IOSUA 9:13 - Buka Helaga (Hiri Motu) 1993

¹³ Inai uaina kopina gaudia danu, ai hahonua neganai idia be matamata, to harihari umui itaia, idia be idia darea vadaeni. Aiemai dabua bona aiemai tamaka danu be idia dika vadaeni, dala daudau dekena amo ai mai vadaeni dainai.”

IOSUA 9:13 Iomraidhean Croise

MATAIO 9:17

Uaina matamata be kopina gunana dekenai do idia udaia lasi. Bema unai bamona idia karaia, uaina matamata ese kopina do ia hapoua, vadaeni uaina bona kopina do idia dika nega tamona. To uaina matamata be kopina matamata dekenai idia udaia, vadaeni idia ruaosi do idia namo.”

MAREKO 2:22

Daika tauna be, kopina gunana lalonai uaina matamata do ia bubua? Bema unai bamona, uaina ese kopina do ia darea, uaina ia bubua kava, bona kopina do ia dika vadaeni. To namo be uaina matamata, kopina matamata lalonai do idia atoa.”

LUKA 5:37

Bona tau ta ese uaina matamata be kopina gunana dekenai do ia udaia lasi. Unai bamona bema ia karaia, uaina ese kopina do ia makohia, vadaeni uaina do ia bubua negea bona kopina danu do ia dika.

DEUTERONOMI 29:5

Lagani 40 lalonai, lau ese taunimanima lasi tano dekenai umui lau hakaua, bona emui dabua be dika lasi, idia namo noho, bona emui tamaka danu idia dika lasi noho.

IOSUA 9:12

“Aiemai paraoa be inai, umui hedavari totona ai toreisi dinana dekenai beredi ta ta be mai ena siahu danu ai udaia. To harihari umui itaia, beredi be idia auka bona kaukau.

IOSUA 9:14

Israela taudia ese unai taudia edia aniani sisina idia ania, to idia ese Lohiabada ena sisiba hereva idia tahua lasi.

IOSUA 9:4

idia ese laloa idia karaia, Iosua do idia koia totona. Idia ese aniani idia haboua, laolao taudia bamona, puse gunadia bona uaina kopidia gunadia, idia darea, bona idia dika dainai idia turia lou gaudia, be edia doniki edia doruna dekenai idia atoa.

IOSUA 9:5

Tamaka gunadia, dika dainai idia hanamoa lou gaudia, bona dabua gunadia, idia darea vadaeni gaudia, idia kwatua. Edia paraoa danu be kaukau bona auka.