IOSUA 8:33 - Buka Helaga (Hiri Motu) 1993

³³ Vadaeni Israela taudia ibounai, mai edia gunalaia taudia, edia lohia taudia, bona edia kota biagudia, bona idau bese taudia edia huanai noho taudia, be Taravatu Maua kahana kahana dekenai idia gini, hahelagaia taudia, Levi taudia edia vairana dekenai. Taravatu Maua be Levi taudia ese idia huaia. Taunimanima kahana be Gerisima Ororo ena vairanai idia gini, ma taunimanima kahana be Ebala Ororo ena vairanai idia gini. Inai be Mose, Lohiabada ena hesiai tauna ena oda hegeregerena, Israela taudia hanamoa totona hereva ia gwauraia neganai.

IOSUA 8:33 Iomraidhean Croise

ESODO 12:49

Taravatu be tamona, Israela tauna momokani iena, bona idau bese tauna umui huanai ia noho iena.”

LEVITIKO 24:22

“Israela dekenai idia noho idau bese taudia bona Israela taudia korikori dekenai inai taravatu be tamona. Lau Lohiabada be umui emui Dirava.”

NUMERA 15:15

Umui bona umui emui huanai idia noho idau bese, umui ibounai dekenai taravatu be tamona, hari ela bona nega ibounai. Lohiabada ena vairana dekenai umui bona idia be tamona.

NUMERA 15:16

Taravatu bona oda ibounai be tamona, umui, bona umui dekenai noho idau bese taudia emui latanai.’ ”

NUMERA 15:29

Inai kara kerere ia karaia kava taravatuna be tamona sibona, bese ibounai taudia edia latanai. Bema Israela tauna o Israela dekenai ia noho idau tauna ese unai bamona ia kerere neganai, taravatu be tamona sibona.

IOANE 4:20

Aiemai tubuna be inai ororo dekenai Dirava idia tomadiho henia, to umui gwau tomadiho gabuna momokani be Ierusalema dekenai sibona.”

DEUTERONOMI 11:29

“Bona Lohiabada, emui Dirava ese do umui noho tano dekenai umui do ia hakaua vareai neganai, Gerisima Ororo dekenai Dirava ena hanamoa hereva do umui gwauraia, bona Ebala Ororo dekenai Dirava ena hadikaia hereva do umui gwauraia.

DEUTERONOMI 31:12

Taunimanima ibounai do umui haboua, tau bona hahine, memero bona kekeni, bona idau taudia, emui hanua dekenai idia noho danu. Vadaeni do idia kamonai, edia lalona be do idia kehoa, bona Lohiabada emui Dirava do idia gari henia. Bona inai Taravatu ena hereva ibounai do idia badinaia, bona edia kara do idia karaia.

DEUTERONOMI 31:25

Vadaeni Mose ese Levi taudia, Lohiabada ena Taravatu Maua idia naria taudia ia oda henidia, ia gwau,

DEUTERONOMI 31:9

Mose ese Lohiabada ena Taravatu ia torea, vadaeni Levi helaga taudia bona Israela tau badadia dekenai ia henia. Unai Levi taudia ese Lohiabada ena Taravatu Maua idia naria noho.

IOSUA 23:2

Vadaeni Iosua ese Israela besena ibounai ia boiria, edia tau badadia, edia hanua lohia taudia, bona edia kota biaguna taudia, bona edia gunalaia taudia dekenai ia hereva henia, ia gwau, “Lau be lau buruka vadaeni, egu mauri lagani be momo.

IOSUA 24:1

Iosua ese Israela edia iduhu ibounai ia haboua Sekema dekenai. Iduhu ibounai edia tau badadia, bona edia hanua lohia taudia, bona edia kota biagudia, bona edia gunalaia taudia ia boiridia hebou. Vadaeni Dirava ena vairanai idia gini.

IOSUA 3:14

Vadaeni Israela taudia ese edia kamepa gabuna idia rakatania, Ioridane Sinavai hanaia totona. Hahelagaia taudia ese Taravatu Maua idia huaia lao, Israela taudia edia vairana dekenai.

IOSUA 3:3

taunimanima idia oda henia, idia gwau, “Hahelagaia taudia, Levi iduhu taudia, ese Lohiabada emui Dirava ena Taravatu Maua do idia huaia, umui itaia neganai, do umui toreisi, Maua ena murinai do umui raka.

IOSUA 3:6

Iosua ese hahelagaia taudia ia hamaoroa, ia gwau, “Taravatu Maua do umui abia isi, taunimanima edia vairana dekenai do umui raka guna.” Vadaeni Taravatu Maua idia abia isi, bona idia edia vairanai idia raka lao.

IOSUA 4:10

Badina be hahelagaia taudia, Taravatu Maua idia huaia taudia, be Ioridane Sinavai ena huana dekenai idia gini, ela bona Lohiabada ese Iosua ia oda henia gaudia ibounai be taunimanima ese idia karaia haorea vadaeni. Inai gaudia be Mose ena oda ibounai, Iosua dekenai ia hamaoroa hegeregerena. Vadaeni taunimanima ibounai sinavai idia hanaia haraga.

IOSUA 4:18

Hahelagaia taudia, Lohiabada ena Taravatu Maua idia huaia taudia, be Ioridane Sinavai dekena amo idia daekau mai. Vadaeni edia aena be tano kaukauna dekenai idia atoa neganai, Ioridane Sinavai be maoromaoro ia heau lou, bona abata ia daekau lou, guna bamona.

IOSUA 6:6

Unai dainai, Iosua Nunu ese hahelagaia taudia ia boiria, ia gwau, “Taravatu Maua do umui abia isi, bona umui ibounai 7 ese nani tau edia doana kibi 7 do umui huaia, bona Lohiabada ena Taravatu Maua ena vairanai do umui raka.”