi, Iosaia hegeregerena.

2 KING TAUDIA 23:3

Iosaia be du badana ena badibadinai ia gini, bona Lohiabada ena vairana dekenai ia gwauhamata, Lohiabada ena dala dekenai do ia raka, bona Lohiabada ena oda bona iena hadibaia hereva, bona iena Taravatu do ia badinaia, mai iena kudouna ibounai, bona mai ena laumana ibounai danu. Ia gwauhamata danu, taravatu hereva, unai Buka lalonai torea gaudia ibounai do ia karaia. Vadaeni unai taunimanima ibounai ese Iosaia danu unai bamona idia gwauhamata.

2 SIVARAI 34:31

Iosaia be Dubu ena du badana ena badibadinai ia gini, bona Lohiabada ena vairana dekenai ia gwauhamata, Lohiabada ena gwauhamata taravatuna do ia kamonai henia, bona Lohiabada ena oda bona iena hadibaia hereva, bona iena taravatu do ia badinaia, mai ena lalona ibounai, bona mai ena kudouna ibounai danu. Ia gwauhamata danu unai Buka lalonai taravatu hereva gaudia ibounai do ia karaia.

NEHEMIA 10:1

Taravatu do idia badinaia gwauhamata ia saini tau ginigunana be gavana, Nehemia Hakalaia. Ia murinai be Sedekaia ese ia sainia. Ma idia sainia taudia ibounai be inai:

NEHEMIA 13:23

Unai dinadia lalonai danu lau ese lau itaia Iuda taudia momo ese Asadoda, Amono bona Moaba hahine idia adavaia.

NEHEMIA 13:25

Lau ese unai Iuda taudia lau gwau henia, lau hereva dika henidia, bona edia huina lau veria murimuri dekenai. Unai neganai lau oda henia, idia ese Dirava ena ladana dekenai do idia gwauhamata, idau bese hahine do idia adavaia lou lasi, bona idia ese edia natudia tau be idau bese taudia edia natudia hahine dekenai headava totona do idia henia lasi momokani. Bona idia ese idau bese taudia edia natudia tau be do idia abia lasi edia natudia hahine adavaia totona.

NEHEMIA 13:30

Unai dainai lau ese idau bese gaudia ibounai dekena amo taunimanima lau hagoevaia, bona hahelagaia taudia bona Levi taudia be lau haginia, edia gaukara ta ta do idia karaia namonamo totona.

NEHEMIA 5:12

Vadaeni idia gwau, “Ai ese do ai henia lou, bona gau ta ma idia dekena amo do ai gwauraia lasi. Oiemu hereva hegeregerena sibona do ai karaia.” Unai neganai hahelagaia taudia lau boiria, bona idia edia vairana dekenai, inai gunalaia taudia bona lohia taudia ese gwauhamata helagana idia gwauraia, unai edia gwauhamata lau dekenai, be do idia karaia momokani.

SALAMO 119:106

Lau ese lau gwauhamata vadaeni, oiemu hadibaia hereva maoromaorona do lau badinaia, vadaeni inai gwauhamata do lau makohia lasi momokani.

ESODO 34:16

Bona Israela taudia edia natudia tau ese unai bese idauidau hahine do idia adavaia lasi. Badina unai hahine ese edia dirava idia tomadiho henia neganai, unai Israela taudia ese lau do idia rakatania, vadaeni edia adavana edia dirava do idia tomadiho henia garina.

DEUTERONOMI 29:11

Bona emui natudia, emui adavadia, bona idau bese taudia, emui kamepa dekenai idia noho, bona emui au utua, bona ranu huaia taudia danu.

DEUTERONOMI 7:3

Unai bese taudia ta do umui adavaia lasi, umui emui natudia kekeni be edia uhau taudia dekenai do umui henidia lasi, bona edia natudia kekeni do umui abidia lasi emui uhau totona.