NEHEMIA 1:10 - Buka Helaga (Hiri Motu) 1993

¹⁰ “Lohiabada e, inai taudia be oiemu hesiai taudia bona oiemu bese. Oi ese oiemu siahu badana bona oiemu goada dekena amo idia oi hamauria.

NEHEMIA 1:10 Iomraidhean Croise

SALAMO 136:12

Iena imana mai ena goada, bona mai ena siahu bada dekena amo. Iena lalokau bona bogahisihisi do idia noho hanaihanai.

SALAMO 74:2

Oiemu orea, idaunegai oi abia hidi, oi sibona oiemu bese, be mani do oi laloatao. Oi ese hesiai mai guia danu dekena amo inai bese oi hamauria, oiemu bese korikori do oi halaoa totona. Siona Ororo, guna oi noho gabuna, mani do oi laloa.

SALAMO 89:14

Oiemu basileia be kara maoromaoro bona kota maorona, dekenai ia gini noho. Oi ese oiemu basileia taudia oi lalokau henia, bona mai maoromaoro bona momokani danu oi durudia noho. Oiemu kara be namo nega ibounai, oi haidaua lasi.

ESODO 13:14

“Vaira neganai, sedira emui natudia tau ese do idia nanadaia umui dekenai, do idia gwau, ‘Inai kara ena anina be dahaka?’ Do umui haere, umui gwau, ‘Lohiabada ese mai ena siahu bada, Aigupito, gaukara idia metau gabuna, dekena amo ai ia hakaua siri.

ESODO 13:16

Inai kara be laloatao ena toana ta, oiemu imana dekenai, o toa ta oiemu baguna dekenai bamona, badina be Lohiabada ese mai siahu bada danu Aigupito dekena amo ai ia hakaua siri.’ ”

ESODO 13:3

Mose ese Israela taudia dekenai ia hamaoroa, ia gwau, “Hari dina, Aigupito umui rakatania ena dina, do umui laloatao noho nega ibounai. Badina be Aigupito tano, umui emui gaukara ia metau gabuna dekena amo, Lohiabada ese iena goada bada herea dekena amo umui ia hakaua siri. Hatubua paraoa do umui ania lasi.

ESODO 13:9

Inai kara be toana ta, emui imana dekenai, o laloatao gauna ta emui baguna dekenai bamona. Inai be laloatao gauna dainai, emui uduna dekenai Lohiabada ena taravatu do umui herevalaia noho. Badina be Lohiabada ese mai iena siahu bada danu, Aigupito dekena amo ia hakaua siri umui.

ESODO 15:13

Oi hamauria vadaeni besena oi ese oi gunalaia, oiemu gwauhamata hegeregerena. Oiemu goada dekenai oi hakaudia vadaeni, ia mai bona oiemu gabu helagana.

ESODO 32:11

To Mose ese Lohiabada, iena Dirava, ia noia, ia gwau, “Lohiabada e, dahaka dainai oiemu badu ia siahu dikadika oiemu bese taudia dekenai? Aigupito dekena amo unai taudia oi hakaudia, mai oiemu siahu badana, bona mai oiemu goada badana, ani?

ESODO 6:1

Lohiabada ese Mose dekenai ia hereva, ia gwau, “Harihari Farao dekenai edena bamona dohore lau karaia be do oi itaia. Lau ese do lau hisihisi henia dikadika dainai, ia ese Israela taudia iena imana dekena amo do ia negea. Oibe, gari bada dainai, ia ese iena tano dekena amo Israela taudia do ia luludia murimuri dekenai.”

ESODO 6:6

Unai dainai Israela taudia dekenai oi hamaoroa, lau inai Lohiabada, bona Aigupito taudia ese umui emui latanai gaukara metau idia atoa, be be inai hisihisi dohore lau kokia. Idia guia umui, to lau ese umui do lau ruhaia, lauegu imana ena goada dekena amo, bona hoa karadia badadia dekena amo dohore lau hamauria umui.

ESODO 6:7

Lauegu bese do lau halaoa umui, bona lau be umui emui Dirava do lau lao, vadaeni dohore umui diba, lau be Lohiabada, umui emui Dirava, Aigupito taudia edia gaukara metau dekena amo lau hamauria umui, ena Dirava.

ISAIA 64:9

Unai dainai, ai dekenai do oi badu henia lasi, bona aiemai kara dika mani do oi laloa noho lasi ela bona hanaihanai. Ai be oiemu bese, mani ai dekenai do oi bogahisihisi.

DEUTERONOMI 15:15

“Do umui laloa, umui danu hesiai mai guia danu gaukara umui karaia Aigupito tano dekenai, bona Lohiabada, emui Dirava, ese umui ia ruhaia. Unai dainai inai oda be hari dina umui dekenai lau henia noho.

DEUTERONOMI 9:29

To idia be oiemu bese korikori, oi abidia hidi, bona oi ese Aigupito dekena amo oi hakaudia mai, mai oiemu siahu bona goada badana.”