IOSUA 8:31 - Buka Helaga (Hiri Motu) 1993

³¹ Unai boubou patana be Iosua ese ia karaia, Mose, Lohiabada ena hesiai tauna ena oda hegeregerena, Israela taudia dekenai. Mose ena Taravatu Buka lalonai inai bamona ia torea: “Boubou patana be nadi kavakava, idia utua lasi gaudia dekena amo do umui karaia.” Bona inai boubou patana ena latanai Lohiabada dekenai gabua boubou, bona maino karaia boubou idia henia.

IOSUA 8:31 Iomraidhean Croise

2 KING TAUDIA 14:6

To unai taudia edia natudia danu be Amasia ia aladia lasi, badina be Mose ena Taravatu Buka ia matauraia. Mose ena Taravatu lalonai, Lohiabada ese oda ia gwauraia, ia gwau: “Tamana be do umui alaia lasi, edia natudia edia dika dainai, bona memero do umui alaia lasi edia tamadia edia dika dainai, to tau ta ta ena kara dika, ena kara dika, dainai do ia mase.”

2 KING TAUDIA 22:8

Sapana, toretore tauna, be Hilekaia dekenai ia ginidae, bona king ena oda ia hamaoroa. Vadaeni Hilekaia ese Sapana ia hamaoroa Taravatu Bukana be Dubu Helaga lalonai ia davaria vadaeni. Hilekaia ese inai Buka be Sapana dekenai ia henia, bona Sapana ese ia duahia.

2 SIVARAI 25:4

To unai taudia edia natudia danu be Amasaia ia aladia lasi, badina be Mose ena Taravatu Buka ia matauraia. Mose ena Taravatu lalonai Lohiabada ese oda ia gwauraia, ia gwau, “Tamana be do umui alaia lasi, edia natudia edia dika dainai, bona memero do umui alaia lasi, edia tamadia edia dika dainai, to tau ta ta ena kara dika, ena kara dika, dainai do ia mase.”

2 SIVARAI 35:12

Unai neganai, Levi taudia do idia gabua ore gaudia edia vamu idia utua, bona hanua taudia edia iduhu orea ta ta dekenai idia haria henidia, idia ese Lohiabada dekenai do idia henia totona, Mose ena Buka dekenai ia torea hegeregerena. Boromakau tau dekenai danu unai bamona idia karaia.

ESERA 6:18

Bona hahelagaia taudia, edia orea ta ta dekenai, bona Levi taudia danu, be edia gaukara ta ta totona idia abia hidi, Dubu Helaga ena gaukara idauidau do idia karaia, Ierusalema dekenai. Inai gaukara ta ta idia henia, Mose ena Buka lalonai ia torea hegeregerena.

NEHEMIA 13:1

Unai dina dekenai idia ese Mose ena taravatu buka be taunimanima edia vairana dekenai idia duahia hedinarai. Bona unai neganai idia davaria, ia torea vadaeni, Amono tauna ta o Moaba tauna ta be nega ta Dirava ena orea edia hebou lalonai do ia vareai lasi.

ESODO 18:12

Vadaeni Ietero ese lahi ia gabua ore boubou gauna ia henia Dirava dekenai. Boubou gaudia haida ma danu Dirava dekenai ia henia. Unai neganai Arona bona Israela tau badadia ibounai idia haboua, Mose ena ravana danu idia aniani hebou, Dirava ena vairanai.

ESODO 24:5

Vadaeni Mose ese Israela tatau matamata haida ia siaidia, idia ese boromakau tau idia mailaia, boubou gaudia dekenai idia halaoa, boubou be rua, ta be lahi ese ia gabua ore momokani ena boubou, ta be maino karaia boubou Lohiabada ena.

MATAIO 12:26

Bona bema Satani ese Satani ia lulua murimuri dekenai, unai be ia parara, ma sibona ia heatu henia, vadaeni iena basileia be edena bamona do ia gini diba?

DEUTERONOMI 27:2

Ioridane Sinavai do umui hanaia, bona Lohiabada, emui Dirava umui do ia henia tano do umui raka vareai dinana dekenai, nadi badadia haida do umui haginia, bona semenisi pilasta dekena amo idia do umui koua.

DEUTERONOMI 27:8

Inai taravatu ibounai be unai nadi badadia edia latanai do umui torea hedinarai namonamo.”

IOSUA 1:8

Inai Taravatu Buka be nega ibounai emui guriguri heboudia lalonai do umui duahia. Dina bona hanuaboi do oi tahua, bona iena torea herevadia ibounai do oi kamonai henia. Unai neganai oiemu raka do ia namo, bona oiemu kara ena anina do ia vara momokani.