IUDA 1:3 - Buka Helaga (Hiri Motu) 1993

³ Lauegu lalokau taudia e, iseda hamauria ena hereva totona umui dekenai do lau torea gwauraia, to hari lau laloa hereva idauna ta umui dekenai do lau torea, inai bamona: Umui ese emui abidadama lalonai do umui gini goada noho, bona Sivarai Namona idia hadikaia taudia edia hereva do umui negea. Inai abidadama be Dirava ese nega tamona sibona iena bese taudia dekenai ia henia, bona inai abidadama ena hereva be tau ta ese ia senisia diba lasi.

IUDA 1:3 Iomraidhean Croise

NEHEMIA 13:25

Lau ese unai Iuda taudia lau gwau henia, lau hereva dika henidia, bona edia huina lau veria murimuri dekenai. Unai neganai lau oda henia, idia ese Dirava ena ladana dekenai do idia gwauhamata, idau bese hahine do idia adavaia lou lasi, bona idia ese edia natudia tau be idau bese taudia edia natudia hahine dekenai headava totona do idia henia lasi momokani. Bona idia ese idau bese taudia edia natudia tau be do idia abia lasi edia natudia hahine adavaia totona.

ISAIA 45:17

To Israela be Lohiabada ese ia hamauria noho, bona Israela ena kwalimu be do ia noho hanaihanai. Iena taudia be hemarai do idia davaria lasi momokani.’ ”

ISAIA 45:22

“Tanobada kahana kahana ibounai taudia e, lau dekenai harihari do umui giroa, vadaeni mauri do umui davaria. Badina be lau sibona be Dirava, dirava idauna ta ia noho lasi.

IEREMIA 9:3

Idia be nega ibounai hereva koikoi idia gwauraia. Kara koikoi ese tano ia biagua noho, kara momokani be lasi. Lohiabada ia gwau, “Egu bese taudia ese kara dika edia latanai, ma kara dika haida idia karaia noho, bona edia Dirava be lau idia gwauraia lasi.

APOSETOLO EDIA KARA 17:3

Idia ia hadibaia namonamo, Keriso ena hisihisi bona iena toreisi lou be mai badina. Bona idia ia hamaoroa, ia gwau, “Inai Iesu, umui dekenai lau herevalaia tauna, ia be Keriso.”

APOSETOLO EDIA KARA 18:28

Badina be Apolo ese taunimanima edia vairanai, iena hereva goada dekena amo Iuda taudia ia halusia. Ia ese Buka Helaga dekena amo ia hedinaraia momokani Iesu be Keriso.

APOSETOLO EDIA KARA 20:27

Badina be Dirava ena ura ibounai umui dekenai lau hamaoroa, gau ta lau hunia lasi.

APOSETOLO EDIA KARA 28:28

Vadaeni, Paulo ia gwau, “Namo umui diba, Dirava ese iena hamauria kara be idau bese taudia dekenai ia siaia lao vadaeni, bona do idia kamonai henia.”

APOSETOLO EDIA KARA 4:12

Hamauria be Iesu sibona ese ia henia diba taunimanima dekenai. Badina be tanobada ibounai lalonai, ladana idauna ta Dirava ese ia henia lasi, ita do ia hamauria totona.”

APOSETOLO EDIA KARA 6:7

Bona Dirava ena hereva ia bada daekau, bona diba tahua taudia idia momo daekau Ierusalema dekenai, bona hahelagaia taudia momo danu ese Iesu ena dala idia abia dae.

APOSETOLO EDIA KARA 9:13

To Anania ia haere, ia gwau, “Lohiabada e, unai tau ena sivarai lau kamonai vadaeni, taunimanima momo idia gwauraia, oiemu helaga taudia Ierusalema dekenai ia hadikaia bada herea.

APOSETOLO EDIA KARA 9:22

To Saulo ena siahu ia bada daekau, bona Iesu ia harorolaia noho, ia gwau ia be Keriso momokani. Inai dainai Iuda taudia Damaseko dekenai idia noho, be idia haere henia diba lasi.

1 KORINTO 15:3

Badina be lau davaria hereva badana umui dekenai lau hamaoroa guna: Keriso be ita dainai ia mase, Buka Helaga lalonai ia torea hegeregerena.

GALATIA 2:5

To ai be ai manoka lasi, bona edia ura Tito totona ai kamonai henia lasi, lasi bona lasi momokani. Inai ai karaia, be Sivarai Namona ena momokani umui ese do umui badinaia goada noho totona.

GALATIA 3:28

Unai dainai umui ta be idau lasi. Iuda taudia bona Iuda lasi taudia, idia guia hesiai taudia bona ura kwalimu taudia, tatau bona hahine, umui ibounai be tamona sibona. Keriso Iesu danu umui hakapua dainai umui ibounai be tamona.

GALATIA 6:11

Mani umui itaia, inai toretore be revareva badadia egu imana dekenai umui dekenai lau torea noho.

EFESO 1:1

Lau inai Paulo, lau be Keriso Iesu ena aposetolo tauna, Dirava ena ura dainai. Lau ese inai revareva lau torea umui Dirava ena taudia Efeso dekenai, Keriso Iesu umui abidadama henia taudia.

DEUTERONOMI 21:9

“Unai neganai unai kerere ena davana do umui abia lasi. Unai kerere lasi tauna ena rarana be umui emui huanai dekena amo Lohiabada ese do ia kokia, Lohiabada ena vairana dekenai kara maoromaoro umui karaia dainai.

DEUTERONOMI 9:10

Vadaeni Lohiabada ese nadi palaka ruaosi lau dekenai ia henia, Dirava ena imana kwakikwakina ia torea gaudia. Inai nadi edia latanai Lohiabada ena hereva ibounai idia torea vadaeni. Inai hereva be ororo dekenai umui hebou neganai, Lohiabada ese lahi dekena amo umui dekenai ia hadibaia.

FILIPI 1:1

Paulo bona Timoteo, ai be Keriso Iesu ena hesiai taudia, ai ruaosi inai revareva ai torea inai. Leta be umui Dirava ena taudia Filipi dekenai, umui Keriso Iesu lalonai umui noho taudia, mai emui gunalaia taudia bona durua taudia dekenai danu.

FILIPI 1:27

Gau badana be inai: Keriso ena Sivarai Namona ena dala hegeregerena do umui mauri noho. Vadaeni umui dekenai lau noho, o umui dekenai lau noho lasi neganai, do lau diba umui gini goada noho. Bona do lau diba, mai emui laloa tamona bona ura tamona, Sivarai Namona abidadama henia totona do umui tuari hebou noho.

KOLOSE 1:2

Lau ura be Dirava iseda Tamana ese hariharibada bona maino umui dekenai do ia henia.

1 TESALONIKA 2:2

Umui diba, guna Filipi hanua dekenai ai lao neganai, be ai dekenai idia dagedage, bona ai idia hisihisi henia. Umui dekenai ai mai neganai tau momo ese ai idia koua gwauraia. To Dirava ese ai ia hagoadaia, vadaeni Sivarai Namona, Dirava dekena amo ia mai gauna, umui dekenai ai gwauraia, mai gari lasi danu.

1 TIMOTEO 1:18

Lauegu natuna Timoteo e, oda oi dekenai lau henia be inai: Dirava ena tuari lalonai do oi tuari namonamo, peroveta hereva gunana ese oi ia herevalaia hegeregerena.

1 TIMOTEO 6:12

Keriso ia abidadama henia tauna be heau helulu lalonai ia heau tauna bamona. Vadaeni, mai oiemu goada ibounai danu abidadama ena heau helulu do oi heaulaia, bona kwalimu ahuna, mauri hanaihanai do oi davaria. Badina be inai bamona mauri totona Dirava ese oi ia boiria. Bona inai boiboi oi hamomokania vadaeni, taunimanima momo edia vairanai oiemu abidadama oi gwauraia hedinarai neganai.

2 TIMOTEO 1:13

Hereva momokani, oi dekenai lau hadibaia gaudia do oi badinaia noho, bona idia edia murinai do oi raka. Keriso Iesu danu ita hakapua tamona dainai, ita be iena abidadama bona lalokau lalonai ita noho. Inai abidadama bona lalokau lalonai do oi gini noho.

TITO 1:4

Tito e, lauegu natuna korikori, inai revareva oi dekenai lau torea, iseda abidadama be tamona dainai. Lau ura be Tamana Dirava, bona Keriso Iesu, iseda Hamauria Tauna ese hariharibada bona maino oi dekenai do idia henia.

HEBERU 13:22

Lauegu varavara taudia e, umui lau noia goada, inai revareva, umui hagoadaia totona gauna, do umui abia dae mai haheauka danu. Badina be lau torea herevadia be lata lasi.

HEBERU 6:9

Aiemai turana lalokau e, ai ese inai hereva metau umui dekenai ai torea inai. To ai diba umui be dika inai bamona lasi. Ai diba Dirava ese umui do ia durua, bona umui do ia hamauria.

1 PETERO 5:12

Inai revareva kwadogina be Sila ena imana dekena amo umui dekenai lau torea inai. Lau diba Sila be iseda Keristani varavara tauna korikori. Lau ura inai leta dekena amo umui do lau hagoadaia, bona lau gwauraia hedinarai inai: Dirava ena hariharibada korikori ena dala be inai egu hereva lalonai. Inai hariharibada lalonai do umui gini goada.

2 PETERO 1:1

Lau Simona Petero inai. Lau be Iesu Keriso ena hesiai tauna, bona iena aposetolo tauna. Umui momo ese aiemai abidadama hegeregerena umui davaria vadaeni. Inai bamona taudia ibounai dekenai inai revareva lau torea. Inai abidadama ita abia be namo herea momokani, bona iseda Dirava bona Hamauria Tauna Iesu Keriso ena kara maoromaoro dainai ita davaria vadaeni.

2 PETERO 2:21

Momokani, unai taudia ese kara maoromaoro dalana ena diba idia davaria lasi guna be namo. Badina korikori be, unai dala idia davaria vadaeni, bona taravatu helagana idia diba, to idia ura lasi, bona idia negea vadaeni.

IUDA 1:1

Lau Iuda, lau be Iesu Keriso ena hesiai tauna, bona Iamesi ena tadina. Umui, Dirava ese umui ia abia hidi taudia dekenai inai revareva lau torea. Umui be Tamana Dirava ese ia lalokau henia, bona Iesu Keriso ese umui ia naria noho.

IUDA 1:17

Lauegu lalokau taudia e, iseda Lohiabada Iesu Keriso ena aposetolo taudia ese umui idia hadibaia hereva do umui laloatao.

IUDA 1:20

To umui, lauegu lalokau taudia e, emui abidadama helagana ena latanai emui mauri do umui haginia goada. Lauma Helaga ena siahu dekena amo do umui guriguri noho.

APOKALUPO 12:11

Iseda varavara ese Mamoe ena Natuna ena rarana dainai, bona iena hereva idia gwauraia dainai, Satani dekena amo idia kwalimu. Bona edia tanobada mauri idia laloa momo lasi, to Keriso dainai edia mauri idia atoa diho.

APOKALUPO 2:10

Hisihisi do oi abia, to do oi gari henia lasi. Kamonai! Satani ese umui haida dibura ruma dekenai do ia koua, umui do ia dibaginia, bona dina 10 lalonai do umui hisihisi. Do umui gini goada noho, bona lau do umui badinaia noho ela bona mase, vadaeni lau ese umui emui kwalimu ahuna, mauri, umui dekenai do lau henia.