IOSUA 8:3 - Buka Helaga (Hiri Motu) 1993

³ Unai dainai Iosua ia toreisi, iena tuari taudia ibounai danu, hanua tuari henia totona idia karaia hegaegae. Iena tuari taudia namodia bona goadadia ibounai 30,000 ia abia hidi, bona hanuaboi neganai ia siaidia.

IOSUA 8:3 Iomraidhean Croise

ESODO 17:9

Mose ese Iosua dekenai ia hereva, ia gwau, “Tau haida oi abia hidi, vadaeni kerukeru Amaleka taudia do umui tuari henidia. Ororo ena ataiai do lau gini, Lohiabada ese lau dekenai ia henia itotohi be egu imana dekenai do lau dogoatao.”

MATAIO 24:39

Taunimanima ese idia laloa lasi dahaka do ia vara, idia kara dika noho, ia mai bona abata badana ia ginidae, vadaeni abata ranu ese ibounai ia abia lao. Taunimanima ena Natuna do ia mai neganai danu unai bamona do ia vara.

MATAIO 24:50

Unai hesiai tauna be ia laloa lasi dinana dekenai, bona hora ta ia diba lasi neganai, iena biaguna do ia ginidae.

MATAIO 25:6

“Hanuaboi huanai tau ta ia boiboi, ia gwau, ‘Headava matamata tauna ia mai inai, umui raka mai, ia danu umui hedavari.’

1 TESALONIKA 5:2

Badina be umui danu umui diba vadaeni, Lohiabada ena Dina be do ia mai, henaoa tauna hanuaboi neganai ia mai bamona.

IOSUA 10:7

Unai dainai Iosua, mai ena tuari taudia ibounai, iena tuari diba momo taudia danu, be Gilegala dekena amo idia raka mai.

IOSUA 8:2

“Umui ese Ieriko dekenai bona Ieriko ena king dekenai umui karaia hegeregerena be Ai hanua bona Ai ena king dekenai danu do umui karaia. To inai neganai Ai ena kohu bona iena ubua gaudia do umui abia diba, emui. Hunia dekenai Ai hanua ena murina kahanai do umui naria noho, bona do umui tuari henidia neganai do idia hoa.”

IOSUA 8:4

Ia oda henidia, ia gwau, “Kamonai namonamo, hanua ena murina kahana Ai ena dina diho kahana dekenai do umui hunia, bona tuari totona do umui naria hegaegae noho.

2 PETERO 3:10

To Lohiabada ena Dina be do ia ginidae, henaoa tauna ia ginidae bamona. Unai Dina dekenai, guba be nega tamona do ia ore, mai regena bada danu. Guba dekenai noho gaudia, hisiu, hua, bona dina, be lahi bada herea ese idia do ia araia ore. Tanobada danu, bona ia lalonai noho gaudia ibounai, be lahi bada ese do ia araia ore.

GUNALAIA TAUDIA 9:32

Unai dainai hanuaboi neganai do oi toreisi, mai oiemu tuari taudia danu, hanua ena murimurinai hunia dekenai do umui naria.