IOSUA 8:6 - Buka Helaga (Hiri Motu) 1993

⁶ Idia ese ai do idia lulua mai, ela bona hanua dekena amo sisina daudau dekenai. Do idia gwau, ‘Iseda vairana dekena amo idia heau lao noho, vanegai idia heau hegeregerena.’ Unai dainai idia edia vairana dekena amo do ai heau noho.

IOSUA 8:6 Iomraidhean Croise

ESODO 14:3

Badina Farao be inai bamona do ia laloa, ‘Israela taudia be taunimanima idia noho lasi gabuna dekenai idia raka kava, raka kava noho, bona unuseni be do idia boio bamona.’

ESODO 15:9

Tuari henia tauna ia gwau, “Idia do lau lulua, bona idia do lau dogoatao. Edia kohu be do lau haria karaia, bona lauegu ura idia dekenai do lau karaia. Lauegu tuari kaia do lau abia isi, bona egu goada dekena amo edia kohu ibounai do lau abia.”

HADIBAIA TAUNA 8:11

Kara dika ena davana be idia henia haraga lasi dainai, taunimanima ese, edia kudoudia dekenai kara dika idia ura henia bada noho.

HADIBAIA TAUNA 9:12

Ma danu, taunimanima be edia nega idia diba lasi. Gwarume be reke ese ia abidia haraga, bona manu be tarapu ese ia koudia haraga. Unai bamona danu, nega dika ese taunimanima ia abidia, idia diba lasi negana dekenai.

IOSUA 8:5

To lau bona egu tuari taudia danu be hanua kahirakahira do ai raka mai. Ai taudia be hanua dekena amo do idia mai, ai do idia tuari henia totona, bona ai be idia dekena amo do ai heau, guna ita karaia bamona.

IOSUA 8:7

“Unai neganai umui be do umui toreisi, emui hunia gabuna do umui rakatania, bona Ai hanua do umui abia, badina be, Lohiabada, emui Dirava, ese umui dekenai do ia henia.

GUNALAIA TAUDIA 20:32

Beniamina taudia be idia ta ta dekenai idia herevahereva, idia gwau, “Iseda vairana dekenai idia heau noho, bona ita kwalimu noho, guna ita karaia bamona.” To Israela taudia be idia herevahereva, idia gwau, “Do ita heau koikoi, vadaeni laolao dala dekenai Beniamina taudia do ita veridia mai, idia ese hanua do idia rakatania momokani.”