IOSUA 9:9 - Buka Helaga (Hiri Motu) 1993

⁹ Idia haere, idia gwau, “Ai, oiemu hesiai taudia, be gabu daudau dekena amo ai mai. Lohiabada, emui Dirava, ena ladana dainai ai mai vadaeni. Badina be Lohiabada ena sivarai ai kamonai vadaeni, bona iena kara ibounai Aigupito dekenai ia karaia ena sivarai.

IOSUA 9:9 Iomraidhean Croise

1 KING TAUDIA 8:41

“Unai bamona danu, idau tauna ta, oiemu bese Israela tauna ta lasi, bema oiemu ladana namo herea sivarai ia kamonai dainai, bona oiemu siahu dainai, tano daudau dekena amo do ia mai,

NEHEMIA 9:5

Vadaeni Levi taudia, Iesua bona Kademiele bona Bani bona Hasabaneia bona Serebaia bona Hodaia bona Sebanaia bona Petahaia ese Israela idia boiria hebou, idia gwau, “Umui gini, Lohiabada emui Dirava do umui hanamoa. Ia do umui hanamoa ela bona hanaihanai! Dirava ena ladana namo herea do umui hanamoa. Taunimanima edia hanamoa be hegeregere lasi Dirava do idia hanamoa!”

SALAMO 148:13

namona be idia ibounai ese, Lohiabada ena ladana do idia hanamoa bada! Iena ladana badana ese, taunimanima ibounai edia ladana badana ia hereaia noho. Iena hairaina be ataiai momokani, ia ese tanobada bona guba ia hereaia noho.

SALAMO 72:19

Lohiabada ena ladana namo herea do ita hanamoa hanaihanai. Iena hairai namona ese tanobada ibounai do ia hahonua. Amen bona Amen.

SALAMO 78:12

Edia sene taudia be, edia matadia dekenai unai hoa karadia idia itaia, Aigupito tano dekenai bona Soana tano palaka dekenai danu.

SALAMO 83:18

Lau ura inai bamona do oi karaia, vadaeni idia be do idia diba oiemu ladana be Iehova. Bona oi sibona, Ataiai Momokani Diravana, ese tanobada oi biagua noho.

ESODO 15:14

Bese idauidau oiemu kara ena sivarai idia kamonai, vadaeni idia gari, idia heudeheude. Pilistia taudia edia gari, be mara ena hisihisi bamona.

ESODO 9:16

To inai totona oi dekenai mauri lau henia vadaeni: Lauegu siahu dohore oi itaia, vadaeni tanobada taudia ibounai ese lauegu ladana dohore idia matauraia totona.

ISAIA 55:5

Bona hari umui danu ese, bese idauidau, umui diba lasi besedia, do umui boiria, vadaeni idia be do idia heau mai umui dekenai, umui danu do idia haboua totona! Lau, Lohiabada, emui Dirava, Israela ena Dirava Helagana, ese inai kara ibounai do lau havaraia. Lau ese hanamoa bona hairai umui dekenai do lau henia.”

ISAIA 66:19

“Lau ese toa ta idia edia huanai do lau atoa. Inai haida be mase amo do idia roho mauri, vadaeni idia be do lau siaia lao, tano idauidau dekenai. Unai tanodia, Tarasisi, Libia bona Lidia, diba bona peva diba momo taudia edia tano, bona Tubala bona Helene dekenai, bona kone tanodia gabu daudau dekenai, egu sivarai do idia kamonai lasi taudia, bona egu hairaina idia do itaia lasi taudia dekenai do idia lao. Idia ese bese idauidau edia huanai egu hairaina do idia gwauraia hedinarai.

NUMERA 14:15

Bema oiemu bese ibounai oi alaia ore neganai, oiemu sivarai idia kamonai besedia do idia gwau,

NUMERA 20:14

Mose ese Kadesi dekena amo iena hesiai taudia be Edoma ena king dekenai ia siaia. Idia gwau, “Inai hereva be oiemu tadina Israela dekena amo. Oi diba vadaeni ai dekenai idia vara hisihisi gaudia ibounai.

APOSETOLO EDIA KARA 8:7

Taunimanima momo dekena amo lauma dikadia idia lao murimuri dekenai, mai boiboi bada danu. Bona marere diba lasi taudia, bona aena dika taudia momo ese mauri idia davaria.

DEUTERONOMI 20:11

Bema hanua taudia ese emui maino hereva idia abia dae, bona edia magu iduara idia kehoa neganai, hanua taudia ibounai be emui hesiai taudia do idia lao, bona emui hesiai gaukara do idia karaia.

DEUTERONOMI 20:15

“Unai bamona do umui karaia, unai do umui noho tano ena murimurinai hanuadia dekenai. Idia be emui tano dekena amo daudau idia noho.

IOSUA 9:10

Bona Lohiabada ese Amoro king ruaosi, Ioridane Sinavai unai kahana dekenai, dahaka ia karaia ena sivarai danu ai kamonai. Unai king be Sihona, Hesebona ena king, bona Oga, Basana ena king, Asataroto dekenai ia noho tauna.

IOSUA 9:16

Dina toi idia lao, unai maino karaia murinai, vadaeni Israela taudia idia kamonai unai Gibeona taudia be kahirakahira idia noho.

IOSUA 9:17

Vadaeni Israela taudia be laolao totona idia toreisi, bona dina toi idia ore neganai, Gibeona taudia edia hanua dekenai idia ginidae. Edia hanua be Gibeona, Kepira, Beroto bona Kiriata Iearimi.

IOSUA 9:24

Gibeona taudia ese Iosua dekenai idia haere, idia gwau, “Lohia e, ai kamonai bona ai diba Lohiabada oiemu Dirava ese iena hesiai tauna Mose ia oda henia, inai tano ibounai be umui dekenai do ia henia, bona inai tano dekenai noho taudia ibounai be emui vairana dekenai do ia alaia mase. Unai dainai umui dekenai ai gari dikadika, bona aiemai heau mauri dalana ai tahua. Unai dainai unai koikoi kara ai karaia.