IOSUA 9:14 - Buka Helaga (Hiri Motu) 1993

¹⁴ Israela taudia ese unai taudia edia aniani sisina idia ania, to idia ese Lohiabada ena sisiba hereva idia tahua lasi.

IOSUA 9:14 Iomraidhean Croise

2 SAMUELA 2:1

Unai murinai Davida ese Lohiabada ia nanadaia, ia gwau, “Iuda hanua ta do lau abia bona biagua, o lasi?” Lohiabada ese ia haere, ia gwau, “Oi lao, ta oi abia.” Davida ia nanadaia lou, “Edena hanua?” Lohiabada ia gwau, “Heberona.”

2 SAMUELA 5:19

Davida ese Lohiabada ia nanadaia, ia gwau. “Do lau lao, Pilistia taudia do lau tuari henia, o? Oi ese kwalimu lau dekenai do oi henia, o?” Lohiabada ese Davida dekenai ia haere, ia gwau, “Oibe, oi lao, oi dekenai kwalimu do lau henia momokani.”

ESERA 8:21

Unai neganai, Ahava Sinavai ena badibadinai, lau Esera ese lau oda henia, ita ibounai be aniani do ita ania lasi, bona Dirava ena vairana dekenai do ita manau. Bona Dirava do ita noia, ia ese iseda laolao dekenai ita do ia hakaua, iseda natudia bona iseda kohu do ia naria totona.

ESODO 28:30

Bona inai nadi ruaosi, Dirava ena ura davaria gaudia be kemena dabua lalonai do oi udaia. Vadaeni Arona be Helaga Herea Gabuna, lau noho gabuna, do ia raka vareai neganai, ia ese inai nadi ruaosi do ia abia lao. Inai negadia ibounai inai kemena dabua do ia kwatua, vadaeni lauegu ura Israela taudia totona be do ia davaria diba.

NUMERA 27:21

Iosua be hahelagaia tauna Eleasara ena vairanai do ia gini, vadaeni Eleasara ese ia dainai Lohiabada ena ura do ia tahua, Urima bona Tumima dekena amo. Vadaeni Iosua ena oda hereva dekenai, Israela taudia ibounai do idia raka lao, bona do idia raka vareai, orea tamona.”

IAMESI 1:5

Bema umui ta be aonega lasi, namona be Dirava do ia noia, vadaeni Dirava ese aonega ia dekenai do ia henia. Badina be Dirava ese taunimanima ibounai dekenai gau namodia ia henia noho. Bona tau ta bema ia be gau ta lasi, vadaeni Dirava do ia noia neganai, Dirava ese do ia badu henia lasi.

IOSUA 9:13

Inai uaina kopina gaudia danu, ai hahonua neganai idia be matamata, to harihari umui itaia, idia be idia darea vadaeni. Aiemai dabua bona aiemai tamaka danu be idia dika vadaeni, dala daudau dekena amo ai mai vadaeni dainai.”

GUNALAIA TAUDIA 1:1

Iosua ia mase murinai Israela taudia ese Lohiabada idia nanadaia, idia gwau, “Aiemai huana dekenai edena iduhu ese Kanana taudia do idia tuari henia guna?”

GUNALAIA TAUDIA 20:18

Israela taudia idia toreisi, Betele dekenai idia lao, Dirava idia nanadaia, idia gwau, “Edena iduhu taudia ese Beniamina taudia do idia tuari henia guna?” Lohiabada ia gwau, “Iuda iduhu be do ia tuari henidia guna.”

GUNALAIA TAUDIA 20:28

Pineha Eleasara, Arona ena tubuna, be unai neganai Taravatu Maua ena vairanai Lohiabada ena hesiai gaukara ia karaia. Israela taudia ese Lohiabada idia nanadaia, idia gwau, “Aiemai varavara taudia ma do ai tuari henia lou, o do ai hadokoa?” Lohiabada ia gwau, “Kerukeru ma do umui tuari henidia lou, bona lau ese Beniamina taudia dekena amo umui dekenai kwalimu do lau henia.”

1 SAMUELA 22:10

Bona Ahimeleka ese Davida totona Lohiabada ia nanadaia. Ahimeleka ese danu Davida dekenai aniani ia henia, Goliata, Pilistia tauna ena tuari kaia danu ia henia.”